- Аб'яднанні
- Выкладчыкі
- Аб'яднанні
- Выкладчыкі
Аляксей, літаратар і настаўнік беларускай мовы і літаратуры, быў затрыманы ў жніўні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ў лістападзе таго ж года асуджаны за ўдзел у паслявыбарчай акцыі пратэсту, што праходзіла з 9 на 10 жніўня 2020 года ў Мінску.
Пакінуў Беларусь да пачатку адбывання пакарання.
У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем на пазбаўленне волі ў калоніі.
Арцём быў затрыманы 22 чэрвеня 2021 года, калі прыйшоў у РУУС у якасці сведкі па іншай, «непалітычнай» крымінальнай справе. Затрыманне адбылося ў рамках расследавання па абвінавачваннях ва «ўдзеле ў дзеяннях, якія груба парушаюць грамадскі парадак», «падрыхтоўцы да ўдзелу ў масавых беспарадках» і «падрыхтоўцы да незаконнага вырабу і нашэння прадметаў, паражальнае дзеянне якіх заснавана на выкарыстанні гаручых рэчываў». Пры гэтым раней ён знаходзіўся ў вышуку, хаця не хаваўся: жыў дома і хадзіў на працу.
У верасні 2021 года Арцёма асудзілі за ўдзел у паслявыбарчых акцыях пратэсту, якія праходзілі ў жніўні 2020 года ў Менску.
Вызвалены ў пачатку траўня 2025 года, цалкам адбыўшы тэрмін пакарання, прызначаны судом.
Аляксей быў затрыманы 27 ліпеня 2021 года ў рамках крымінальнай справы па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх". Раней, у дзень выбараў 9 жніўня 2020 года, яго затрымалі на выбарчым участку і збілі на Акрэсціна. 16 жніўня ён выйшаў на марш і паказаў гематомы ад збіцця — пратэстоўцы напісалі ў яго на спіне "Усіх не заб'еш", і гэты момант быў зняты каля КДБ. Таксама ён удзельнічаў у Маршы 25 кастрычніка 2020 года, дзе з БЧБ-сцягам залез на дах сваёй машыны і крычаў "Жыве Беларусь".
У верасні 2021 года Аляксей быў асуджаны за ўдзел у акцыях пратэсту і прыгавораны да пазбаўлення волі ў калоніі.
Вызвалены ў траўні 2022 года, цалкам адбыўшы прызначаны судом тэрмін пакарання.
Кірылу прызналі вінаватым у тым, што 13 верасня 2020 года ў Мінску з 13:59 да 19:20 ён удзельнічаў у дзеяннях, якія груба парушаюць грамадскі парадак: выкрыкваў лозунгі, гучна пляскаў у далоні, рухаўся ў счэпцы і парушаў спакой грамадзян. Па версіі абвінавачання, ён дзейнічаў з карыслівых памкненняў і ў змове з групай асоб. Таксама яго прызналі вінаватым у парушэнні правілаў адбывання папярэдняга пакарання — двух гадоў «хатняй хіміі», падчас якой ён здзейсніў шматлікія парушэнні.
Па падліках праваабаронцаў, ён быў вызвалены вясной 2024 года, цалкам адбыўшы прызначаны судом тэрмін пакарання.
Аляксандр быў затрыманы ў траўні 2021 года і ў верасні таго ж года асуджаны па артыкуле "гвалт або пагроза прымянення гвалту ў дачыненні да супрацоўнікаў органаў унутраных спраў". Па версіі следства, 12 кастрычніка 2020 года на праспекце Дзяржынскага ў Мінску ён у стане алкагольнага ап'янення разам з іншымі асобамі аказваў супраціўленне супрацоўнікам міліцыі, пагражаў ім гвалтам і кінуў у бок міліцэйскага аўтобуса піўны келіх. Сваёй віны ў зробленым не прызнаў.
У кастрычніку 2022 года адбылося судовае паседжанне па артыкуле "злоснае непадпарадкаванне патрабаванням адміністрацыі папраўчай установы", па выніках якога Аляксандра прысудзілі да яшчэ аднаго года пазбаўлення волі.
Вызвалены ў снежні 2023 года, цалкам адбыўшы прызначаны судом тэрмін пакарання.
Уладзіміра прызналі вінаватым у тым, што ў ноч з 9 на 10 жніўня 2020 года ў Мінску ён "аказаў супраціўленне супрацоўнікам органаў унутраных спраў або іншым асобам, якія ахоўваюць грамадскі парадак". Яго прыгаварылі да абмежавання волі і выплаты буйной кампенсацыі "пацярпелым".
Юлія была прызнана вінаватай у жніўні 2021 года за каментар, пакінуты ў тэлеграм-чаце «Партызаны» пад паведамленнем з асабістымі дадзенымі памочніцы пракурора Фрунзенскага раёна Аліны Касьянчык і інфармацыяй аб судзе за надпіс «Не забудзем! Не даруем!». На думку следства, каментар быў размешчаны з мэтай публічнай абразы прадстаўніка ўлады і стварэння зневажальнай выявы ў вачах грамадскасці.
У 2022 годзе ў дачыненні да Юліі адбылося чарговае судовае паседжанне па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Як мяркуецца, яе прызналі вінаватай па гэтым артыкуле за ўдзел у паслявыбарчых акцыях пратэсту, якія праходзілі ў 2020 годзе ў Мінску, паколькі на папярэднім судзе Юлія заявіла, што наведвала ўсе маршы і застаецца прыхільніцай Віктара Бабарыка. Вынік паседжання невядомы.
