Усе рэпрэсаваныя

Як паведамляе канал, звязаны з сілавікамі, яго затрымалі за тое, што ён нібыта пісаў каментары ў чат-бот канала "Беларусь галаўнога мозгу". Паведамляецца, што ён у СІЗА і супраць яго заведзена крымінальная справа па двух артыкулах (якім - не ўдакладняецца).

Іванцову 38 год. Ён вучыўся на біяфаку БДУ, працаваў малодшым навуковым супрацоўнікам Акадэміі навук, медыцынскім прадстаўніком некалькіх фармацэўтычных кампаній. З 2013 года ўзначальвае кампанію "Дэ візу", якая займаецца маркетынгавымі даследаваннямі ў фармакалогіі. Пяць гадоў таму Іванцоў паступіў у аспірантуру БДПУ і працаваў ва ўніверсітэце. Таксама Іванцоў - практыкуючы псіхолаг, прыхільнік і папулярызатар энеаграмы.

Андрэю Сцяпурку 33 гады. Мужчына скончыў радыётэхнічны каледж, а затым Міжнародны ўніверсітэт «МІПСА». Працаваў інжынерам-праграмістам у паліклініцы, зборшчыкам кампутараў, аператарам ЭВМ, прадаўцом-кансультантам. Вядома, што ён захапляецца практычнай стральбой, займаўся лазертагам і іншымі відамі стралковых гульняў.

Наколькі вядома , мужчына затрыманы па справе аб выбуху самалёта ў Мачулішчах. Ён нібыта знайшоў кватэру для меркаванага выканаўцы дыверсіі ў Мачулішчах Мікалая Швеца.

Затрыманы таксама бацькі Сцяпуркі і яго брат.

47-гадовы Алег нарадзіўся ў Краснаярску, але ў нулявых пераехаў у Беларусь і ўжо атрымаў грамадзянства.  У праўладным фільме паказалі, як «украінскага тэрарыста» Мікалая Швеца затрымалі 4 сакавіка ў доме Алега ў садовым таварыстве «Бярозавы Гай» у вёсцы Чарцяж (Бараўлянскі сельсавет).

Сычова разам з жонкай Настай Пілько сілавікі затрымалі 3 сакавіка ў гэтым самым доме. Паводле інфармацыі праваабаронцаў, абодва яны зараз знаходзяцца ў СІЗА КДБ.

Затрыманая пара мае двух непаўналетніх дзяцей, якія зараз з бабуляй .

Дзмітрыю Маставому 45 гадоў. Ён родам з Сеніцы, вучыўся ў Політэхнічным каледжы ў Менску, прафесійны праграміст.

Яго затрымлівалі падчас пратэстаў у кастрычніку 2020 года, і ён сядзеў "суткі".

Змітра затрымалі спачатку сакавіка 2023 года. У праўладным фільме «Гаспар на сувязь не выйшаў» на тэлеканале ОНТ, які выйшаў 05.04.2023 года, распавядаюць, што Зміцер нібыта прапаноўваў «Беларускаму Гаюну» зліваць інфармацыю пра аэрадром: ён наладзіў трансляцыю з кампутара, якая ішла два тыдні без перапынку.

Цяпер мужчына знаходзіцца ў СІЗА па абвінавачанні ў «здрады дзяржаве» і «садзейнічанні экстрэмісцкай дзейнасці».

Хлопцу 22 гады, родам ён са Свіслачы, мястэчка ў Гродзенскай вобласці. Служыў у войску, а пасля пераехаў жыць у Гродна. Займаўся спортам, напрыклад, прадстаўляў родны горад на юніёрскім спартыўным мнагабор'і.

Зараз хлопца затрыманы і змешчаны ў СІЗА . Яго абвінавачваюць у падрыхтоўцы да акту тэрарызму.

Па легендзе КДБ, агучанай у праўладным фільме на АНТ, павінен быў здзейсніць дыверсію ў Гродне.

На кадрах допыту ён кажа, што яму нібыта паставілі задачу падарваць нафтабазу з дапамогай робата са сваёй нагі і выбухоўкі.

