Усе рэпрэсаваныя

Спачатку знаходзіўся на Акрэсціна. Затым быў арыштаваны па КК. Блізкія адзначаюць, што Дзяніс добры, сумленны, справядлівы і спагадлівы хлопец. На праўладных каналах Дзяніса называюць “галоўным візуальным рэдактарам” ролікаў руху “Супраціў”. На відэа Сальмановіч кажа , што затрыманы супрацоўнікамі міліцыі з-за таго, што «складаўся ў дэструктыўных тэлеграм-каналах», «супрацоўнічаў з "Буслы ляцяць"» і ўдзельнічаў у акцыях пратэсту ў 2020 годзе.

Апеляцыйны суд скараціў тэрмін адбывання пакарання з 10 да 9.5 гадоў пазбаўлення волі.

У Дзяніса цяжкае захворванне - хранічны гломерулонефрыт пасля гемарагічнага васкуліту. Улетку 2024 года мужчыну з калоніі забрала хуткая дапамога. Сальмановіча прааперыравалі — выразалі жоўцевую бурбалку. Пасля аперацыі мужчына яшчэ тыдзень знаходзіўся ў санчасці калоніі, пакуль яму не знялі швы.

Маці палітвязня кажа, што апошні раз Дзяніс выходзіў з ёю на сувязь у сярэдзіне лістапада 2024 года. Пасля званка мужчыну адразу ж забралі ў ШІЗА, дзе ён знаходзіцца да гэтага часу (студзень 2024 года).

У красавіку 2025 года яму ўзмацнілі жорсткасць від пакарання і перавялі на турэмны рэжым.

пад вартай з 1 чэрвеня 2021 года. Ён адмовіўся ад адваката, бо ўпэўнены, што зможа сам паспяхова абараняць сябе.

Андрэя Навіцкага прызналі вінаватым у тым, што ён браў удзел у маршах 27 верасня 2020 года, трымаў на выцягнутых руках БЧБ-сцяг, публічна выкрыкваў лозунгі. Ён жа прыняў удзел у маршы 11 кастрычніка на вул. Кальварыйская і інш. Пераможцаў, дзе ў тым ліку "апрануў на плечы БЧБ-сцяг і прадэманстраваў сціснуты кулак з выцягнутай уверх рукой" . У падобных дзеяньнях яго абвінавачваюць па падзеях 25 кастрычніка. Таксама яго прызналі вінаватым у тым, што не пазней за 7 снежня 2020 года ён абразіў Лукашэнку ў YouTube. Таксама Андрэя Навіцкага асудзілі за тое, што не пазней за 27 студзеня 2021 года ён набыў сыпкае рэчыва і незаконна захоўваў і перавозіў яго, не паведаміўшы ўпаўнаважаныя органы.

13 чэрвеня 2022 года ў судзе Бабруйскага раёна і г. Бабруйска адбыўся працэс па арт.411, у выніку якога палітвязню дадалі яшчэ чатыры месяцы зняволення і змянілі рэжым з узмоцненага на строгі.

17 студзеня 2023 г. палітвязня зноў судзілі па арт. 411 КК. Прыгавор невядомы.

Пераведзены ў ВК №20 .

З красавіка 2024 г. і па стане на пачатак снежня гэтага ж года родныя нічога не ведаюць пра Андрэя, на іх запыт да адміністрацыі калоніі прыйшла адпіска , паводле якой палітвязень, нібыта, сам усё раскажа "праз перапіску", але лістоў ад яго няма.

Арцёма затрымалі 4 жніўня супрацоўнікі ГУБАЗ. Пры затрыманні губапаўцы віталі Арцёма фразай "Сардэчна запрашаем у Гестапа!", пасля чаго білі, ставілі ў "ластаўку" і пагражалі згвалтаваннем, каб ён сказаў пароль ад свайго тэлефона. Суд Завадскога раёна г. Мінска прызначыў яму 15-сутачны арышт, пасля якога на волю ён так і не выйшаў. Яму прад'явілі абвінавачанне па арт. 342.1 за ўдзел у пратэстах і перавялі ў СІЗА-1.

Як стала вядома , Яўгену Рубашку, Аляксандру Бялову і Арцёму Салаўю прад'яўлены новыя абвінавачанні па ч. 3 ст. 361-1 Крымінальнага кодэкса - удзел у экстрэмісцкім фарміраванні. Аб гэтым актывісты паведамілі ў лістах блізкім і родным. Судовае паседжанне было закрытым.

Анархіст. Затрыманы 29 ліпеня 2021 года. У ягонай кватэры прайшоў ператрус, пры затрыманні ён быў збіты. Патрабуючы доступу да тэлефона і кампутара, хлопцу нацягвалі на галаву пакет. Падчас пераводу ў СІЗА ў Яўгена Рубашкі забралі ўсе кнігі і паставілі на прафілактычны ўлік як схільнага да экстрэмізму, што азначае ўнясенне адзнакі ў асабістую справу, асаблівае стаўленне і дадатковую працу з псіхолагам.

