Яўгеній Сяргеевіч Хітрык

Вячаслаў быў затрыманы ў межах крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках".

Па падліках праваабаронцаў, ён быў вызвалены ў лістападзе 2024 года, цалкам адбыўшы тэрмін пакарання, прызначаны судом.

Леанід быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

У маі 2025 года выйшаў на волю , цалкам адбыўшы тэрмін пакарання, прызначаны судом.

Ілля быў затрыманы ў траўні 2021 года па справе аб пратэстах у Пінску ў ноч з 9 на 10 жніўня 2020 года і асуджаны за ўдзел у "масавых беспарадках". Па версіі абвінавачання, ён спрабаваў зламаць дрэва і кінуў алюмініевы слоік з-пад энергетыка ў бок міліцыі. Сам Ілля прызнаў, што слоік мог даляцець, але ніхто з міліцыянтаў гэтага не пацвердзіў, і канкрэтны пацярпелы не быў названы.

Спроба пашкодзіць дрэва зафіксавана на відэа, аднак у судзе супрацоўнік "Зелянбуда" растлумачыў, што дрэва не пацярпела. Тым не менш арганізацыя прад'явіла пазоў на 117 рублёў.

Ілья быў вызвалены ў красавіку 2024 года, цалкам адбыўшы прызначаны судом тэрмін пакарання.

Уладзіслаў быў затрыманы ў лютым 2021 года і асуджаны па артыкуле аб "распальванні варожасці". Паводле абвінавачання, з 20 па 27 верасня 2020 года ў Telegram-чаце групы "Карнікі" ён размясціў 13 паведамленняў, у якіх "негатыўна выказваўся" і "заклікаў да незаконных дзеянняў" у дачыненні да супрацоўнікаў міліцыі, вайскоўцаў, дзяржаўных службоўцаў і чальцоў іх сем'яў.

Па падліках праваабаронцаў, ён быў вызвалены ў снежні 2024 года, цалкам адбыўшы прызначаны судом тэрмін пакарання.

Эдуарда затрымалі ў сакавіку 2021 года і асудзілі за аказанне супраціву супрацоўніку міліцыі падчас акцыі пратэсту, якая праходзіла 9 жніўня 2020 года ў Баранавічах супраць фальсіфікацыі прэзідэнцкіх выбараў. Паводле абвінавачання, падчас акцыі ён «перашкодзіў законнай дзейнасці вайскоўцаў Унутраных войскаў. Ён узяў кавалак тратуарнай пліткі і кінуў у бок вайскоўцаў, якія разганялі пратэст, трапіўшы аднаму з іх у плячо. Атрыманае цялеснае пашкоджанне не прывяло да кароткатэрміновага расстройства здароўя».

Вызвалены ў 2024 годзе, цалкам адбыўшы тэрмін пакарання, прызначаны судом.

Людміла была асуджаная па артыкуле за абразу Лукашэнкі і арыштаваная проста ў зале суда. Па версіі абвінавачання, 12 жніўня 2020 года яна размясціла ў сацсетцы «УКантакце» з акаўнта мужа доўгае паведамленне з выразамі на адрас Лукашэнкі. На судзе жанчына тлумачыла, што публікавала яго для сябе і не ўсведамляла, што запіс быў даступны іншым карыстальнікам. Паводле яе слоў, звычайна на старонцы размяшчаліся фота жывёл, а дадзенае паведамленне было апублікавана публічна памылкова.

Людміла была вызвалена 9 сакавіка 2022 года ў межах памілавання.

Пётр, прадпрымальнік і тэлемайстар, упершыню быў затрыманы ў красавіку 2021 года ў рамках крымінальнай справы, узбуджанай па артыкуле аб паклёпе. Нагодай паслужыў рэпост, зроблены ім 23 жніўня 2020 года на сваёй старонцы ў сацыяльнай сетцы "УКантакце" — публікацыя змяшчала выяву і каментар іншага аўтара, які тычыцца супрацоўніка Баранавіцкага РАУС. Пасля Пётр быў асуджаны і прыгавораны да абмежавання волі ў папраўчай установе адкрытага тыпу, а таксама да выплаты штрафу.

У студзені 2023 года ён быў вызвалены на падставе закону аб амністыі ад 7 снежня 2021 года. Пазней у тым жа годзе яго зноў прыцягнулі да адміністрацыйнай адказнасці па частцы 2 артыкула 19.11 КаАП — за "распаўсюджванне, выраб, захоўванне або перавозку інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць".