28.06.2024 адбыўся разгляд апеляцыйнай скаргі, прысуд уступіў у сілу.

Грамадзянін РФ. У праўладным фільме «Гаспар на сувязь не выйшаў» на тэлеканале АНТ, які выйшаў 05.04.2023 года, расказваюць, што Аляксей нібыта здымаў на фота аб'екты ў Гродне — ваенкамат Гродна і Гродзенскага раёна, вайсковую часць 41780, нафтабазу раёна Аульс, нафтабазу раёна генконсульства РФ. А таксама, што год таму Кулікоў уцёк ад прызыву, а трапіць у Горадню яму дапамог расейскі апазіцыянер Данііл Крынары (Кавалеўскі). У снежні Крынары затрымалі ў Гродне і экстрадавалі ў Расію.

З найбліжэйшых сваякоў у Аляксея толькі бабуля.

28.06.2024 адбыўся разгляд апеляцыйнай скаргі, прысуд уступіў у сілу.

Андрэй і яго жонка — украінцы, абодва з Чарнігава. У Беларусь пара перабралася пасля жаніцьбы: гэтага хацела жонка, там у яе жылі бацькі.

Сям'я ўжо 10 год жыла ў Віцебску. Працаваў Андрэй у Віцебскім аблвыканкаме электрыкам. Затрымалі яго таксама на працы.

У праўладным фільме «Гаспар на сувязь не выйшаў» на тэлеканале АНТ, які выйшаў 05.04.2023 года, Андрэя абвінавацілі ў агентурнай дзейнасці на карысць Украіны.

Як паведамляецца ў фільме, Шмай рэгулярна адпраўляў інфармацыю праз месэнджэр Signal ва Украіну свайму малодшаму брату Руслану, які служыць у Чарнігаўскім аператыўным упраўленні «Поўнач» і з'яўляецца замкамандзіра па аператыўных справах.

Арцём Зубракоў — супрацоўнік «Белагра», які быў затрыманы ў канцы верасня 2022 года разам з калегамі. Паведамлялася, што крымінальныя справы заведзены на чатырох з іх, а затрымана было каля 20. Праўладныя крыніцы пісалі, што супрацоўнікі прадпрыемства актыўна пратэставалі, пачынаючы з 2020 года.

Падчас вобыску восенню 2022 года ў іх вынята атрыбутыка і мэбля ў БЧБ-кветках.

Арцём Зубракоў адзначаў, што яго затрымалі за падпіскі на «забароненыя» тэлеграм-каналы і перасылку «экстрэмісцкіх» матэрыялаў.

Суд адбываўся ў закрытым рэжыме.

Паводле праўладных тэлеграм-каналаў, былі затрыманыя чатыры чалавекі - іх называюць "спячай ячэйкай экстрэмістаў", якія "мелі" знешнія сувязі "з беларускімі добраахвотнікамі, якія ваююць ва Украіне. У іх ліку Дзмітрый.

Усе яны родам з Гомеля і, мяркуючы па пастах у сацсетках, даўно сябравалі, разам удзельнічалі ў міжнароднай гульні ў Beer Pong у Гомелі. Пасля брутальнага затрымання сяброў прымусілі запісаць "пакаянае відэа" і сказаць аб тым, што яны стварылі чат, дзе перапісваліся паміж сабой, а пасля ўварвання РФ ва Украіну нібыта некалькі разоў у перапісках абразілі Лукашэнку, таксама пісалі "няправільныя" каментары. Яшчэ адно абвінавачанне-хлопцы» мелі знешнія сувязі "з беларускімі добраахвотнікамі, якія ваююць за Украіну. Мяркуючы па ўсім, менавіта гэта стала падставай для ўзбуджэння крымінальнай справы па артыкуле" садзейнічанне экстрэмісцкай дзейнасці".

10.05.2024 адбыўся разгляд апеляцыйнай скаргі, прысуд уступіў у сілу.

Супрацоўніца IT-кампаніі «Гейм Стрым». Праўладныя тэлеграм-каналы апублікавалі відэа з ператрусу ў Ксеніі.

