Андрэй Міхайлавіч Цэдрык

Сяргей, былы намеснік старшыні праўлення Белгазпрамбанка, быў затрыманы ў рамках "справы Бабарыка" і ў ліпені 2021 года асуджаны па артыкуле "атрыманне хабару".

9 сакавіка 2023 года адбылося пасяджэнне аб устанаўленні прэвентыўнага нагляду, а 30 сакавіка Сяргей быў вызвалены з калоніі. Як мяркуецца, ён выйшаў па УДВ альбо яго тэрмін быў скарочаны ў выніку абскарджання. Больш дакладнай інфармацыі ў праваабаронцаў няма.

Аляксандр, намеснік старшыні праўлення Белгазпрамбанка, быў затрыманы ў рамках "справы Бабарыка" і ў ліпені 2021 года асуджаны па артыкуле "атрыманне хабару".

2 мая 2024 года адбылося пасяджэнне аб устанаўленні прэвентыўнага нагляду. Як мяркуецца, Аляксандр выйшаў па УДВ альбо яго тэрмін быў скарочаны ў выніку абскарджання. Больш дакладнай інфармацыі ў праваабаронцаў няма.

Зміцер, намеснік старшыні праўлення Белгазпрамбанка, быў затрыманы ў рамках «справы Бабарыка» і ў ліпені 2021 года асуджаны па артыкуле «атрыманне хабару».

9 лютага 2024 года ў Віцебскім раённым судзе разглядалася справа аб замене неадбытай часткі пакарання ў выглядзе пазбаўлення волі, і 20 лютага Зміцер быў вызвалены з калоніі.

Кірыл, выконваючы абавязкі старшыні праўлення Белгазпрамбанка, быў затрыманы ў рамках "справы Бабарыка" і ў ліпені 2021 года асуджаны па артыкуле "атрыманне хабару".

Адбылося пасяджэнне аб устанаўленні прэвентыўнага нагляду. Як мяркуецца, Кірыл выйшаў па УДВ альбо яго тэрмін быў скарочаны ў выніку абскарджання. Дакладнай інфармацыі ў праваабаронцаў няма.

Ягор — былы следчы, больш за шэсць гадоў працаваў у Следчым камітэце, займаўся эканамічнымі злачынствамі. У 2019 годзе звольніўся, заняўся спартовай аналітыкай і планаваў пераход у IT.

11 чэрвеня 2021 года яго затрымалі ў межах крымінальнай справы, узбуджанай па артыкуле «Актыўны ўдзел у дзеяннях, якія груба парушаюць грамадскі парадак», а 8 кастрычніка таго ж года прысудзілі да пазбаўлення волі ў калоніі.

Падставай абвінавачання сталі фатаграфіі з Маршам 23 і 30 жніўня 2020 года ў Мінску, якія сілавікам перадаў мужчына, які раней праходзіў па справе, расследаванай самім Ягорам.

Па падліках праваабаронцаў, ён быў вызвалены летам 2023 года, цалкам адбыўшы тэрмін пакарання, прызначаны судом.

Ілля быў затрыманы ў кастрычніку 2020 года і асуджаны за ўдзел у акцыі пратэсту супраць фальсіфікацыі прэзідэнцкіх выбараў, якая праходзіла ў ноч з 9 на 10 жніўня 2020 года. Па версіі абвінавачання, ён знаходзіўся на праезнай частцы каля архітэктурнага комплексу "Мінск - горад-герой" і ўдзельнічаў у групавых дзеяннях разам з іншымі пратэстоўцамі. Яго таксама абвінавацілі ў выкрыках лозунгаў, гучных воплесках у далоні і непадпарадкаванні патрабаванням спыніць такія дзеянні. Сам Ілля прызнаў толькі факт прысутнасці на месцы падзей, але адмаўляў, што яго дзеянні маглі пацягнуць спыненне грамадскага транспарту.

Вызвалены восенню 2023 года, цалкам адбыўшы прызначаны судом тэрмін пакарання.

