Усе рэпрэсаваныя

Вядома, што хлопец з поспехам удзельнічаў у раённых спаборніцтвах інтэлектуальных гульняў сярод школьнікаў. На момант затрымання Алегу было 16 гадоў, яго збівалі на працягу 6 гадзін, пакуль везлі ў будынак ГУБАЗ. Там, пасля ягонага пытання: "Чаму вядуць допыт без прысутнасці адваката?", яго зноў збілі.

Школу скончыў у СІЗА.

Адзін з   пяці затрыманых удзельнікаў закрытага чата "Саюз беларускага нацыянальнага шчыта", пра затрыманне якіх МУС адчыталася ў пачатку лістапада 2022 года. МУС прызнала чат экстрэмісцкім фармаваннем тыднем раней. У ведамстве расказалі, што супраць затрыманых узбудзілі крымінальную справу па артыкуле аб стварэнні экстрэмісцкага фарміравання. Хлопцы аб'ядналіся ў тэлеграм-групе, якая ў пачатку лістапада прызнана экстрэмісцкім фарміраваннем. "Яны нібыта "павінны былі знаходзіць выканаўцаў для знішчэння аб'ектаў інфраструктуры і арганізацыі нападаў на праваахоўнікаў".

Падчас зняволення Алег правёў 129 сутак у ШІЗА. Першы раз яго туды змясцілі на другі дзень пасля прыбыцця ў дарослую калонію. Увесь час пазбаўлялі спатканняў і перадач.

Вызвалены ў чэрвені 2025 года, поўнасцю адбыўшы тэрмін пакарання, прызначаны судом.

Па падліках праваабаронцаў выйшаў на волю 20 студзеня 2025 г.

Прадпрымальнік з Магілёва, дома ў яго правялі ператрус. На рэгіянальным дзяржканале заявілі, што Тычынскі «быў прыхільнікам укро-нацысцкіх фармаванняў», а таксама што «ездзіў з украінскай нацыяналістычнай сімволікай у сваім аўто». Пад апошнім маецца на ўвазе афіцыйны сцяг Украіны.

У выніку на Уладзіміра завялі крымінальную справу. Яму ставяць у віну тое, што ў красавіку 2022 года ён зняў на свой мабільны тэлефон перамяшчэнне расійскай ваеннай Z-тэхнікі і адправіў відэа ў медыя, прызнанае ўладамі "экстрэмісцкім".

24.10.2023 адбылося апеляцыйнае паседжанне суда, прысуд уступіў у сілу.

Па падліках праваабаронцаў выйшаў на волю вясной 2025 года, поўнасцю адбыўшы тэрмін пакарання.

Уладзімір быў затрыманы 9 траўня 2023 года на памежным пераходзе Цярэспаль-Брэст, калі вяртаўся ў Беларусь. У яго праверылі тэлефон, а пасля затрымалі.

Вядома аб некалькіх адміністрацыйных судах у адносінах да Уладзіміра. Так, 10, 16, 26 траўня і 7 чэрвеня яго судзілі па ч. 2 арт. 19.11 КаАП (распаўсюджванне экстрэмісцкіх матэрыялаў) і прысудзілі арышт. Апошні раз яму прысудзілі 15 сутак

Па месцы яго пражывання і пражыванні сваякоў прайшлі ператрусы. Уладзімір з моманту затрымання ўтрымліваецца ў ІЧУ Ленінскага РАУС г. Брэста.

Уначы з 22 на 23 чэрвеня 2023 года Уладзіміра вызвалілі ў ІЧУ.

Уладзіміра зноў затрымалі 28 кастрычніка 2023 г. у Драгічынскім раёне. Папярэдне быў ператрус і адабранне аргтэхнікі, пасля праверкі тэлефона яго затрымалі па арт. 19.11 ч. 2 КаАП (распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыі). Вядома, што Ўладзіміра арыштавалі з-за старых падпісак.

Дата суда пакуль невядомая. З моманту затрымання ўтрымліваецца ў ІЧУ Іванаўскага раёна .

11 снежня 2023 г. стала вядома, што Уладзімір на волі.

Па дадзеных следства, ноччу 20 сакавіка 20-гадовы хлопец сарваў чатыры дзяржаўныя сцягі ў аграгарадку Лошніца. Ён пашкодзіў палотнішчы флагаў і разламаў дрэўкі.

Пасьля гэтага Міхаіла затрымалі супрацоўнікі міліцыі. Высветлілася, што ён грамадзянін замежнай дзяржавы, які мае від на жыхарства Рэспублікі Беларусь. Прыехаў у РБ каля 10 гадоў таму і па размеркаванні працуе на адным з прадпрыемстваў Мінскай вобласці.

Свае дзеянні Анціпаў здымаў на тэлефон, а фота выкладваў на старонку ў сацыяльнай сетцы.

Сведкам у судзе выступіла маці абвінавачанага. Падазраючы, што сын здзейсніў супрацьпраўныя дзеянні ў дачыненні да сцягоў, запатрабавала ад таго звярнуцца ў міліцыю, а таксама сама паведаміла пра тое, што адбылося ўчастковаму інспектару.

