Аляксандр быў прызнаны вінаватым у лістападзе 2021 года па крымінальнай справе, узбуджанай па артыкуле за абразу Лукашэнкі. З матэрыялаў абвінавачання вядома, што Аляксандр з выкарыстаннем інтэрнэту ў сацыяльнай сетцы «УКантакце» пад адным з пастоў у групе «Апошні званок» пакінуў абразлівы каментар з выкарыстаннем ненарматыўнай лексікі на адрас Лукашэнкі.
Па словах маці, яе сын — прыхільнік Лукашэнкі, заўсёды за яго галасаваў, заклікаў усіх пратэстоўцаў саджаць. Дадала, што Аляксандр знаходзіцца на ўліку ў псіхіятра з самага нараджэння, з'яўляецца інвалідам 2-й групы пажыццёва.
