Ілля Мікалаевіч Кіслякоў

Ціхан быў затрыманы ў межах крымінальнай справы, звязанай з падзеямі 6 верасня 2020 года, падчас правядзення “Маршу адзінства” ў Мінску, і асуджаны за “ўдзел у групавых дзеяннях, якія груба парушаюць грамадскі парадак”.

Вызвалены ў сакавіку 2022 года, поўнасцю адбыўшы тэрмін пакарання, прызначаны судом.

Аляксандр быў затрыманы і асуджаны за «гвалт» над супрацоўнікам міліцыі, бо, паводле версіі абвінавачання, 6 верасня 2020 года падчас пратэстнага маршу ў Віцебску ён нібыта ўдарыў Юрыя Велейчанку па галаве і руцэ, выбіў гумовую дубінку і перашкодзіў затрымаць жанчыну, якая сарвала з міліцыянера маску.

Па падліках праваабаронцаў, зімой 2023 года ён быў вызвалены поўнасцю адбыўшы тэрмін пакарання, прызначаны судом.

Яўген быў затрыманы і асуджаны ў рамках крымінальнай справы, узбуджанай па падзеях 14 ліпеня 2020 года ў Мінску, калі людзі выйшлі на вуліцы ў знак пратэсту супраць рашэння ЦВК не рэгістраваць кандыдатамі ў прэзідэнты Віктара Бабарыка і Валерыя Цапкала.

Вызвалены ў сакавіку 2024 года, поўнасцю адбыўшы тэрмін пакарання, прызначаны судом.

Віктар быў затрыманы і асуджаны за абарону мірнага пратэстуючага ад нападу АМАПа падчас акцыі пратэсту супраць вынікаў выбараў, якая праходзіла 10 жніўня 2020 года ў Менску.

Вызвалены ў снежні 2022 года, поўнасцю адбыўшы тэрмін пакарання, прызначаны судом.

Быў затрыманы і асуджаны за супраціўленне салдату падчас "Маршу герояў", які праходзіў у Мінску 13 верасня 2020 года.

У апошнім слове Арцём прасіў не пазбаўляць яго волі, а даць займацца каханай справай - архітэктурай. Ён удзельнічаў у міжнародных конкурсах, мае грамату міністра інфармацыі за праект будынка Белтэлерадыёкампаніі. Прасіў суд не адпраўляць архітэктара ў калонію і пацярпелы салдат з в/ч 3214 Максім Чарнякоў.

Вызвалены ў студзені 2024 года, поўнасцю адбыўшы тэрмін пакарання, прызначаны судом.

Павел быў затрыманы і асуджаны за распыленне пярцовага газу на супрацоўнікаў міліцыі 5 верасня 2020 года каля народнага мемарыяла памяці Аляксандра Тарайкоўскага, што ля станцыі «Пушкінская».

У канцы чэрвеня 2024 года вызвалены, поўнасцю адбыўшы тэрмін пакарання, прызначаны судом.

Ілля быў затрыманы ў сакавіку 2016 года ў межах крымінальнай справы, распачатай у 2014 годзе пасля сутыкнення паміж прыхільнікамі двух мінскіх футбольных клубаў — «ультраправымі» фанатамі «Тарпеда» і «антыфашыстамі», якія хварэюць за «Партызан». Спачатку справу закрылі, але амаль праз паўтара года, у лютым 2016, яго зноў аднавілі. Падчас следстваў у СІЗА Ілля ўвесь час падвяргаўся псіхалагічнаму і фізічнаму ціску, а сама справа была пабудавана на паказаннях, атрыманых пад прамым ціскам і пагрозамі з боку супрацоўнікаў МУС. Пагрозы паступалі не толькі ў адрас фігурантаў справы, але і іх сем'яў, у тым ліку цяжарнай на той момант жонкі Іллі. Яго асудзілі за «злоснае хуліганства» і «кіраўніцтва незарэгістраванай арганізацыяй».

29 снежня 2022 года быў вызвалены ў адпаведнасці з законам аб амністыі ад 8 снежня 2022 года.

Ягора затрымалі 9 жніўня 2020 года падчас акцыі пратэсту ў Менску супраць фальсіфікацыі прэзідэнцкіх выбараў. У той вечар ён стаў на бампер аўтазака, але затым няўдала зваліўся пад яго колы. Пасля гэтага супрацоўнікі АМАПу збілі яго, і Ягор быў адпраўлены ў шпіталь, дзе заставаўся да канца жніўня. Пазней яго ўзялі пад варту і асудзілі за ўдзел у пратэстнай акцыі.

Вызвалены 30 красавіка 2022 года, поўнасцю адбыўшы прызначаны судом тэрмін пакарання.

Івана затрымалі і асудзілі па крымінальнай справе, узбуджанай пасля акцыі пратэсту — «Марша герояў», які адбыўся 13 верасня 2020 года ў Менску. Яго абвінавацілі ў пашкоджанні службовага аўтамабіля і нападзенні на супрацоўнікаў АМАПа. У выніку суд прызнаў яго вінаватым па артыкулах аб «гвалце або пагрозе гвалту ў дачыненні да супрацоўніка органаў унутраных спраў» і «ўдзеле ў групавых дзеяннях, якія груба парушаюць грамадскі парадак». Іван прызнаў віну толькі ў пашкоджанні аўтамабіля.

Ён быў вызвалены ў чэрвені 2023 года, поўнасцю адбыўшы прызначаны судом тэрмін пакарання.

Яўген быў асуджаны за ўдзел у "масавых беспарадках" у рамках крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацыі на прэзідэнцкіх выбарах.

Выйшаў на волю ў чэрвені 2025 года, поўнасцю адбыўшы тэрмін пакарання.

Сяргей, дырэктар кампаніі, якая займаецца грузаперавозкамі, быў затрыманы ў лістападзе 2020 года і асуджаны за блакіроўку чыгуначных пуцей і развешванне пудзілаў у Брэсце.

Па падліках праваабаронцаў, ён быў вызвалены ў ліпені 2024 года, поўнасцю адбыўшы тэрмін пакарання, прызначаны судом.

Раман быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

Па падліках праваабаронцаў, Раман выйшаў з калоніі прыблізна 19 красавіка 2024 года, поўнасцю адбыўшы тэрмін пакарання, прызначаны судом.

Віктар быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках". Па матэрыялах справы, агульная шкода склала каля 24 тысяч беларускіх рублёў.

09 сакавіка 2024 года ён быў вызвалены, поўнасцю адбыўшы тэрмін пакарання, прызначаны судом.

Ілля быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках". Паводле матэрыялаў справы, агульны ўрон перавысіў 27 тысяч беларускіх рублёў.

Вызвалены ў кастрычніку 2024 года, поўнасцю адбыўшы тэрмін пакарання, прызначаны судом.