Палітвязні

Аляксей быў затрыманы 4 снежня 2020 года ў межах крымінальнай справы аб масавых беспарадках і асуджаны за ўдзел у акцыі пратэсту, якая праходзіла ў жніўні 2020 года каля ГЦ "Рыга" ў Менску.

Кірыл быў затрыманы 28 кастрычніка 2020 года і падвергся жорсткаму абыходжанню, пагрозам і здзекам з боку супрацоўнікаў праваахоўных органаў. Пазней яго асудзілі па некалькіх крымінальных артыкулах, у тым ліку незаконнае захоўванне боепрыпасаў, якія, як сцвярджаецца, былі падкінуты ў яго аўтамабіль пасля арышту.

Вікторыя, адміністратар канала "Вадзіцелі 97%", была затрымана 4 лістапада 2020 года ў Мінску супрацоўнікамі ГУБАЗіку і асуджана за "заклікі да масавых беспарадкаў і блакіровак дарог у сувязі з незадаволенасцю ўладай і фальсіфікацыяй выбараў".

У 2022 і 2023 гадах суд двойчы павялічваў ёй тэрмін зняволення, абвінаваціўшы ў «злосным непадпарадкаванні патрабаванням адміністрацыі папраўчай установы». Вікторыя неаднаразова падвяргалася ціску ў калоніі і была прызнана "злоснай парушальніцай".

Як вынікае з раскладу на сайце Вярхоўнага суда, разгляд справы Вікторыі пачнуць 28 кастрычніка 2024 г. у судзе Рэчыцкага раёна. Жанчыну трэці раз абвінавачваюць па ч. 1 арт. 411 Крымінальнага кодэкса.

18 снежня 2024 г. адбыўся разгляд апеляцыйнай скаргі ў Гомельскім абласным судзе.

Па стане на канец снежня 2024 г. пераведзена ў ВК № 24.

Ад Паліны Шарэнда-Панасюк стала вядома , што Алену Гнаук і Вікторыю Кульшу змясцілі ў ПКТ: "Пасля некалькіх тыдняў у ШІЗА яны былі пераведзены ў ПКТ. Гэта 99%, што супраць іх зноў будуць фабрыкаваць 411-ы артыкул".

Таксама Паліна дадала: "У Вікторыі Кульшы ўжо, напэўна, адмовілі ныркі. Яна трымала галадоўкі проста месяцамі, яна адмаўлялася ад вады і пітва. Яна выкрывала сабе вены. Яе кідалі з гэтым у ШІЗА - яна ў ШІЗА выкрывала сабе вены. Яна ў ПКТ трымала галадоўкі".

Вікторыя павінна была выйсці на волю ў красавіку 2025 года пасля заканчэння тэрміну. Але ў пачатку красавіка яе перавялі ў гомельскі СІЗА-3 у межах чацвёртай крымінальнай справы па ч. 1 арт. 411 Крымінальнага кодэкса (злоснае непадпарадкаванне законным патрабаванням адміністрацыі калоніі).

Аляксандр упершыню быў затрыманы 29 жніўня 2020 года разам з сястрой Наталляй у тралейбусе, і відэа іх затрымання распаўсюдзілася ў СМІ і сацсетках. У снежні яго зноў арыштавалі і абвінавацілі ў актыўным удзеле ў "масавых беспарадках" і супраціве супрацоўнікам міліцыі.

У лістападзе 2022 года Аляксандра перавялі на турэмны рэжым.

Сябра ініцыятыўнай групы кандыдата ў прэзідэнты Святланы Ціханоўскай быў затрыманы 27 верасня 2020 года ў Гомелі на мірнай акцыі пратэсту і абвінавачаны ва ўдзеле ў "масавых беспарадках" і планаванні "захопу будынкаў".

Зімой 2023 года Зміцер быў пераведзены на турэмны рэжым.

Яўген быў затрыманы па справе аб масавых беспарадках і абвінавачаны ва ўдзеле ў тэлеграм-каналах "радыкальнага напрамку".

У траўні 2023 года ён быў паўторна асуджаны за "злоснае непадпарадкаванне патрабаванням адміністрацыі калоніі".

Сябра Рады грамадскага руху «Дзея» быў затрыманы 3 лістапада 2020 года і асуджаны па справе аб узломе кампутарнай сістэмы Мінгарвыканкама.

Артём, супрацоўнік "Белтелекома", быў затрыманы 22 кастрычніка 2020 года і асуджаны за перадачу дадзеных супрацоўнікаў сілавых структур у Telegram.

Уладзімір быў затрыманы 27 кастрычніка 2020 года і абвінавачаны ва ўдзеле ў падзеі, якая адбылася падчас разгону людзей 11 кастрычніка 2020 года каля станцыі метро "Пушкінская".

Адміністратар тэлеграм-канала "Армія з народам" і муж палітвязні Антаніны Канавалавай быў затрыманы 2 кастрычніка 2020 года і асуджаны за "падрыхтоўку да ўдзелу ў масавых беспарадках".

У студзені 2023 года Сяргей быў паўторна асуджаны за «злоснае непадпарадкаванне патрабаванням адміністрацыі папраўчай установы».

Павел - актывіст "Еўрапейскай Беларусі" і ўдзельнік руху "Зубр". З-за сваёй апазіцыйнай дзейнасці ён неаднаразова падвяргаўся рэпрэсіям.

25 верасня 2020 года ён быў затрыманы разам з іншымі актывістамі і пазней абвінавачаны ва ўдзеле ў "масавых беспарадках".

Віталь быў затрыманы 25 верасня 2020 года ў межах крымінальнай справы, узбуджанай пасля акцыі пратэсту ў Мінску. Па дзяржаўным тэлебачанні яго паказалі са звязанымі рукамі ў лесе, дзе ён прызнаўся ва ўдзеле ў масавых беспарадках.

Жыхар Светлагорска быў затрыманы 29 верасня 2020 года па справе аб масавых беспарадках і абвінавачаны ва ўдзеле ў тэлеграм-каналах "радыкальнага напрамку".

Павел быў затрыманы 23 верасня 2020 года ў межах крымінальнай справы, распачатай пасля акцыі пратэсту ў Мінску, і абвінавачаны ў "закліках да масавых беспарадкаў", блакіроўцы транспарту і супраціве супрацоўнікам МУС.

У ліпені 2022 года быў асуджаны паўторна за "злоснае непадпарадкаванне патрабаванням адміністрацыі папраўчай установы".

Сябра ініцыятыўнай групы кандыдата ў прэзідэнты Святланы Ціханоўскай у Гомелі быў затрыманы 7 чэрвеня 2020 года і абвінавачаны ва ўдзеле ў "масавых беспарадках" і планах па "захопе будынкаў".