Усе рэпрэсаваныя

Асуджаны за святкаванне Масленіцы на сваім дачным участку, дзе было ўстаноўлена і спалена чучала, на думку абвінавачання, падобнае да Лукашэнкі А.Р. Суд палічыў гэта публічнай абразай прэзідэнта. У Аляксандра Галкоўскага ёсць 5-гадовае дзіця і жыллё, якое выдзелена ад працы і якое забяруць, у выпадку яго звальнення ў сувязі з накіраваннем на хімію. Вызвалены 15 красавіка 2023 г. цалкам адбыўшы тэрмін пакарання, прызначаны судом.

Яўген Харашкевіч быў затрыманы 18 студзеня 2021 года ў Наваполацку.

Як распавёў бацька абвінавачанага Аляксандр, праблемы пачаліся пасля таго, як сын пайшоў назіральнікам на выбарчы ўчастак па месцы прапіскі ў вёсцы Фарынава. Напісаў скаргу ў пракуратуру наконт грубага парушэння выбарчага кодэкса, у якой інфармаваў пра не апячатаную скрыню для галасавання. Пасля гэтага, 12 жніўня, да Яўгена на працу прыехалі супрацоўнікі міліцыі і затрымалі яго. Але хутка адпусцілі. 19 студзеня 2021 года ён зноў быў затрыманы, але ўжо ў межах крымінальнай справы.

На абвяшчэнне прыгавору бацькі Яўгена прынеслі ў залу раздрукаваныя каляровыя фотаздымкі яго трохмесячнай дачкі Міланы. Пакуль ён быў за кратамі, у яго нарадзілася дзіця, якога ён яшчэ не бачыў. У калоніі стаіць на ўліку,як схільны да экстрэмізму.

17.08.2024 вызвалены поўнасцю адбыўшы тэрмін пакарання, прызначаны судом.

Былы кіраўнік "Аховы птушак бацькаўшчыны". Быў затрыманы пасля ператрусу ў мінскім офісе арганізацыі 31 жніўня. Яму прысудзілі 12 сутак адміністрацыйнага арышту па артыкуле аб непадпарадкаванні міліцыі. Але пасля арышту ён не выйшаў на волю - яго затрымалі па крымінальнай справе аб групавых дзеяннях, якія груба парушаюць грамадскі парадак

12 траўня 2022 быў абвешчаны прысуд.

29.09.2023 вызвалены цалкам адбыўшы тэрмін пакарання, прызначаны судом.

У ліпені 2021 года Алега прызналі вінаватым за ўдзел у акцыі пратэсту 13 верасня ў Мінску.  З 9 верасня адбывае пакаранне.

07.03.2023 вызвалены цалкам адбыўшы тэрмін пакарання, прызначаны судом.

Як адзначаў Шчытнікаў падчас працэсу, ён ненаўмысна наехаў на аўтамабіль ДАІ, гэта адбылося пасля таго як закрычала ягоная жонка, якая сядзела побач: яна ўбачыла, як збіваюць чалавека каля дарогі. Ад нечаканасці вадзіцель Nissan наехаў на стаялы аўтамабіль ДАІ. Шчытнікава пасля затрымалі, і, паводле яго слоў, збілі ў Маскоўскім РУУС, з чэрапна-мазгавой траўмай яго даставілі ў ізалятар на Акрэсціна.

Па падліках праваабаронцаў выйшаў на волю восенню 2025 года.

 Жыхар Гродна, затрыманы 31 мая 2021 года ў рамках крымінальнай справы аб групавых дзеяннях, якія груба парушаюць грамадскі парадак. Яго абвінавачваюць у тым, што 10 жніўня 2020 года ён удзельнічаў у акцыі пратэсту супраць вынікаў прэзідэнцкіх выбараў. 

Інцыдэнт, за які асудзілі петрыкаўца, прадпрымальніка Дзмітрыя Ляўковіча, адбыўся ў лістападзе мінулага года, паведамляе "Палеская Вясна". Пасля такога жорсткага затрымання Зміцера Ляўковіча даставілі ў лякарню са страсеннем мозгу і мноствам гематам. Пасля таго як ён ачуўся, улады пасадзілі яго на 15 сутак за непадпарадкаванне міліцыянтам. Увесь тэрмін зняволення ён адбыў. У жніўні 2021 года пачаўся суд па артыкуле 369 Крымінальнага кодэкса. Міліцыянты, якія збілі Дзмітрыя, адчулі сябе абражанымі тым, што падчас збіцця ён крыкнуў "Адпусціце, п***ры!" . Дзмітрыю прысудзіў 2 гады абмежавання волі без накіравання .

15 сакавіка 2022 года суддзя Аношка разгледзеў яшчэ адну крымінальную справу супраць Дзмітрыя за абразу і прысудзіў пазбаўленні волі ў калоніі.

У лістападзе 2023 года вызвалены, поўнасцю адбыўшы тэрмін пакарання, прызначаны судом.

Пасля вызвалення на Зміцера працягнулі ціск, пагражалі ўстановай яшчэ адной крымінальнай справы. Таксама пагражалі ягонай сям'і.

З самага пачатку судовага паседжання пракурор хадайнічаў, каб працэс зрабілі закрытым, каб не выдаваць звесткі, якія могуць прычыніць шкоду пацярпеламу супрацоўніку міліцыі, хаця пацярпелы ў суд так і не з'явіўся. Не з'явіўся таксама і сведка.

Пра пацярпелага вядома, што гэта супрацоўнік міліцыі з Бабруйска.