Аляксандр, футбаліст клуба «Крумкачоў», журналіст Tribuna.com і аўтар YouTube-канала «Часнок», быў затрыманы дома 3 чэрвеня 2021 года. Яго асудзілі на 30 сутак адміністрацыйнага арышту па артыкуле 24.23 КаАП — нібыта за сцяг на акне, але пасля адбыцця тэрміна не вызвалілі і перавялі ў СІЗА па крымінальнай справе аб «арганізацыі і падрыхтоўцы дзеянняў, якія груба парушаюць грамадскі парадак». У студзені 2022 года Аляксандра прыгаварылі да пазбаўлення волі.

Вызвалены ў лютым 2023 года, цалкам адбыўшы прызначаны судом тэрмін пакарання.

Уладзіміра затрымалі і збілі ў верасні 2020 года. Яго асудзілі за ўдзел у акцыях пратэсту, якія праходзілі ў Менску з 9 па 11 жніўня і 13 верасня 2020 года. Па матэрыялах справы, ён планаваў удзел у пратэстах, абмяркоўваючы маршруты і дзеянні ў выпадку затрымання ў Telegram-чаце "Гадзіна X". Следства сцвярджала, што рыхтаваўся напад на супрацоўнікаў міліцыі.

Вызвалены ў верасні 2023 года, цалкам адбыўшы тэрмін пакарання, прызначаны судом.

Аляксей, былы старэйшы следчы, падчас выбарчай кампаніі 2020 года ўваходзіў у каманду Валерыя Цапкала. У чэрвені 2021 года ён быў затрыманы па справе аб "групавых дзеяннях, якія груба парушаюць грамадскі парадак". Ператрусы прайшлі па месцы яго працы і ў кватэры, на працы была канфіскаваная тэхніка.

У кастрычніку таго ж года Аляксея прызналі вінаватым ва ўдзеле ў акцыях пратэсту, якія праходзілі ў Менску 16, 23, 30 жніўня і 6 верасня 2020 года. Па версіі следства, ён далучыўся да групы пратэстоўцаў, пляскаў у ладкі, выкрыкваў лозунгі і перашкаджаў руху транспарту.

Вызвалены ў жніўні 2022 года, цалкам адбыўшы прызначаны судом тэрмін пакарання.

Арцём, дырэктар прыватнай друкарні, быў затрыманы ў траўні 2021 года і пасля асуджаны па абвінавачанні ў вырабе і распаўсюджванні пратэстнай паліграфічнай прадукцыі (улётак, стыкераў, газет), а таксама ва ўдзеле ў нядзельных маршах, якія праходзілі ў Мінску ў жніўні-верасні 2020 года.

Па падліках праваабаронцаў, ён быў вызвалены ў кастрычніку 2024 года, цалкам адбыўшы прызначаны судом тэрмін пакарання.

Сяргей быў асуджаны за канфлікт з вартаўніком школы ў Замасточчы, які адбыўся ў ноч з 13 на 14 лістапада 2020 года. Па версіі следства, ён павесіў бел-чырвона-белы сцяг на тэрыторыі школы, пасля чаго паміж ім і вартаўніком узнікла слоўная сварка, падчас якой прагучалі пагрозы. Сяргей быў затрыманы на трое сутак, пазней адпушчаны пад падпіску аб нявыездзе і ўзяты пад варту ўжо ў зале суда.

Па падліках праваабаронцаў ён быў вызвалены ў чэрвені 2023 года, цалкам адбыўшы тэрмін пакарання, прызначаны судом.

Мікалай быў затрыманы ў красавіку 2021 года па справе аб падзеях 18 кастрычніка 2020 года падчас "Партызанскага маршу" ў Мінску. Яго абвінавацілі па трох артыкулах КК: за ўдзел у масавых беспарадках, наўмыснае пашкоджанне маёмасці і пагрозу прымянення насілля ў адносінах да сілавікоў. Па версіі абвінавачання, ён кідаў камяні і асфальт у службовыя мікрааўтобусы з байцамі "Алмаза", прычыніўшы матэрыяльную шкоду. Пацярпелымі прызнаны 13 сілавікоў, але ў судзе выступілі толькі трое — у балаклавах і са змененымі імёнамі.

Па падліках праваабаронцаў, ён быў вызвалены ў лютым 2025 года, цалкам адбыўшы тэрмін пакарання, прызначанага судом.