Аляксандр быў затрыманы ў студзені 2022 года супрацоўнікамі ГУБАЗіКу і АМАПу, якія накінуліся на яго і павалілі тварам у снег, пасля чаго даставілі ў службовы аўтамабіль. Было запісанае відэа, на якім ён казаў, што не ведае, за што яго затрымалі. Па сведчаннях міліцыянтаў, улетку 2020 года Аляксандр пакідаў у мясцовым чаце паведамленні з парадамі «збірацца па кучках у кожным раёне, а потым натоўпам у цэнтр», а аўтамабілістам — «кідаць машыны на дарозе» на цэнтральных вуліцах.
У красавіку 2022 года Аляксандра прызналі вінаватым па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і прыгаварылі да пазбаўлення волі ў калоніі.
Вызвалены ў траўні 2023 года, цалкам адбыўшы прызначаны судом тэрмін пакарання.
Сяргей быў затрыманы ў верасні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У студзені 2022 года яго асудзілі за ўдзел у счэпцы падчас паслявыбарчай акцыі пратэсту, якая прайшла з 9 на 10 жніўня 2020 года ў Мінску, і прыгаварылі да пазбаўлення волі ў калоніі.
Па падліках праваабаронцаў, ён быў вызвалены вясной 2023 года, цалкам адбыўшы прызначаны судом тэрмін пакарання.
- Аб'яднанні
- Бацькі непаўнагадовых
- Сфера паслуг
- Аб'яднанні
- Бацькі непаўнагадовых
- Сфера паслуг
Асуджаны па арт. 364, арт. 369, арт. 368, арт. 130 КК РБ. Вядома, што мужчына працаваў у таксі, а таксама кіроўцам на розных прадпрыемствах.
Раней быў асуджаны за ўдзел у акцыях пратэсту па адміністратыўным артыкуле.
Вадзім быў зняты з цягніка Масква—Гродна ў Оршы 19 лістапада 2021 года і затрыманы па крымінальнай справе, узбуджанай па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".
У лютым 2022 года яго асудзілі за ўдзел у акцыі пратэсту, якая прайшла 6 верасня 2020 года ў Гродне каля ўніверсама "Брэст", і прыгаварылі да абмежавання волі з накіраваннем у папраўчую ўстанову адкрытага тыпу.
Вызвалены ў снежні 2022 года, цалкам адбыўшы прызначаны судом тэрмін пакарання.
Віталь быў прызнаны вінаватым у абразе начальніка і намесніка начальніка ДАІ г/п Хоцімск.
Па падліках праваабаронцаў, ён быў вызвалены вясной 2024 года, цалкам адбыўшы тэрмін пакарання, прызначаны судом.
Дзяніс быў прызнаны вінаватым у жніўні 2021 года па крымінальнай справе, узбуджанай па артыкуле «абраза прадстаўніка ўлады», за каментар, пакінуты ў тэлеграм-чаце «Баранавічы вольныя» пад відэа з выявай былога міністра ўнутраных спраў Юрыя Караева.
Вызвалены ў кастрычніку 2023 года, цалкам адбыўшы прызначаны судом тэрмін пакарання.
- Аб'яднанні
- Замежныя грамадзяне
- Рабочыя
- Аб'яднанні
- Замежныя грамадзяне
- Рабочыя
Леанід, грамадзянін РФ, быў затрыманы ў жніўні 2021 года па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ўзяты пад варту да суда.
У снежні 2021 года яго асудзілі за ўдзел у паслявыбарчых акцыях пратэсту, якія прайшлі ў 2020 годзе ў Мінску, і прыгаварылі да пазбаўлення волі з адбываннем пакарання ў папраўчай калоніі.
Ён быў вызвалены восенню 2022 года, цалкам адбыўшы прызначаны судом тэрмін пакарання, і дэпартаваны з Беларусі з забаронай на ўезд тэрмінам на адзін год.
Асуджаны за ўдзел у счэпцы на акцыях пратэсту.
Па падліках выйшаў на волю 6 верасня 2024 г.
Леанід быў прызнаны вінаватым у студзені 2022 года па артыкуле "абраза прадстаўніка ўлады" за каментар, пакінуты пад публікацыяй фатаграфіі супрацоўніка Дзяржаўтаінспекцыі Ганцавіцкага РУУС Ігара Вольніча.
Па падліках праваабаронцаў, ён быў вызвалены восенню 2023 года, цалкам адбыўшы прызначаны судом тэрмін пакарання.