Высветлілася толькі тое, што абвінавачаны Патапенка ў сацыяльнай сетцы “Аднакласнікі” пакінуў абразлівы каментар пад фота з выявай бабруйскага міліцыянера.

Грамадзянін Расіі, рэпер. Асуджаны за абразу Лукашэнкі ў песні "Лукашэнка, сыходзь". Затрыманы 10 студзеня 2021 года. Хутчэй за ўсё, вызвалены і дэпартаваны.

20-гадовага слесара Арцёма Саковіча абвінавацілі ва ўдзеле ў дзеяннях , якія груба парушаюць грамадскі парадак, у падрыхтоўцы да ўдзелу ў масавых беспарадках 10-12 жніўня 2020 г. і падрыхтоўцы да незаконнага вырабу і нашэння прадметаў, паражальнае дзеянне якіх заснавана на выкарыстанні гаручых рэчываў. У межах крымінальнай справы Арцёма затрымалі толькі 22 чэрвеня 2021 г., калі ён прыйшоў у РУУС як сведка па іншай “непалітычнай” крымінальнай справе. Да гэтага, як аказалася, ён знаходзіўся ў вышуку, хоць і не хаваўся: жыў дома, хадзіў на працу.

Выйшаў на волю ў пачатку траўня 2025 года, цалкам адбыўшы тэрмін пакарання, прызначаны судом.

Паводле абвінавачання, 20 жніўня 2020 года 23-гадовы Арцём Сокал з дапамогай мабільнага тэлефона размясціў у тэлеграм-чаце "Ляхавічы 90%" інфармацыю ў выглядзе арыенціроўкі злачынцы, які адшукваецца, з фотавыявы Лукашэнкі, якая змяшчае этнічныя звесткі ў дачыненні да яго. У той жа дзень у тэлеграм-чаце “Ляхавічы 90%” абвінавачаны размясціў яшчэ адну арыенціроўку, якая змяшчае абразлівыя выразы ў адрас прэзідэнта, а менавіта: “Хворай уладай, паталагічны хлус, падступны, скупы, цынічны, псіхічна няўстойлівы, аграфюрар, пруса, 3%, Лука і цыган”. 9 верасня 2021 года быў узяты пад варту ў зале суда.

Па падліках праваабаронцаў у сакавіку 2023 года вызвалены цалкам адбыўшы тэрмін пакарання, прызначаны судом.

Аляксея Муравіцкага супрацоўнікі ГУБАЗіКу затрымалі 27 ліпеня.  Яго дзеянні кваліфікавалі як удзел у дзеяннях, якія груба парушаюць грамадскі парадак (ч. 1 арт. 342 Крымінальнага кодэкса). У дзень выбараў 9 жніўня супрацоўнікі АМАПа затрымалі Муравіцкага на выбарчым участку і збілі на Акрэсціна. 16 жніўня ён выйшаў на Марш і прадэманстраваў атрыманыя падчас збіванняў гематомы. Пратэстанты напісалі яму на спіне «Усіх не заб'еш» – момант перформансу каля КДБ патрапіў на фатаграфіі. Таксама Муравіцкі браў удзел у Маршы 25 кастрычніка – ён з БЧБ-сцягам залез на дах сваёй машыны і крычаў «Жыве Беларусь». Мужчыну затрымалі 27 ліпеня і запісалі з ім "пакаяльнае відэа".

27.05.2022 вызвалены цалкам адбыўшы тэрмін пакарання, прызначаны судом.

Асуджаны за каментар з сеткі "Аднакласнікі" : "... трэба гнаць гэтую брыдоту..." у дачыненні да інспектара ДАІ маёра міліцыі Баграёнка Андрэя, які прымаў актыўны ўдзел у збіцці мірных пратэстуючых у Светлагорску 9-10 жніўня 2020.< /p>

Дырэктар студыі вэб-дызайну "Іквадрат" у Гродне. Пасля збіцця сілавікамі 10 жніўня 2020 года патрапіў у трампункт. Быў затрыманы 25 жніўня 2021 года, у офісе ягонай студыі прайшоў ператрус. 8 верасня 2021 года стала вядома, што Глебу прад'яўлена абвінавачанне па 342 ст. КК РБ. У Глеба 2 непаўналетнія дзіцяці.

У канцы чэрвеня 2023 г. вызвалены цалкам адбыўшы тэрмін пакарання, прызначаны судом.

У рамках артыкула 342 КК Кірыла Пальчэўскага прызналі вінаватым у тым , што 13 верасня 2020 года ён з 13.59 да 19.20 прыняў удзел у дзеяннях, якія груба парушаюць грамадскі парадак. Паводле абвінавачання, ён дзейнічаў з карыслівых памкненняў, а таксама па папярэдняй змове з групай асоб: выкрыкваў лозунгі, гучна пляскаў у далоні, рухаўся ў счэпцы, парушаў права прыстойных грамадзян на спакойнае жыццё. У тэксце абвінавачання былі пералічаны ўсе вуліцы, крамы і арганізацыі, спакой якіх парушыў мужчына. Згодна з арт. 415 КК Кірыла Пальчэўскага прызналі вінаватым у тым, што ён парушыў правілы адбыцця свайго ранейшага пакарання - двух гадоў "хатняй хіміі", падчас якой ён здзейсніў мноства парушэнняў.

Кірыл мае псіхічнае захворванне.

Па падліках праваабаронцаў вызвалены вясной 2024 года, поўнасцю адбыўшы тэрмін пакарання, прызначаны судом.