Усе рэпрэсаваныя

Аляксандр — журналіст «Радыё Свабода» з 2004 года. Раней працаваў у нямецкай службе дзяржаўнага радыё. Валодае нямецкай мовай, з'яўляецца экспертам па Германіі і яе палітычных сувязях з Беларуссю. У жніўні 2020 года быў пазбаўлены акрэдытацыі МЗС разам з большасцю журналістаў замежных СМІ.

16 ліпеня 2021 года Аляксандра затрымалі ў бацькоўскім доме ў Пастаўскім раёне падчас масавых ператрусаў у незалежных журналістаў у Менску і іншых гарадах. 23 ліпеня таго ж года яго вызвалілі з ІЧУ, пакінуўшы ў статусе падазраванага.

15 снежня 2022 года ў дачыненні да журналіста спынілі крымінальны пераслед і знялі абмежаванне на выезд з Беларусі.

Алег – журналіст “Радыё Свабода”, раней працаваў у газэце “Знамя юности” і быў адным са стваральнікаў агенцтва “РИД”. Летам 2020 года актыўна асвятляў пратэсты ў Беларусі і вёў стрымы, а ў жніўні пазбавіўся акрэдытацыі МЗС разам з іншымі журналістамі замежных СМІ.

16 ліпеня 2021 года яго затрымалі падчас маштабных ператрусаў у незалежных журналістаў, праз дзесяць дзён вызвалілі, пакінуўшы ў статусе падазраванага. 23 снежня таго ж года сілавікі зноў уварваліся ў яго дом і ўзялі пад варту па крымінальнай справе аб "арганізацыі і падрыхтоўцы дзеянняў, якія груба парушаюць грамадскі парадак або актыўным удзеле ў іх".

У сакавіку 2022 года суд прызнаў Алега вінаватым, заявіўшы, што ён удзельнічаў у несанкцыянаваных акцыях, падчас якіх "Мінсктранс" налічыў урон у памеры 56 тысяч рублёў.

У верасні 2022 года журналіст быў вызвалены ў межах памілавання.

Андрэй — кіраўнік аддзела рэкламы і маркетынгу "Наша Ніва", аўтар часопіса "Наша гісторыя". З 2006 да 2017 года быў галоўным рэдактарам выдання. 8 ліпеня 2021 года яго затрымалі па справе аб "групавых дзеяннях, якія груба парушаюць грамадскі парадак". Пазней яму прад'явілі абвінавачанне па артыкуле аб "нанясенні маёмаснай шкоды без прыкмет крадзяжу" — за аплату камунальных паслуг па тарыфах для фізічных асоб замест юрыдычных асоб. Следства налічыла ўрон больш за 10 тысяч рублёў.

У сакавіку 2022 года яго прыгаварылі да пазбаўлення волі, нягледзячы на тое, што ўрон быў поўнасцю кампенсаваны.

У жніўні 2023 года ён быў вызвалены, цалкам адбыўшы прызначаны судом тэрмін пакарання.

Ягор — галоўны рэдактар сайта "Наша Ніва" (nn.by), працуе ў выданні з 2009 года. 8 ліпеня 2021 года яго затрымалі па справе аб "групавых дзеяннях, якія груба парушаюць грамадскі парадак". Пазней яму прад'явілі абвінавачанне па артыкуле аб "нанясенні маёмаснай шкоды без прыкмет крадзяжу" — за аплату камунальных паслуг па тарыфах для фізічных асоб замест юрыдычных асоб. Следства налічыла ўрон больш за 10 тысяч рублёў.

У сакавіку 2022 года Ягора прыгаварылі да пазбаўлення волі, нягледзячы на тое, што ўрон быў цалкам кампенсаваны.

У жніўні 2023 года ён быў вызвалены, цалкам адбыўшы прызначаны судом тэрмін пакарання.

Аляксандр, футбаліст клуба «Крумкачоў», журналіст Tribuna.com і аўтар YouTube-канала «Часнок», быў затрыманы дома 3 чэрвеня 2021 года. Яго асудзілі на 30 сутак адміністрацыйнага арышту па артыкуле 24.23 КаАП — нібыта за сцяг на акне, але пасля адбыцця тэрміна не вызвалілі і перавялі ў СІЗА па крымінальнай справе аб «арганізацыі і падрыхтоўцы дзеянняў, якія груба парушаюць грамадскі парадак». У студзені 2022 года Аляксандра прыгаварылі да пазбаўлення волі.

Вызвалены ў лютым 2023 года, цалкам адбыўшы прызначаны судом тэрмін пакарання.

