Аляксандра асудзілі ў чэрвені 2021 года за абразу Лукашэнкі. Па версіі абвінавачання, знаходзячыся ў стане алкагольнага ап'янення, ён патэлефанаваў па нумары 102 і выказаўся ў яго адрас у непаважлівай форме.
Вызвалены летам 2022 года, цалкам адбыўшы прызначаны судом тэрмін пакарання.
- Аб'яднанні
- Затрыманыя да 18 гадоў
- Студэнты
- Аб'яднанні
- Затрыманыя да 18 гадоў
- Студэнты
Данііл быў асуджаны за ўдзел у акцыі пратэсту супраць фальсіфікацыі прэзідэнцкіх выбараў — у ноч з 9 на 10 жніўня 2020 года ён разам з бацькам стаяў у счэпцы ў першым радзе ў цэнтры горада.
Вызвалены ў ліпені 2022 года, цалкам адбыўшы тэрмін пакарання, прызначаны судом.
Сяргея абвінавацілі ў тым, што ён размясціў у тэлеграм-чаце каментар, які, паводле версіі следства, абражаў былога міністра ўнутраных спраў Юрыя Караева. Следства палічыла, што гэтым ён "нанёс шкоду аўтарытэту дзяржаўнай улады" і "прынізіў гонар і годнасць" генерал-маёра.
Вызвалены ў чэрвені 2023 года, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Уладзімір, шматдзетны бацька, быў асуджаны ў чэрвені 2021 года і прыгавораны да пазбаўлення волі. Паводле абвінавачання, у жніўні 2020 года ён размясціў у адным з Telegram-чатаў абразлівыя паведамленні ў адрас супрацоўніка АУС з пагрозамі прымянення гвалту.
Вызвалены ў траўні 2023 года, цалкам адбыўшы тэрмін пакарання, прызначаны судом.
Ян быў асуджаны за ўдзел у мірнай акцыі пратэсту 6 верасьня 2020 года ў Горадні. Яго абвінавацілі ў тым, што ён станавіўся ў счэпку, заклікаў іншых далучыцца да несанкцыянаванага мерапрыемства і кінуў неўстаноўлены прадмет у бок супрацоўнікаў МУС. Сваёй віны ён не прызнаў.
Па падліках праваабаронцаў Ян быў вызвалены зімой 2024 года, цалкам адбыўшы тэрмін пакарання, прызначаны судом.
Пятро быў асуджаны за ўдзел у мірнай акцыі пратэсту 6 верасня 2020 года ў Гродне. Яго абвінавацілі ў тым, што ён станавіўся ў счэпку, заклікаў іншых далучыцца да несанкцыянаванага мерапрыемства і кінуў неўстаноўлены прадмет у бок супрацоўнікаў МУС. Сваёй віны ён не прызнаў.
Па падліках праваабаронцаў Пётр быў вызвалены летам 2024 года, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Сяргей быў асуджаны за канфлікт з вартаўніком школы ў Замасточчы, які адбыўся ў ноч з 13 на 14 лістапада 2020 года. Па версіі следства, ён павесіў бел-чырвона-белы сцяг на тэрыторыі школы, пасля чаго паміж ім і вартаўніком узнікла слоўная сварка, падчас якой прагучалі пагрозы. Сяргей быў затрыманы на трое сутак, пазней адпушчаны пад падпіску аб нявыездзе і ўзяты пад варту ўжо ў зале суда.
Па падліках праваабаронцаў ён быў вызвалены ў чэрвені 2023 года, цалкам адбыўшы тэрмін пакарання, прызначаны судом.
- Аб'яднанні
- Студэнты
- Аб'яднанні
- Студэнты
Вадзім быў асуджаны за ўдзел у "масавых беспарадках" у рамках крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацый на прэзідэнцкіх выбарах. Да суда ён знаходзіўся пад падпіскай аб нявыездзе, аднак на працэсе 19 ліпеня 2021 года мера стрымання была зменена, і яго ўзялі пад варту.
Па падліках праваабаронцаў, ён быў вызвалены ў траўніі 2025 года, цалкам адбыўшы прызначаны судом тэрмін пакарання.
