Павел быў затрыманы ў кастрычніку 2020 года па крымінальнай справе, узбуджанай па артыкулах «хуліганства» і «гвалт або пагроза прымянення гвалту ў дачыненні да супрацоўніка міліцыі», і змешчаны пад варту ў СІЗА да суда. Падчас следства артыкул аб ужыванні гвалту ў дачыненні да супрацоўніка міліцыі знялі, паколькі абвінавачанне не знайшло свайго пацверджання.
У снежні 2020 года Паўла асудзілі за ўдар нагой па бамперы аўтамабіля ДАІ падчас нядзельнага маршу «Народная інаўгурацыя», які праходзіў 27 верасня 2020 года ў Мінску. Таксама вядома, што падчас утрымання пад вартай Паўла паспелі асудзіць па адміністрацыйным артыкуле за ўдзел у акцыі і аштрафаваць на 30 базавых велічыняў. У пастанове было пазначана: «у суд не з'явіўся».
Вызвалены ў зале суда пасля абвяшчэння прысуду.
- Аб'яднанні
- Прадпрымальнікі
- Аб'яднанні
- Прадпрымальнікі
Святаслаў быў прызнаны вінаватым у снежні 2020 года па крымінальнай справе, узбуджанай па артыкуле «супраціў супрацоўніку міліцыі ці іншай асобе, якая ахоўвае грамадскі парадак». Яго абвінавацілі ў тым, што 17 верасня 2020 года ў Менску падчас ланцуга салідарнасці ён аказаў супраціў пры затрыманні, калі паспрабаваў далучыцца да ўдзельнікаў акцыі з расейскім сцягам, пасля чаго быў збіты супрацоўнікамі АМАПа. З чэрапна-мазгавой траўмай яго даставілі з Першамайскага РУУС у рэанімацыю, а затым у хірургічнае аддзяленне, дзе супрацоўнікі міліцыі ўзялі яго пад варту і на 72 гадзіны прыкавалі кайданкамі да бальнічнага ложка.
- Аб'яднанні
- Людзі з інваліднасцю
- Пенсіянеры
- Аб'яднанні
- Людзі з інваліднасцю
- Пенсіянеры
Уладзімір быў асуджаны ў снежні 2020 года па крымінальнай справе, узбуджанай па артыкуле "гвалт або пагроза прымянення гвалту ў дачыненні да супрацоўніка органаў унутраных спраў". Мужчыну абвінавацілі ў тым, што 21 жніўня 2020 года на плошчы Незалежнасці каля помніка Леніну ў Мінску ён "заклікаў да гвалтоўных дзеянняў супраць супрацоўнікаў міліцыі і АМАПа з дапамогай гукаўзмацняльнай апаратуры". Падчас затрымання ва Уладзіміра здарыўся інфаркт, пасля чаго яму была ўсталявана трэцяя група інваліднасці.
Улетку 2023 года ва Уладзіміра скончыўся тэрмін пакарання, прызначаны судом.
- Аб'яднанні
- Пенсіянеры
- Аб'яднанні
- Пенсіянеры
Сяргей быў прызнаны вінаватым у кастрычніку 2020 года па крымінальнай справе, узбуджанай па артыкуле «супраціў супрацоўніку міліцыі ці іншай асобе, якая ахоўвае грамадскі парадак». Пенсіянера абвінавацілі ў пагрозе супрацоўнікам АМАПа нажом, калі тыя ўзломвалі дзверы ў яго кватэру пасля таго, як ён патэлефанаваў у міліцыю і папрасіў прыцягнуць Лукашэнку да адказнасці за абразу Віктара Бабарыкі. Сяргею за гэта стрэлілі ў грудзі з помпавай стрэльбы.
Іван быў прызнаны вінаватым у чэрвені 2021 года па крымінальнай справе, узбуджанай па артыкуле аб апаганенні збудаванняў і пашкоджанні маёмасці, за нанясенне надпісаў і малюнкаў пратэстнага характару.
- Аб'яднанні
- Пенсіянеры
- Аб'яднанні
- Пенсіянеры
Валерый быў прызнаны вінаватым у лістападзе 2020 года па крымінальнай справе, узбуджанай па артыкуле аб гвалце або пагрозе прымянення гвалту ў дачыненні да супрацоўніка органаў унутраных спраў, за ўдзел у паслявыбарчай акцыі пратэсту 8 верасня 2020 года ў Мінску. Паводле абвінавачання, падчас акцыі ён "ужыў гвалт у дачыненні да супрацоўніка АМАПа, нанёсшы яму не менш за два ўдары ў твар, а пры дастаўленні да міліцэйскага аўтамабіля — яшчэ адзін удар нагой у вобласць асобы".
