Паводле матэрыялаў абвінавачання, Бабкоў, у лютым 2022 года размясціў у сацыяльных сетках публікацыю з відэазапісам перамяшчэння транспартных сродкаў ваенізаваных расійскіх падраздзяленняў, якія перамяшчаліся па тэрыторыі Рэспублікі Беларусь, з указаннем іх месцазнаходжання. Затым, з дапамогай мабільнага тэлефона разаслаў яго ў тэлеграм-каналы, у тым ліку ў прызнаныя судом "экстрэмісцкімі фармаваннямі".
Да суда Бабкоў знаходзіўся на волі, пад даручальніцтвам. Арцёма ўзялі пад варту ў зале суда.
Максім быў затрыманы ў верасні 2021 года ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра, і ў снежні 2022 года прыгавораны да пазбаўлення волі ў калоніі.
Вызвалены ў студзені 2023 года, цалкам адбыўшы прызначаны судом тэрмін пакарання.
Вырак суда 13.12.2022
1 год 10 месяцаў пазбаўлення волі ў калоніі ва ўмовах агульнага рэжыму.
Падчас судовага следства ўстаноўлена, што Корсак у студзені 2022 года ў сацыяльнай сетцы «Аднакласнікі» на сваёй персанальнай старонцы ў адкрытым доступе размясціў фотавыяўленне Аляксандра Лукашэнкі з іконамі, а таксама апублікаваў выяву нацысцкай сімволікі ў колерах дзяржаўнага сцяга Рэспублікі Беларусь.
У судовым паседжанні мужчына растлумачыў, што разумеў значэнне размешчанай выявы і ішоў на гэта свядома.
Па падліках праваабаронцаў вызвалены 06.12.2024 года, поўнасцю адбыўшы тэрмін пакарання, прызначаны судом.
Вырак суда 07.12.2022
2 гады пазбаўлення волі ў калоніі ва ўмовах агульнага рэжыму.
Знаходзілася ў:ІЧУ МагілёўІЧУ УУС Магілёўскага аблвыканкама. 212011, г. Магілёў, вул. Крупскай, 99бІЧУ УУС Магілёўскага аблвыканкама. 212011, г. Магілёў, вул. Крупскай, 99б
Жонка палітычнага зняволенага Арцёма Анішчука, была затрыманая 4 лістапада 2022 года. Затым яе асудзілі на 10 сутак арышту за рэпост паста з "Нашай Нівы". Пасля 10 сутак Вольга на волю не выйшла. З ёй з'явілася "пакаянае відэа", на якім яна кажа, што была падпісана на "экстрэмісцкія" каналы і рабіла з іх рэпосты. Праўладныя тэлеграм-каналы напісалі, што Анішчук "кандыдат правесці Новы год у ІЧУ, бо зафіксаваны дзясяткі рэпостаў". Таксама, паводле слоў сілавікоў, Вольга "нагнятала ўкідамі і фейкамі сітуацыю вакол пенітэнцыярнай сістэмы, закідвала дзяржорганы надуманымі скаргамі". 16 лістапада Вользе прызначылі 14 сутак арышту за рэпост з тэлеграм-канала "Люстэрка". 28 лістапада яе асудзілі яшчэ на 10 сутак арышту.
Паводле інфармацыі праваабаронцаў, Вольга за кратамі ўжо два разы перахварэла на бранхіт, бо яна ўтрымліваецца ў нечалавечых умовах і спіць на бетоннай падлозе. У ІЧУ Магілёва, куды яе перавялі пасля ІЧУ Акрэсціна, з яе здзекуюцца і аказваецца ціск — тры разы на дзень яе прымушаюць распранацца да гала і прысядаць. У знак пратэсту супраць гэтага 28 лістапада Вольга Анішчук аб'явіла галадоўку.
08.12.2022 Вольга выйшла з ІЧУ пасля заканчэння адміністрацыйнага арышту.
Сяргей, супрацоўнік фонду "Вяртанне", быў затрыманы раніцай 4 лістапада 2022 года ў сябе дома пасля ператрусу. Пасля амаль пяці месяцаў зняволення ён быў вызвалены (паводле наяўнай інфармацыі - пад даручальніцтва). Падрабязнасці ягонай справы практычна невядомыя.
У сакавіку 2024 года Сяргея асудзілі па артыкуле "Фінансаванне дзейнасці экстрэмісцкага фарміравання" і прыгаварылі да абмежавання волі з накіраваннем ва ўстанову адкрытага тыпу.
Па падліках праваабаронцаў, ён быў вызвалены ў пачатку ліпеня 2025 года, цалкам адбыўшы прызначаны судом тэрмін пакарання.
Вырак суда 26.03.2024
2 гады абмежаванні волі з накіраваннем ва ўстанову адкрытага тыпу.
Быў зарэгістраваным назіральнікам на выбарах 2020 у Менску, рыхтаваў лісты ў пракуратуру аб фальсіфікацыі выбараў.
Быў вельмі моцна збіты падчас затрымання. У Фелікса Пятровіча на тэлефоне нібыта знайшлі выяву "парнаграфічнага характару", яго абаронца і сям'я ўпэўненыя, што гэта выдумка. Фелікса ў калоніі падтрымлівае пажылая сястра.
Вырак суда 15.09.2021
4 гады пазбаўлення волі ў калоніі ва ўмовах агульнага рэжыму.
Аляксандр быў затрыманы ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра, і ў лістападзе 2022 года прыгавораны да пазбаўлення волі.
Вызвалены ў 2023 годзе, цалкам адбыўшы прызначаны судом тэрмін пакарання.
Вырак суда 28.11.2022
2 гады пазбаўлення волі ў калоніі ва ўмовах агульнага рэжыму, 200 базавых велічынь штрафу.
Кацярына была затрыманая 29 верасня 2021 года ў межах крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра.
У канцы студзеня 2022 года дзяўчыну завочна адлічылі з Мінскага дзяржаўнага лінгвістычнага ўніверсітэта, а ў лютым 2023 года прыгаварылі да пазбаўлення волі.
Кацярына была вызвалена ў зале суда пасля абвяшчэння прысуду, бо тэрмін яе знаходжання пад вартай цалкам пакрыў прызначаны судом тэрмін пакарання.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