У лютым 2023 г. Яўгена Рубашку перавялі на месяц у памяшканне камернага тыпу ў ВК № 2. Да гэтага яго тройчы адпраўлялі ў ШІЗА на 10, 7 і 7 сутак за надуманыя парушэнні правілаў унутранага распарадку. Пасля ўтрымання ў ПКТ Яўгена зноў змяшчалі ў ШІЗА на 17 сутак.

У Бабруйску 19 красавіка 2023 г. суд перавёў палітвязня на турэмны рэжым .

У пачатку траўня 2023 г. стала вядома, што Яўгена перавялі ў жодзінскую турму № 8.

Аляксандр быў затрыманы раніцай 29 ліпеня 2021 года на выхадзе з дому. Пры затрыманні яго збілі, дамы правялі ператрус, пасля чаго даставілі ў ГУБАЗ, дзе катавалі і збівалі.

Першапачаткова яго абвінавачвалі ў актыўным удзеле ў акцыі пратэсту 23 жніўня 2020 года, хаця да таго моманту ён адбыў адміністрацыйны арышт па гэтым эпізодзе.

У студзені 2022 года стала вядома, што Сашы і іншым фігурантам крымінальнай справы прад'явілі дадатковыя абвінавачанні па ч. 3 арт. 361-1 Крымінальнага кодэкса - удзел у экстрэмісцкім фарміраванні за падпіску на тэлеграм-канал «Прамень». Вядома, што на момант затрымання Бялова, «Прамень» не быў унесены ў спіс экстэмісцкіх фармаванняў, гэта адбылося толькі ў лістападзе 2021 года.

Скончыў спачатку каледж па будаўнічай спецыяльнасці, пасля - БНТУ па спецыяльнасці «Інжынерная геадэзія».

З юнацкіх гадоў хварэў на "МТЗ-РІПА". Сам гуляў у футбольнай камандзе DIY-лігі, займаўся тайскім боксам, альпінізмам.

Аляксей быў затрыманы 1 ліпеня 2021 года ў Менску супрацоўнікамі ГУБАЗіКу. На наступны дзень суд прызначыў яму 15 сутак адміністрацыйнага арышту, аднак замест вызвалення яго перавялі ў СІЗА — ён стаў фігурантам крымінальнай справы аб групавых дзеяннях, якія груба парушаюць грамадскі парадак.

Справа разглядалася па чатырох артыкулах КК: "арганізацыя масавых беспарадкаў", "стварэнне экстрэмісцкага фарміравання", "распальванне сацыяльнай варожасці" і "абраза прадстаўніка ўлады". Суд праходзіў у закрытым рэжыме, дэталі абвінавачанняў невядомыя.

У красавіку 2022 года суд прыгаварыў Аляксея да 11 гадоў пазбаўлення волі. Пасля суда ў праўладных каналах было апублікавана відэа, дзе сцвярджалася, што Аляксей быў адміністратарам тэлеграм-чата "Каскад". Раней пра яго таксама здымалі відэа на TUT.BY.

У ліпені 2023 года стала вядома, што ён знаходзіцца ў СІЗА, і 11 жніўня 2023 года яго зноў прызналі вінаватым па новай справе аб "стварэнні экстрэмісцкага фарміравання", дадаўшы да тэрміна яшчэ 6 месяцаў.

Таццяна — сузаснавальніца школы маладых менеджэраў публічнага адміністравання Sympa, экспертка даследчага праекта Bipart, магістар паліталогіі.

Яна была затрымана ў Мінску ноччу з 28 на 29 чэрвеня 2021 года ў аэрапорце пры праходжанні пашпартнага кантролю на выезд з краіны. Вядома, што Таццяна збіралася ляцець начным рэйсам у Тбілісі. Пазней стала вядома, што яна была затрыманая ў сувязі з узбуджанай крымінальнай справай. Таццяну даставілі ў ІЧУ на Акрэсціна, а праз некалькі дзён перавялі ў СІЗА.

6 лютага 2023 года ў судзе пачалі разглядаць яе справу па абвінавачанні ў «дапамозе дзеянням, накіраваным на захоп улады», «заклікам да дзеянняў, якія наносяць шкоду нацыянальнай бяспецы» і «распальванні сацыяльнай варожасці». 17 сакавіка таго ж года суд у закрытым рэжыме прыгаварыў Таццяну да 10 гадоў пазбаўлення волі ў калоніі агульнага рэжыму.

Ягор быў затрыманы ў лютым 2021 года і пазней асуджаны па справе аб падпале танка Т-72 у складзе ваеннага эшалона на чыгуначнай станцыі ў Сцяпянцы. Па матэрыялах справы, уначы 31 студзеня 2021 года ён кінуў у танк «кактэйль Молатава» з надпісам «АГСБ». Яго дзеянні кваліфікавалі як «акт тэрарызму». Па версіі абвінавачання, Ягор здзейсніў падпал, зыходзячы са сваіх палітычных поглядаў.

У пачатку кастрычніка 2023 года стала вядома, што Ягора перавялі ў СІЗА-1 у сувязі з новай крымінальнай справай, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Па гэтай справе яго прыгаварылі яшчэ да шасці месяцаў зняволення.