Аляксандр, намеснік дырэктара TUT.BY па тэхнічных пытаннях, быў затрыманы 18 траўня 2021 года ў рамках крымінальнай справы, узбуджанай супраць TUT.BY па абвінавачанні ва ўхіленні ад выплаты падаткаў у асабліва буйным памеры.

У сакавіку 2022 года ён быў вызвалены з СІЗА пад падпіску аб нявыездзе. Абвінавачанні з яго знятыя не былі.

У красавіку 2023 года стала вядома, што крымінальны пераслед у дачыненні да Аляксандра і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.

Анжэла, галоўны бухгалтар TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.

У сакавіку 2022 года яна была вызвалена з СІЗА пад падпіску аб нявыездзе. Абвінавачанні з яе зняты не былі.

У красавіку 2023 года стала вядома, што крымінальны пераслед у дачыненні да Анжэлы і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.

Сяргей, генеральны дырэктар Hoster.by, быў затрыманы 18 траўня 2021 года ў рамках крымінальнай справы, узбуджанай супраць TUT.BY па абвінавачанні ва ўхіленні ад выплаты падаткаў у асабліва буйным памеры.

У верасні 2021 года ён быў вызвалены з СІЗА пад падпіску аб нявыездзе. Абвінавачанні з яго знятыя не былі.

У красавіку 2023 года стала вядома, што крымінальны пераслед у дачыненні да Сяргея і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.

Юлія — беларуская пісьменніца, культуролаг, прафесар і ўдава заснавальніка TUT.BY Юрыя Зісера — была затрымана 18 траўня 2021 года ў межах крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.

У яе дом прыйшлі з ператрусам, падчас якога ёй стала дрэнна з сэрцам — у яе здарыўся гіпертанічны крыз. Пад канвоем Юлію даставілі ў лякарню. Пасля выпіскі ў той жа дзень больш за суткі заставалася невядомым яе месцазнаходжанне. Пазней стала вядома, што Юлію змясцілі пад хатні арышт.

У студзені 2022 года мера стрымання была зменена з дамашняга арышту на падпіску аб нявыездзе. Абвінавачанні не былі знятыя.

У красавіку 2023 года стала вядома, што крымінальны пераслед у дачыненні да Юліі і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.

Ірына, былая юрыстка TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.

У красавіку 2022 года стала вядома, што мера стрымання была зменена з хатняга арышту на падпіску аб нявыездзе. Абвінавачанні не былі знятыя.

У красавіку 2023 года стала вядома, што крымінальны пераслед у дачыненні да Ірыны і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.

Раман — беларускі журналіст і былы рэдактар тэлеграм-каналаў "NEXTA" і "Беларусь галаўнога мозгу", прызнаных уладамі экстрэмісцкімі. У 2020 годзе яму інкрымінавалі некалькі крымінальных артыкулаў, у тым ліку "арганізацыю масавых беспарадкаў" і "распальванне варожасці". У траўні 2021 года ён быў затрыманы пасля прымусовай пасадкі беларускімі ўладамі рэйса Ryanair у Мінску, які рухаўся па маршруце Афіны - Вільнюс.

У чэрвені таго ж года ён быў пераведзены пад хатні арышт.

Судовы працэс па “справе NEXTA” пачаўся ў 2023 годзе. Рамана прысудзілі да працяглага тэрміну пазбаўлення волі ў калоніі ўзмоцненага рэжыму, аднак пасля абвяшчэння прысуду ён не быў узяты пад варту і працягваў знаходзіцца пад хатнім арыштам.

Быў вызвалены ў траўні 2023 года ў рамках памілавання.

Андрэй, менеджэр TUT.BY і супрацоўнік кампаніі "Паблішэр Бокс", быў затрыманы 18 траўня 2021 года ў рамках крымінальнай справы, узбуджанай супраць TUT.BY па абвінавачанні ва ўхіленні ад выплаты падаткаў у асабліва буйным памеры.

У сакавіку 2022 года ён быў вызвалены з СІЗА пад падпіску аб нявыездзе. Абвінавачанні знятыя не былі.

У красавіку 2023 года стала вядома, што крымінальны пераслед у дачыненні да Андрэя і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.

Ірына, намесніца дырэктара TUT.BY і адна з першых супрацоўніц ТАА «Тут Бай Медыя», была затрымана 18 траўня 2021 года ў рамках крымінальнай справы, узбуджанай супраць TUT.BY па абвінавачанні ва ўхіленні ад выплаты падаткаў у асабліва буйным памеры .

У сакавіку 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.

У красавіку 2023 года стала вядома, што крымінальны пераслед у дачыненні да Ірыны і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.