Патэнцыйны пераслед

Затрыманы за ўдзел у акцыях пратэсту. Вядома, што сілавікі вылічылі Аляксея па фота - затрымалі чалавека, у якога захоўваліся фатаздымкі з мітынгу 2020 года. Па гэтаму фатаздымку былі ідэнтыфікаваны 23 чалавекі.

У пачатку сакавіка 2022 году суддзя Маскоўскага раёну Сяргей Кацар прызнаў Аляксея вінаватым. Мужчына быў вызвалены ў залі суда да накіравання ва ПУАТ, але амаль адразу пакінуў Беларусь.

Жыхара Оршы абвінавацілі ў тым, што ён са свайго акаўнта ў сацыяльнай сетцы «Аднакласнікі» ў групе «Вусаты прус» пакінуў каментар пра супрацоўніка ДАІ, які спыняў і штрафаваў аршанскіх актывістаў. У прыватнасці, ён дапусціў у сваіх паведамленнях слова «брыд» і некалькі іншых слоў на мяжы цэнзурнасці.

2D-мастачка з кампаніі Vizor Games. Сілавікі запісалі з Галінай "пакаяльнае відэа", на якім яна расказвае, што была падпісана на тэлеграм-каналы, прызнаныя беларускімі ўладамі экстрэмісцкімі, а таксама што ў жніўні 2020 года ўдзельнічала ў пратэстных акцыях і перакрыцці дарог.

Затрыманы за каментары ў сацсетках па справе Зельцэра.

25.07.2022 пераведзены на хатні арышт.

Таццяна была затрымана 15 лістапада ў будынку Мінгарсуда, калі хацела патрапіць на першы судовы працэс па справе палітвязня Вольгі Залатар. Вядома, што яна пацярпела ад жорсткага абыходжання. Таццяну тройчы паслядоўна прысудзілі да 15 сутак адміністрацыйнага арышту (па стане на 30 снежня 2021 года, яна асуджана на 45 сутак). За дзень да вызвалення ў Таццяны памёр бацька. Але сілавікі яе не адпусцілі нават на ягонае пахаванне. 31 снежня пастанову на вызваленне дзяўчыны выпісала суддзя Фрунзенскага раёна і перанесла суд на 3 студзеня. З РУУС Таццяна адразу патрапіла на пахаванне бацькі. 3 студзеня 2022 года дзяўчына была ўжо ў бяспецы за межамі Беларусі, у той час, як суд завочна прызначыў ёй чарговыя 15 сутак.

Студэнтка хімфака.

Затрымана 13 кастрычніка 2021 года. На праўладных каналах з'явілася «пакаяльнае відэа». Дзяўчыну абвінавацілі ва ўдзеле ў счэпцы падчас пратэстаў.

Са жніўня 2020 года ўдзельнічала ў мірных акцыях пратэсту. Тройчы была затрыманая (атрымлівала штрафы, бо інвалід 2 групы па эпілепсіі). У сакавіку 2021 года была выклікана ў Фрунзенскае РАУС, дзе пагражалі крымінальнай справай, Наталля змагла гэта запісаць на дыктафон. За Натальляй пачалі сачыць, а ў траўні 2021 г. прыйшлі з ператрусам па арт. 342 і 293 КК РБ. У экстраным рэжыме дзяўчына была вымушана пакінуць краіну.

Быў затрыманы ў снежні 2021 года за ўдзел у акцыі студэнтаў 1 верасня 2020 года. Ён стаў фігурантам крымінальнай справы аб арганізацыі або актыўным удзеле ў групавых дзеяннях, якія груба парушаюць грамадскі парадак. Аб Кастусю вядома, што ён скончыў Мінскі кулінарны каледж. Працаваў і іграў у аматарскім тэатры.

Данііл быў затрыманы ў снежні 2021 года за ўдзел у акцыі студэнтаў 1 верасня 2020 года. Ён стаў фігурантам крымінальнай справы аб арганізацыі або актыўным удзеле ў групавых дзеяннях, якія груба парушаюць грамадскі парадак.

У перыяд з 12 па 14 жніўня 2020 года знаходзіўся ў апазіцыйнай групе ў мэсэнджэры Telegram. У пачатку ліпеня 2021 года Яўгенія выклікаў ГУБАЗІК, выпісаў папярэджанне і адпусціў. Пасля гэтага дома прайшлі ператрусы, была канфіскавана тэхніка. З 5 па 8 жніўня 2021 года Яўген правёў у ІЧУ Гомеля. Знаходзячыся там, мне не выдавалі матрац, цёплае адзенне, перадачы, падымалі ноччу кожныя 2 гадзіны на праверку. На працягу дня было забаронена сядзець і ляжаць, а таксама ўсе гэтыя дні я быў у адзіночнай камеры. ГУБАЗіК пагражаў СІЗА і тым, што забяруць дзіця ў дзіцячы дом. Яўген быў вымушаны таемна пакінуць краіну разам з сям'ёй.

Быў затрыманы 24 лістапада 2021 года па адміністрацыйнай справе. Аднак пасля адбыцця арышту на волю ён не выйшаў.  

Быў асуджаны за абразу ў «Аднакласніках» гродзенскага ўчастковага Уладзіміра Казлоўскага — таго самага міліцыянта, які ўпаў на зямлю падчас бойкі 29 траўня 2020 года на выбарчым пікеце па зборы подпісаў за вылучэнне ў кандыдаты ў прэзідэнты Святланы Ціханоўскай.

Стваральніца Іўеўскага музея нацыянальных культур. Асуджаная за абразу ў чаце "Іўе для жыцця" ў Telegram у дачыненні да нам.пач. АУС Іўеўскага райвыканкама падпалкоўніка міліцыі Ярохіна А.М.

Жыхар Пружан, затрыманы 13 кастрычніка 2021 года у межах крымінальнай справы аб групавых дзеяннях, якія груба парушаюць грамадскую парадак (арт. 342 Крымінальнага кодэкса). Мужчыну абвінавацілі ва ўдзеле ў пратэстах у жніўні 2020 года. Аляксандра змясцілі пад варту ў СІЗА.