Андрэй быў затрыманы ў жніўні 2021 года ў межах крымінальнай справы, узбуджанай па артыкуле "удзел у масавых беспарадках", і ў лістападзе таго ж года асуджаны за ўдзел у паслявыбарчых акцыях пратэсту, якія праходзілі ў 2020 годзе ў Мінску.
Быў вызвалены ў лістападзе 2024 года ў межах памілавання.
Кірыл быў затрыманы 14 жніўня 2021 года ў рамках крымінальнай справы, узбуджанай па артыкуле «арганізацыя альбо актыўны ўдзел у групавых дзеяннях, якія груба парушаюць грамадскі парадак». У верасні таго ж года ён быў асуджаны за ўдзел у паслявыбарчай акцыі пратэсту, якая праходзіла ў ноч з 10 на 11 жніўня 2020 года ў Менску.
Пазней Кірыл пакінуў Беларусь.
У лютым 2025 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем ва ўстанову адкрытага тыпу на пазбаўленне волі ў калоніі.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Анастасія была асуджаная за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту — Марша герояў, які прайшоў 13 верасня 2020 года ў Менску.
- Аб'яднанні
- Бацькі непаўнагадовых
- Сілавікі
- Аб'яднанні
- Бацькі непаўнагадовых
- Сілавікі
Максім, былы супрацоўнік АМАПа, звольніўся са службы ў 2012 годзе (рашэнне аб сыходзе прыняў яшчэ ў 2010-м пасля выбараў). Пазней ён з'ехаў жыць у Польшчу, аднак быў вымушаны вярнуцца ў Беларусь і 17 жніўня 2021 года быў затрыманы ў сябе дома ў аграгарадку Хацежына. Пасля затрымання супрацоўнікі ГУБАЗіК запісалі з ім «пакаянае» відэа, у якім ён казаў пра свой удзел у падзеях 9–11 жніўня 2020 года. Пры гэтым праўладныя тэлеграм-каналы прадставілі яго як былога сілавіка, які звольніўся ў знак пратэсту ў 2020 годзе, што не адпавядала рэчаіснасці.
У лістападзе 2021 года Максім быў прызнаны вінаватым па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» і прыгавораны да абмежавання волі без накіравання ва ўстанову адкрытага тыпу.
У верасні 2024 года адбылося судовае пасяджэнне па пытанні замены абмежавання волі без накіравання ў папраўчую ўстанову адкрытага тыпу. Вынік паседжання, як і факт прысутнасці на ім Максіма, невядомы.
- Аб'яднанні
- Дзярж. служачыя
- Аб'яднанні
- Дзярж. служачыя
Юрый, начальнік фінансавага аддзела адміністрацыі Ленінскага раёна, быў затрыманы 30 красавіка 2021 года і пяць разоў асуджаны паводле адміністрацыйных артыкулаў, у выніку чаго атрымаў 50 сутак арышту. Пасля гэтага яго перавялі ў СІЗА па абвінавачанні па двух артыкулах Крымінальнага кодэкса: «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» і «абраза Лукашэнкі».
У жніўні таго ж года яго асудзілі за ўдзел у паслявыбарчых акцыях пратэсту, якія праходзілі ў жніўні 2020 года ў Менску, а таксама за рэпост у Telegram.
У красавіку 2024 года Юрый быў вызвалены, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Дыяна была затрымана ў траўні 2021 года ў рамках крымінальнай справы, узбуджанай за аднаўленне графіці з «дыджэямі перамен» у знакамітым пратэстным двары «Плошча Перамен» па артыкуле «злоснае хуліганства, учыненае групай асоб». Праз 72 гадзіны яна была вызвалена з ІЧУ і змешчана пад хатні арышт. У жніўні таго ж года Дыяну прыгаварылі да абмежавання волі без накіравання.
Вядома, што ў кастрычніку 2024 года ў дачыненні да яе ў рамках спецвытворчасці разглядалася справа аб замене абмежавання волі.
Максім быў затрыманы ў красавіку 2021 года і пазней асуджаны за ўдзел у паслявыбарчай акцыі пратэсту, якая праходзіла ў жніўні 2020 года ў Менску. Паводле абвінавачання, у ноч з 9 на 10 жніўня 2020 года ён знаходзіўся на праспекце Машэрава, далучыўся да іншых пратэстоўцаў, выходзіў на праезную частку, выкрыкваў лозунгі, гучна пляскаў у ладкі, размахваў рукамі і дэманстраваў абразлівыя жэсты ў бок супрацоўнікаў міліцыі.
У сакавіку 2023 года Максім быў вызвалены, цалкам адбыўшы тэрмін пакарання, прызначаны судом.
- Аб'яднанні
- Актывісты
- Аб'яднанні
- Актывісты
Арцём, актывіст анархічнага руху, быў затрыманы 4 жніўня 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У студзені 2022 года Арцёму і іншым фігурантам прад'явілі дадатковыя абвінавачанні — удзел у экстрэмісцкім фарміраванні за падпіску на тэлеграм-канал «Прамень». На момант яго затрымання канал яшчэ не быў унесены ў спіс экстрэмісцкіх фармаванняў; гэта адбылося толькі ў лістападзе 2021 гады.
У красавіку 2022 года Арцёма прызналі вінаватым і прыгаварылі да пазбаўлення волі ў калоніі.
Быў вызвалены ў ліпені 2024 года ў межах памілавання.