Аляксандр быў завочна асуджаны за "абразу прадстаўніка ўлады" і "здзек з дзяржаўных сімвалаў" у рамках крымінальнай справы, распачатай у сакавіку 2021 года па абвінавачанні ва ўдзеле ў "экстрэмісцкім фарміраванні" — "Рудабельская паказуха". Яму прызначылі тры месяцы арышту. Аднак 20 верасня 2024 г. Вярхоўны суд па выніках апеляцыі адмяніў прысуд і накіраваў справу на перагляд у той жа суд.
У снежні 2024 года Аляксандра судзілі ўжо па чатырох артыкулах Крымінальнага кодэкса. Па сукупнасці злачынстваў, у адпаведнасці з ч. 2 і 6 ст. 72 КК шляхам частковага складання асноўных пакаранняў і далучэння дадатковага яму канчаткова прызначылі сем гадоў пазбаўлення волі з адбываннем у папраўчай калоніі ўзмоцненага рэжыму і штраф.