Валерыя — паліталогія, заснавальніца і рэдактарка сайта экспертнай супольнасці "Наша думка", аўтарка і рэдактарка "Беларускага штогодніка", кіраўніца групы экспертаў па маніторынгу "Беларусь у фокусе".

30 чэрвеня 2021 года пасля ператрусу ў яе доме, праведзенага супрацоўнікамі КДБ, Валерыю затрымалі і змясцілі ў ізалятар, пазней перавёўшы ў СІЗА.

6 лютага 2023 года ў судзе пачалі разглядаць яе справу па абвінавачанні ў "дапамозе дзеянням, накіраваным на захоп улады", "заклікам да дзеянняў, якія наносяць шкоду нацыянальнай бяспецы" і "распальванні сацыяльнай варожасці". 17 сакавіка 2023 года суд у закрытым рэжыме прыгаварыў Валерыю да 10 гадоў пазбаўлення волі ў калоніі агульнага рэжыму.

Андрэй, сківічна-тварны хірург дзіцячай лякарні, быў затрыманы ў траўні 2021 года пасля ператрусу ў межах крымінальнай справы, узбуджанай па артыкуле аб "абразе прэзідэнта". Ягоная жонка разам з дзецьмі была вымушаная пакінуць краіну. Пазней Андрэю былі прад'яўленыя абвінавачанні ва "ўдзеле ў групавых дзеяннях, якія груба парушаюць грамадскі парадак", а таксама ва "ўдзеле ў масавых беспарадках".

У красавіку 2022 года Андрэй быў асуджаны па чатырох крымінальных артыкулах за ўдзел у пратэстных акцыях, якія праходзілі ў Мінску ў 2020 годзе, і за публікацыі ў сацыяльных сетках, якія былі кваліфікаваныя як абразы і распальванне варожасці.

У чэрвені 2024 года яму ўзмацнілі жорсткасць пакарання, перавёўшы на турэмны рэжым да канца тэрміну.

Уладзіслаў, блогер, паэт і пісьменнік, быў затрыманы ў красавіку 2021 года і праз год асуджаны па артыкуле аб махлярстве — за тое, што ў 2015-2016 гадах паабяцаў больш за 100 людзям удзел у першых у Беларусі рэаліці-шоў, але не выканаў абяцанне. Яго таксама прызналі вінаватым ва ўдзеле ў трох Маршах 2020 года і арганізацыі пратэстаў праз Instagram. Сам Уладзіслаў прызнаў толькі ўдзел у мітынгах.

У кастрычніку 2022 года яго зноў асудзілі — за абразу Лукашэнкі ў вершаванай форме, уключанай у апеляцыйную скаргу на прысуд.

На партале інтэрнэт-крамы Ridero.ru пад псеўданімам Улад Савін прадстаўлены яго кнігі — аповесць «Амбідэкстр» і зборнік вершаў «Паэзія Навылёт», даступныя ў друкаваным і электронным выглядзе.

Сяргей, памочнік кіраўніка адной са сталічных арганізацый, быў затрыманы ў верасні 2020 года ў сябе дома за ўдзел у акцыі пратэсту супраць фальсіфікацый прэзідэнцкіх выбараў і гвалту супраць мірных грамадзян, якая праходзіла 11 жніўня 2020 года ў Менску. Яго асудзілі за "ўдзел у масавых беспарадках", а таксама па артыкуле, звязаным з наркотыкамі.

Аляксандр быў затрыманы ў кастрычніку 2020 года і абвінавачаны ва ўдзеле ў падзеях, якія адбыліся 11 кастрычніка 2020 года каля станцыі метро «Пушкінская», калі людзі спрабавалі абараніць мірнага пратэстоўца ад збіцця АМАПам. Падчас затрымання яму пагражалі, прымушалі даць паказанні на відэа, а таксама зламалі нагу ў пяці месцах. У СІЗА ён паступіў з гіпсам пасля допытаў.

Юры быў затрыманы і асуджаны па некалькіх артыкулах, у тым ліку незаконнае захоўванне халоднай зброі. Усё пачалося з відэа, дзе кіроўца BMW збівае мужчыну з бел-чырвона-белым сцягам. Відэа разышлося ў сацсетках, і быў апублікаваны адрас кіроўцы Дзмітрыя Давыдзюка. Па версіі следства, трое мінчан вырашылі "правучыць" вадзіцеля, пракалоўшы шыны яго аўтамабіля.

Ціхан быў затрыманы і асуджаны за тое, што, паводле версіі СК, учыніў наўмысны наезд на вайскоўцаў унутраных войскаў МУС падчас акцыі пратэсту, якая праходзіла 11 жніўня 2020 года каля арт. м. «Пушкінская» у Менску.

У сакавіку 2022 года яго паўторна асудзілі за «злоснае непадпарадкаванне патрабаванням адміністрацыі папраўчай установы» — абвінавачванне, якое часта ўжываецца да зняволеных, якія адмовіліся супрацоўнічаць з турэмнай адміністрацыяй, і замянілі рэжым на строгі.