Святлана была затрыманая і асуджаная за тое, што, паводле версіі следства, 13 снежня 2020 года раскідала каля 45 металічных самарэзаў каля пракуратуры Мінска. У выніку аўтамабіль, за рулём якога знаходзіўся пацярпелы Клінцэвіч, наехаў на іх, і два колы былі прабітыя.
Анатоль быў прызнаны вінаватым па крымінальнай справе, узбуджанай па артыкуле «гвалт або пагроза прымянення гвалту ў дачыненні да супрацоўніка органаў унутраных спраў», за тое, што, паводле абвінавачання, падчас акцыі пратэсту, якая праходзіла ў Мінску на праспекце Пераможцаў 4 кастрычніка 2020 года, ён, «адчуваючы пачуцці помсты, схапіў яго гумовую дубінку і ажыццявіў рывок, тым самым прычыніўшы яму фізічны боль».
- Аб'яднанні
- Пенсіянеры
- Аб'яднанні
- Пенсіянеры
Анатоль быў прызнаны вінаватым у траўні 2021 года ва ўдзеле ў паслявыбарнай акцыі пратэсту, якая прайшла 9 жніўня 2020 года ў Мінску. Паводле абвінавачання, гэта выявілася ў тым, што ён далучыўся да групы грамадзян, якія выкрыквалі правакацыйныя лозунгі. Таксама Анатоля абвінавацілі ў тым, што ён узяў пясок з клумбы і кінуў яго ў бок супрацоўнікаў МУС.
- Аб'яднанні
- Завадчане
- Аб'яднанні
- Завадчане
Старшыня першаснай прафсаюзнай арганізацыі свабоднага саюза металістаў завода "МАЗ".
Ён узяты пад варту за абвінавачанні ў падрыхтоўцы ўдзельнікаў масавых беспарадкаў і заклікі да мер абмежавальнага характару (санкцый). Суд адбываўся ў закрытым рэжыме.
Па падліках выйшаў на волю 5 траўня 2025 г.
Віталь быў прызнаны вінаватым у лістападзе 2021 года па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», за ўдзел у паслявыбарчай акцыі пратэсту, якая прайшла з 9 на 10 жніўня 2020 года ў Мінску.
Сяргей быў затрыманы ў верасні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У студзені 2022 года яго асудзілі за ўдзел у счэпцы падчас паслявыбарчай акцыі пратэсту, якая прайшла з 9 на 10 жніўня 2020 года ў Мінску, і прыгаварылі да пазбаўлення волі ў калоніі.
Па падліках праваабаронцаў, ён быў вызвалены вясной 2023 года, цалкам адбыўшы прызначаны судом тэрмін пакарання.
- Аб'яднанні
- Прадпрымальнікі
- Аб'яднанні
- Прадпрымальнікі
Яўген быў затрыманы 8 снежня 2021 года і прыгавораны да 15 сутак адміністрацыйнага арышту. Нагодай для затрымання стала знойдзенае падчас ператрусу партманэ для дакументаў з выявай "Пагоні". Па заканчэнні тэрміну адміністрацыйнага арышту на волю Яўген не выйшаў, бо ў дачыненні да яго была ўзбуджаная крымінальная справа па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".
У сакавіку 2022 года Яўгена асудзілі за ўдзел у паслявыбарчай акцыі пратэсту, якая прайшла 25 кастрычніка 2020 года ў Менску. Вядома, што ў яго мабільным тэлефоне былі знойдзеныя фатаграфіі з акцыі пратэсту, на якіх ён быў адлюстраваны з бел-чырвона-белым сцягам на плячах.
Пакінуў Беларусь да пачатку адбыцця пакарання.
У кастрычніку 2024 года ў рамках спецыяльнай вытворчасці адбылося завочнае судовае пасяджэнне па пытанні замены абмежавання волі з накіраваннем у папраўчую ўстанову адкрытага тыпу на пазбаўленне волі.
- Аб'яднанні
- IT-спецыялісты
- Аб'яднанні
- IT-спецыялісты
Праграміст. Затрыманы 12 студзеня 2022 года.
Справа аб замене абмежавання волі на пазбаўленне волі ў калоніі разглядалася 26 лютага 2025 г. у судзе Пухавіцкага раёна.
Верагодней за ўсё Ілля знаходзіцца за перадзеламі РБ.