У лістападзе 2024 года адбылося судовае паседжанне "аб кампенсацыі маральнай шкоды, прычыненай у выніку злачынства" Ігару Мікалаевічу Вальнічу. Невядома, ці ішла размова аб іску аб кампенсацыі, прысуджанай яшчэ ў студзені 2022 года, ці гэта быў новы эпізод.
Вядома, што Максім, супрацоўнік аўтамыйкі, быў затрыманы 23 верасня 2021 года; невядома, ці знаходзіўся ён пад вартай да суда.
У студзені 2022 года яго прызналі вінаватым па крымінальнай справе, узбуджанай па артыкуле «абраза прадстаўніка ўлады», за тое што, па версіі следства, ён размясціў пад публікацыяй у тэлеграм-канале каментар у непрыстойнай форме ў дачыненні да супрацоўніц АМАП, чым нібыта хацеў «прычыніць шкоду, годнасці іх асобы».
Па падліках праваабаронцаў, Максім быў вызвалены ў 2024 годзе, цалкам адбыўшы прызначаны судом тэрмін пакарання.
Аляксей быў затрыманы ў верасні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ў студзені 2022 года асуджаны за ўдзел у паслявыбарчай акцыі пратэсту, якая прайшла 9 жніўня 2020 года ў Мінску.
Вызвалены ў кастрычніку 2023 года, цалкам адбыўшы прызначаны судом тэрмін пакарання.
- Аб'яднанні
- Адміністратары TG-каналаў
- Бацькі непаўнагадовых
- Аб'яднанні
- Адміністратары TG-каналаў
- Бацькі непаўнагадовых
Адміністратар тэлеграм-канала «БСДП».
Была затрымана 19 студзеня 2022 года на працоўным месцы па крымінальным артыкуле. Год таму Людміла была сведкам па іншай крымінальнай справе, у межах якой у яе праводзіў дома ператрус ГУБАЗіК.
Дома ў Людмілы засталося малое дзіця.
- Аб'яднанні
- Праваабаронцы
- Бацькі непаўнагадовых
- Аб'яднанні
- Праваабаронцы
- Бацькі непаўнагадовых
Аляксандра, праваабаронцу з Маладзечна, затрымалі 17 снежня 2021 года і чатыры разы запар падвергнуты адміністрацыйнаму арышту. Нагодай для затрымання сталі перапосты "экстрэмісцкіх матэрыялаў" у мясцовым праваабарончым чаце.
Вызвалены 15 лютага 2022 года пасля заканчэння 60 сутак адміністрацыйнага арышту.
- Аб'яднанні
- Пенсіянеры
- Аб'яднанні
- Пенсіянеры
Мікалай, былы сельскі дэпутат, быў затрыманы 14 студзеня 2021 года. Да гэтага, 6 студзеня, у яго прайшоў вобшук. Следчыя шукалі «экстрэмізм і сімволіку», аднак нічога не выявілі. У пастанове на вобшук указвалася, што Мікалай «нелiцэпрыемна» выказаўся пра Усебеларускі народны сход.
Падставай для затрымання стаў яго ліст у раённую газету «Маяк» з нагоды абмеркавання змяненняў у Канстытуцыю. Першапачаткова яго дзеянні былі кваліфікаваныя як распальванне сацыяльнай варожасці, а раённая газета апублікавала крытычны артыкул. Пазней абвінавачанне было перакваліфікавана.
У чэрвені 2022 года Мікалая прызналі вінаватым па артыкуле «дыскрэдытацыя Рэспублікі Беларусь» і прыгаварылі да пазбаўлення волі ў калоніі.
Вызвалены 28 чэрвеня 2022 года, цалкам адбыўшы прызначаны судом тэрмін пакарання.
- Аб'яднанні
- Юрысты
- Аб'яднанні
- Юрысты
Вольга была затрыманая ў снежні 2021 года па крымінальнай справе, узбуджанай па артыкуле «фінансаванне групавых дзеянняў, якія груба парушаюць грамадскі парадак».
Згодна з матэрыяламі следства, Вольга з 13 жніўня па 19 снежня 2020 года сумесна з іншымі асобамі нібыта фінансавала ўдзельнікаў несанкцыянаваных масавых мерапрыемстваў, аплачваючы штрафы, паслугі адвакатаў, дзяржаўныя пошліны і аказваючы іншую матэрыяльную дапамогу.
У ліпені 2022 года Вольгу прызналі вінаватай і прыгаварылі да пазбаўлення волі з адбываннем пакарання ў папраўчай калоніі.
Вызвалена ў ліпені 2023 года, цалкам адбыўшы прызначаны судом тэрмін пакарання.