Аляксандр працаваў інжынерам.
27 лютага 2022 года ў Мінску адбыўся антываенны мітынг. На відэа, якое потым разышлося па інтэрнэце, Аляксандр разам з яшчэ адным мужчынам ішоў у бок вайскоўца, а той адступаў. 3 сакавіка таго ж года Аляксандра затрымалі, а на праўладных тэлеграм-каналах з'явілася «пакаяльнае» відэа з ім. На судзе ён распавёў, што пры затрыманні яго моцна збілі, а ў Жодзіне, пасля таго як ён паскардзіўся ўрачу на пабоі, яго на двое сутак змясцілі ў аднамесны карцар разам з яшчэ сямю людзьмі.
У жніўні 2022 года Аляксандра прызналі вінаватым па крымінальнай справе, узбуджанай па артыкулах «Гвалт або пагроза прымянення гвалту ў дачыненні да супрацоўніка органаў унутраных спраў» і «Стварэнне экстрэмісцкага фармавання або ўдзел у ім». Другі артыкул яму інкрымінавалі за рэгістрацыю ў плане «Перамога». Сваю віну ён не прызнаў.
Паводле падлікаў праваабаронцаў, ён быў вызвалены ў лістападзе 2024 года, цалкам адбыўшы прызначаны судом тэрмін пакарання.
