Мы — праваабарончая арганізацыя, якая дапамагае палітычным зняволеным у Беларусі, а таксама былым палітычным зняволеным рэжыму Лукашэнкі. Мы аказваем гуманітарную падтрымку, дапамагаем з рэсацыялізацыяй і вядзём адвакацыю іх правоў і інтарэсаў.
Мы працуем, каб
Зрабіць рэпрэсіі ў Беларусі бачнымі і задакументаванымі
Абараніць і падтрымаць ахвяр рэжыму Лукашэнкі
Спрыяць аднаўленню справядлівасці і дамагацца адказнасці для вінаватых
Адстойваць міжнародныя стандарты ў сферы правоў чалавека і павышаць грамадскае разуменне таго, што адбываецца ў Беларусі
Мы не проста фіксуем рэпрэсіі. Мы суправаджаем чалавека праз наступствы рэпрэсіўнай сістэмы.
Праваабарончы
напрамак
Мы робім рэпрэсіі бачнымі — у спісах, дакументах, кансультацыях, сведчаннях і міжнароднай адвакацыі.
Вядзём спіс палітычных зняволеных у Беларусі
Займаемся адвакацыяй правоў і інтарэсаў палітычных зняволеных
Праводзім праваабарончыя кансультацыі для пацярпелых ад рэпрэсій
Збіраем інфармацыю аб парушэннях правоў чалавека ў Беларусі
9449
чалавека былі ідэнтыфікаваны як пацярпелыя ад крымінальнага пераследу.
Гэта людзі, чые жыцці напрамую былі закранутыя сістэмай рэпрэсій на ўзроўні адкрытых крымінальных спраў, следства, судоў і зняволення.
40494
чалавек былі ідэнтыфікаваны як пацярпелыя ад адміністрацыйнага пераследу.
За кожнай гэтай лічбай — затрыманні, штрафы, арышты, ціск і спроба пакараць людзей за грамадзянскую пазіцыю.
1177
датычных да рэпрэсій былі ідэнтыфікаваны.
Рэпрэсіі ажыццяўляюцца не абстрактнай сістэмай, а канкрэтнымі людзьмі, і мы гэта фіксуем.
Гуманітарны
напрамак
Мы аказваем прамую дапамогу палітычным зняволеным і падтрымліваем былых палітзняволеных пасля вызвалення.
Перадаём дапамогу ў следчыя ізалятары і папраўчыя ўстановы
Развіваем праграмы рэсацыялізацыі і пераабучэння
Забяспечваем юрыдычную падтрымку палітычных зняволеных у Беларусі
3259
лістоў былі адпраўлены палітзняволеным.
Кожны ліст напамінае чалавеку ў зняволенні, што пра яго ці пра яе памятаюць, чакаюць і працягваюць падтрымліваць.
1667
кансультацыі былі праведзены.
За гэтай лічбай — адказы на складаныя пытанні, маршруты дапамогі і падтрымка ў крызісных сітуацыях.
9966
лістоў былі захаваныя для палітзняволеных.
Мы дапамагаем захоўваць сувязь, якая ва ўмовах ізаляцыі становіцца формай падтрымкі, памяці і чалавечай прысутнасці.
323
захавальнік быў знойдзены для прамой дапамогі сем'ям палітзняволеных.
Гэта людзі з розных куткоў свету, якія далучаюцца да падтрымкі сем'яў і дапамагаюць так доўга, як могуць.
1802
палітзняволеных і былых палітзняволеных атрымалі матэрыяльную дапамогу.
Гэта людзі, якім была аказаная рэальная падтрымка ў момант зняволення, пасля вызвалення і ў працэсе вяртання да жыцця.
Агульная сума аказанай дапамогі больш за 800 000 еўра!
Даследчы
напрамак
Разам са спецыялістамі ў галіне псіхалогіі, псіхіятрыі і сумежных акадэмічных дысцыплін мы даследуем наступствы рэпрэсій, зняволення і катаванняў. Нас цікавіць не толькі сам факт гвалту, але і той доўгатэрміновы ўрон, які ён наносіць ментальнаму і фізічнаму здароўю людзей.
Мы таксама працуем над развіццём і мадэрнізацыяй гуманітарнай дапамогі, шукаем механізмы стварэння сярэднетэрміновых і доўгатэрміновых праграм падтрымкі для рэпрэсаваных і былых палітычных зняволеных.
Мы не толькі дапамагаем. Мы вывучаем, як рэпрэсіі могуць разбуральна ўплываць на жыццё людзей, каб рэфармаваць і ўдасканальваць гуманітарныя праграмы дапамогі.
Экстрэмісцкі статус
Пасля 2020 года ў Беларусі пачаўся прававы калапс. Масавыя рэпрэсіі, гвалт і знішчэнне грамадзянскай супольнасці сталі часткай дзяржаўнай палітыкі. Незалежныя медыя, праваабарончыя і гуманітарныя арганізацыі былі ліквідаваныя або выцесненыя за межы краіны.
У беларускім кантэксце такі статус не адлюстроўвае рэальную пагрозу. Рэжым выкарыстоўвае ярлык «экстрэмізм» не для абароны грамадства, а для пераследу тых, хто дапамагае людзям, кажа праўду і фіксуе парушэнні правоў чалавека.
З 29 лістапада 2023 года 
Dissidentby прызнаны «экстрэмісцкім фарміраваннем» у Беларусі.
Гэта рашэнне не адлюстроўвае нашу дзейнасць. Яно адлюстроўвае ступень ціску рэжыму на незалежную праваабарончую працу.
Калі вы знаходзіцеся ў Беларусі — паклапаціцеся пра сваю бяспеку. Выкарыстоўвайце VPN. Не адпраўляйце спасылкі на нашыя сацыяльныя сеткі. Не рабіце рэпосты, калі гэта можа падвергнуць вас рызыцы.
За гэтай працай стаяцьлюдзі
Марына Косінярова
Праваабаронца, адказвае за каардынацыю каманды і фандрайзінг
Вячаслаў Косіняроў
Праваабаронца, адказвае за стратэгічнае развіццё і падрыхтоўку аналітычных дакументаў
Тэхнічная фея Эльвіра
Тэхнічная спецыялістка і чараўніца
І яшчэ — сакрэтныя N-удзельні_цы каманды, чые імёны мы не можам назваць. Але без іх гэтая праца была б немагчымай. З меркаванняў бяспекі мы не раскрываем падрабязнасці, і менавіта гэта шмат гаворыць пра кантэкст, у якім мы працуем.
Нашыя партнёры