Па падліках праваабаронцаў вызвалены ў канцы лета 2024 года, поўнасцю адбыўшы тэрмін пакарання, прызначаны судом.

Асуджаны за каментары ў тэлеграме.

Была затрымана ў студзені 2023 года і асуджана за абражанне Лукашэнкі А.Р.

22.06.2023 адбыўся разгляд апеляцыйнай скаргі. Прысуд уступіў у сілу.

30.03.2024 вызвалена поўнасцю адбыўшы тэрмін пакарання, прызначаны судом.

Кіроўца Светлагорскага камунальнага жыллёвага унітарнага прадпрыемства» "Светач" Уладзімір быў затрыманы міліцыяй на працы 6 студзеня гэтага года. Спачатку супраць яго аформілі адміністрацыйную справу, і ў судзе Светлагорскага раёна наклалі арышт па артыкуле 19.11 КаАП.

Затым яму прад'явілі абвінавачанне нібыта за "распальванне расавай, нацыянальнай, рэлігійнай або іншай сацыяльнай варожасці або варожасці". Па гэтым артыкуле судзяць людзей, якія ў інтэрнэце выказаліся нядобразычліва ў адрас прадстаўнікоў улады.

Па падліках праваабаронцаў быў вызвалены ў лістападзе 2023 года , цалкам адбыўшы тэрмін пакарання, прызначаны судом.

Спачатку Алега асудзілі па адміністрацыйным артыкуле, ч.2 арт.19.11 КаАП (Распаўсюджванне экстрэмісцкіх матэрыялаў) за тое, што ў асабістых паведамленнях пераслаў знаёмаму тэлеграм-пост з канала «Вусы Лукашэнкі». За гэта мужчыну прысудзілі 10 сутак арышту. А ўжо 22 сакавіка 2023 года мужчыну змясцілі ў СІЗА пад варту па крымінальным абвінавачанні за каментары пра Лукашэнку і беларускіх вайскоўцаў. Паводле інфармацыі праваабаронцаў , пра вайскоўцаў быў такі каментар: «пі*дзюкі» (менавіта са знакам зорачкі быў каментар, абвінавачаны Алегу).

За час знаходжання Пракапчука ў СІЗА, у яго з'явілася трэцяе дзіця, аднак на рашэнне суда гэта не паўплывала.

01.08.2023 адбыўся разгляд апеляцыйнай скаргі. Прысуд уступіў у сілу.

Па падліках праваабаронцаў вызвалены ў студзені 2024 года поўнасцю адбыўшы тэрмін пакарання, прызначаны судом.

Аператар-наладчык . Быў затрыманы пасля сямейнага свята, падчас якога адбыўся бытавы канфлікт і была выклікана міліцыя. Па версіі абвінавачання, Канстанцін, знаходзячыся ў цвярозым стане, пры супрацоўніках міліцыі выказаўся ў дачыненні да Лукашэнкі А. у непаважлівай форме, выкарыстоўваючы нецэнзурную лаянку. За гэта і быў затрыманы і зняволены.

25.08.2023 адбыўся разгляд апеляцыйнай скаргі. Прысуд уступіў у сілу.

Па падліках праваабаронцаў выйшаў на волю 24 лютага 2025 г.

На судзе Руслан распавёў , што ў красавіку 2022 года, праглядаючы стужку навін у сацыяльнай сетцы "Аднакласніках", Убачыў публікацыю з выявай Лукашэнкі, пад якім быў тэкст аб завышаных коштах на лекавыя прэпараты. Паддаўшыся эмоцыям, ён пакінуў каментар абразлівага характару на яго адрас.

Ураджэнец Гомеля, камандзір другога аддзялення пажарнай аварыйна-выратавальнай часці № 26 Фрунзенскага раёна г. Мінска. Ён быў затрыманы 7 лютага 2023 года ў Менску на месцы службы.

15.09.2023 адбылося апеляцыйнае паседжанне суда. Прысуд уступіў у сілу.

21.10.2023 вызвалены цалкам адбыўшы тэрмін пакарання, прызначаны судом.

Вячаслава абвінавацілі ў тым, што ў нецвярозым стане ў прысутнасці міліцыянтаў «выказваў фразы, якія зневажаюць гонар і годнасць» А.Лукашэнкі. Запісы з відэарэгістратараў міліцыянтаў пазней выкарыстоўваліся ў судзе як доказы вінаватасці Салодкага. Якімі менавіта словамі выказваўся Вячаслаў не ўдакладняецца.

18.08.2024 адбыўся разгляд апеляцыйнай скаргі. Прысуд уступіў у сілу.

Па падліках праваабаронцаў вызвалены зімой 2024 года поўнасцю адбыўшы тэрмін пакарання, прызначаны судом.

Як мяркуецца, падставай для крымінальнага пераследу стала нецэнзурная характарыстыка з аднаго слова, якой абвінавачаны надарыў кіраўніка вертыкалі ўлады ў каментарах у адной з сацсетак. Іншых падрабязнасцяў справы невядома, толькі вядома, што да суда Ягоранкаў утрымліваўся ў СІЗА з канца сакавіка 2023 года.

Па падліках праваабаронцаў , выйшаў на волю 22 ліпеня 2024 г., цалкам адбыўшы тэрмін пакарання, прызначаны судом.