Сяргей у 2021 годзе двойчы быў асуджаны за абразу прадстаўнікоў улады.
Першы прысуд ён атрымаў у красавіку за каментар у Telegram-канале аб міліцыянеры з Нясвіжа. Яго прыгаварылі да абмежавання волі без накіравання ва ўстанову і абавязалі выплаціць кампенсацыю.
Другі прысуд вынеслі ўжо ў ліпені — за новы каментар у сацсетках, прысудзіўшы да абмежавання волі з накіраваннем у папраўчую ўстанову адкрытага тыпу.
У верасні Гомельскі абласны суд адхіліў апеляцыю. Стражэйшае пакаранне замяніла ранейшае — «хатняя хімія» стала звычайнай. Нягледзячы на раскаянне, кампенсацыю, стан здароўя, клопат аб пажылых бацьках і станоўчую характарыстыку, суд не змякчыў прыгавор.
Вызвалены ў сакавіку 2023 года, цалкам адбыўшы тэрмін пакарання, прызначаны судом.
Васіль, інжынер, быў асуджаны ў чэрвені 2021 года за кароткі каментар, пакінуты ў сацыяльнай сетцы «Аднакласнікі» ў групе «Вусаты Прусак» у адрас двух супрацоўнікаў Дубровенскага РАУС.
Вызвалены ў сакавіку 2023 года, цалкам адбыўшы тэрмін пакарання, прызначаны судом.
Андрэй быў затрыманы ў ноч з 26 на 27 лютага 2021 года ў Заслаўі за развешванне ўлётак з карыкатурамі на Лукашэнку. Пасля затрымання ён правёў тры дні ў ІЧУ Мінскага раёна, а потым знаходзіўся пад хатнім арыштам. У чэрвені 2021 года яго ўзялі пад варту проста ў зале суда пасля абвяшчэння прысуду.
Вызвалены ў красавіку 2022 года, цалкам адбыўшы тэрмін пакарання, прызначаны судом.
Яўген быў асуджаны за тое, што, паводле абвінавачання, наўмысна зняў з фасада будынка пошты дзяржаўны сцяг і выкінуў яго ў скрыню. У матэрыялах справы ўказана, што на момант здзяйснення ўчынку ён знаходзіўся ў стане алкагольнага ап'янення, што пацверджана экспертызай.
Максіма прызналі вінаватым у тым, што ён зняў з даху крамы чырвона-зялёны сцяг, скамячыў яго, выкінуў, а дрэўка зламаў. Віну прызнаў цалкам і добраахвотна кампенсаваў нанесеную матэрыяльную шкоду.
Па падліках праваабаронцаў, ён быў вызвалены летам 2022 года, цалкам адбыўшы тэрмін пакарання, прызначаны судом.
- Аб'яднанні
- Выкладчыкі
- Аб'яднанні
- Выкладчыкі
Марына, выкладчыца польскай і англійскай моў, была асуджаная за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх быў ужыты вадамёт.
Яе прыгаварылі да абмежавання волі без накіравання, аднак у лістападзе 2021 года яна была пераведзена пад хатні арышт.
Вызвалена ў красавіку 2022 года, цалкам адбыўшы тэрмін пакарання, прызначаны судом.
- Аб'яднанні
- Студэнты
- Аб'яднанні
- Студэнты
Андрэй, студэнт, быў затрыманы ў сакавіку 2021 года падчас навучальных заняткаў і змешчаны ў СІЗА. На наступны дзень сілавікі прыйшлі ў інтэрнат, дзе ён пражываў, дапыталі ягоных суседзяў і канфіскавалі тэхніку.
Андрэю прад'явілі абвінавачанне па двух артыкулах Крымінальнага кодэкса: за гвалт у дачыненні да супрацоўнікаў міліцыі і ўдзел у групавых дзеяннях, якія груба парушаюць грамадскі парадак. Па версіі следства, у жніўні 2020 года ён разам з іншымі ўдзельнікамі акцый пратэсту кідаў у бок міліцэйскіх машын часткі тратуарнай пліткі і іншыя прадметы.
Ён быў вызвалены ў лістападзе 2023 года, цалкам адбыўшы тэрмін пакарання, прызначаны судом.