Па словах сілавікоў, у 2020-2021 гадах праз данаты ў Facebook яна зрабіла 9 плацяжоў у фонды салідарнасці на агульную суму 425 $. Цяпер на яе заведзена крымінальная справа па артыкуле «фінансаванне экстрэмісцкай дзейнасці».

Паведамляецца, што падчас ператрусу ў Алькенавай знойдзены і канфіскаваны БЧБ-сцяг, 20 000$ і аргтэхніка.

Затрыманы разам з жонкай па справе дыверсіі ў Мачулішчах.

Праваабаронцы атрымалі інфармацыю аб тым, што 3 сакавіка супрацоўнікамі КДБ па справе дыверсіі ў Мачулішчах быў затрыманы Максім Лапацін. Мужчыну трымаюць у СІЗА КДБ.

Лапаціна моцна збілі пры затрыманні. На АНТ выйшаў фільм, у якім расказваецца пра некаторыя гучныя затрыманні, у тым ліку згадваецца Максім. Нібыта ягоная знаёмая псіхатэрапеўтка Яўгенія Тачынская, якая жыве ў Польшчы, папрасіла прывезці 27 лютага «ўкраінскага агента» Швеца са Століна на Лагойскую трасу.

На відэа бачна, што ў яго стаяць пратэзы на сківіцы, што можа значыць, што яе зламалі. Пасля шыніравання павінен быць сур'ёзны этап рэабілітацыі з прыёмам ежы і вады праз трубачку.

23 сакавіка затрымалі і жонку Максіма - Людмілу Лапаціну.

Варта адзначыць, што ў сужэнцаў двое непаўналетніх дзяцей.

Актывіст з Баранавіч. Ігар мае інваліднасць 3. Групы, т.я. 10 гадоў таму патрапіў у ДТЗ і яму ампутавалі нагу. Ён быў арыштаваны 23 лютага 2023 г., асуджаны на 15 сутак, затым пераведзены ў СІЗА па крымінальным артыкуле.

Паводле следства, у розны перыяд часу з 1 траўня 2020 года па 23 траўня 2022 года Шумілаў апублікаваў чатыры пасады ў Аднакласніках з сатырычнымі выявамі, у якіх следства разгледзела абразу Лукашэнкі і прадстаўнікоў улады, а таксама паклёп на Лукашэнку. Вядома, што на адной з выяваў Лукашэнкі разам з пералічанымі асобамі намаляваны ў выглядзе арыштантаў, якія ўтрымліваюцца ў турэмнай камеры. На судзе Ігар цалкам прызнаў сваю віну. Ён растлумачыў, што публікацыі на яго старонцы з'явіліся толькі пасля таго, як ён паставіў "лайк" пад гэтымі пастамі. Сам ён не разумеў на той момант, што гэтыя малюнкі могуць быць расцэнены як абразу.

Бодзібілдар, краязнаўца. Раней мужчына затрымліваўся за ўдзел у акцыях пратэсту. 16 сакавіка 2023 г. яго арыштавалі за «распаўсюд экстрэмісцкіх матэрыялаў» і асудзілі на 10 сутак. Мужчына не выйшаў і быў пераведзены ў СІЗА. Першапачатковы артыкул абвінавачання быў за абразу Лукашэнкі.

У маі 2024 года пераведзены ў СІЗА па новай крымінальнай справе яго зноў пачалі судзіць 7 мая 2024 г. Акрамя яго па справе праходзілі яшчэ Андрэй Стабулянец і Дзяніс Цыбульскі, якога год таму асудзілі за ўдзел у акцыях пратэсту ў Мінску (ст. 342 КК).

Палітолаг, спецыяліст па праблемах бяспекі. Кіраўнік аналітычнага цэнтру Belarus Security Blog; член Рады арганізацыі «Правы альянс» (2010-2011).

Па словах знаёмага Андрэя, яго затрымалі ў Маскве некалькі дзён таму. Цяпер яго даставілі ў Менск і ён зараз знаходзіцца ў СІЗА КДБ. 

20.06.2023 года адбыўся разгляд апеляцыйнай скаргі. Прысуд уступіў у сілу.