У канцы красавіка 2024 года стала вядома аб новым затрыманні Пятра — па падазрэнні ва ўдзеле ў масавых пратэстах, якія прайшлі ў жніўні 2020 года. Праз некалькі месяцаў ён быў асуджаны за "ўдзел у групавых дзеяннях, якія груба парушаюць грамадскі парадак", і па рашэнні суда прыгавораны да пазбаўлення волі.

Аляксандр — актывіст і былы каардынатар аргкамітэта па стварэнні партыі "Беларуская хрысціянская дэмакратыя". У 2019 годзе яго затрымалі напярэдадні парламенцкіх выбараў і асудзілі за тое, што ён на просьбу сяброўкі зняў кватэру для грамадзяніна Расіі, які пазней незаконна перасёк мяжу з Польшчай. Аляксандр лічыць справу сфабрыкаванай, бо не ведаў аб яго намерах. Ён правёў у зняволенні крыху больш за год і быў вызвалены па амністыі ў канцы жніўня 2020 года.

Аднак ужо ў сакавіку 2021 года Аляксандра зноў затрымалі і асудзілі за "ўдзел у групавых дзеяннях, якія груба парушаюць грамадскі парадак" у межах крымінальнай справы, распачатай пасля акцыі пратэсту 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Вызвалены ў сакавіку 2022 года, поўнасцю адбыўшы тэрмін пакарання, прызначаны судом.

Эдуард быў узяты пад варту ў зале суда ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце, супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках". Па матэрыялах справы, агульная шкода склала каля 24 тысяч беларускіх рублёў.

Вызвалены ў красавіку 2024 года, цалкам адбыўшы тэрмін пакарання, прызначаны судом.

Сяргей, акцёр і валанцёр, вядомы ў Пінску як арганізатар культурных мерапрыемстваў і валанцёр гарадской бальніцы. Ён быў затрыманы ў траўні 2021 года ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

Па падліках праваабаронцаў ён быў вызвалены ў сакавіку 2025 года, цалкам адбыўшы тэрмін пакарання, прызначаны судом.

Уладзімір быў асуджаны за перформансы з манекенамі ў выглядзе супрацоўнікаў міліцыі з надпісамі "АМАП". Да арышту ў зале суда ён са студзеня 2021 года знаходзіўся пад хатнім арыштам.

Вызвалены ў жніўні 2022 года, цалкам адбыўшы прызначаны судом тэрмін пакарання.

Аліна была асуджаная за перформансы з манекенамі ў выглядзе супрацоўнікаў міліцыі з надпісамі «АМАП». Да арышту ў зале суда яна са студзеня 2021 года знаходзілася пад хатнім арыштам.

Вызвалена ў лютым 2022 года, цалкам адбыўшы прызначаны судом тэрмін пакарання.

Аляксандр, урач-неўролаг, працаваў у расійскім Нарыльску. Быў затрыманы ў траўні 2021 года пасля вяртання ў Беларусь — у межах крымінальнай справы, узбуджанай за абразу прадстаўнікоў праваахоўных органаў.

У студзені 2022 года яго асудзілі па трох крымінальных артыкулах за каментары на адрас 32 чыноўнікаў. Як растлумачыў сам Аляксандр, ён пакідаў іх на эмоцыях, бо падчас жнівеньскіх пратэстаў 2020 года валанцёрыў каля ізалятара на Акрэсціна. Апроч пазбаўлення волі, суд пастанавіў спагнаць з яго маральную кампенсацыю на карысць 20 супрацоўнікаў. На паседжанні таксама стала вядома, што адзін з пацярпелых па справе збіваў Аляксандра пры затрыманні.

У лістападзе 2022 года яго паўторна асудзілі па артыкулах «абраза прадстаўніка ўлады» і «пагроза гвалтам у дачыненні да службовай асобы».

3 красавіка 2024 года яму ўзмацнілі жорсткасць пакарання і перавялі на турэмны рэжым.

Вызвалены ў лістападзе 2024 года, цалкам адбыўшы тэрмін пакарання, прызначаны судом.

Валянцін быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Пасля затрымання мужчыне стала дрэнна, і яго пад канвоем даставілі ў Пінскую цэнтральную бальніцу, дзе дыягнаставалі перадінфарктны стан і змясцілі ў рэанімацыю. Як толькі ягоны стан палепшыўся, яго перавялі ў ІЧУ і пазней асудзілі за ўдзел у «масавых беспарадках».

Быў вызвалены ў жніўні 2024 года па памілаванні.