Вядома, што Аляксей Аляксейчык больш за 20 гадоў працаваў лекарам-трансплантолагам у Рэспубліканскім навукова-практычным цэнтры дзіцячай анкалогіі і гематалогіі. Ён лічыцца адным з лепшых спецыялістаў цэнтра, які правёў мноства аперацый па перасадцы касцявога мозга.
Вясной 2022 года сілавікі атрымалі доступ да ўнутранага чату супрацоўнікаў РНПЦ, дзе абмяркоўвалі "палітычную сітуацыю ў Беларусі, працу незалежнага прафсаюза "Панацэя" і гэтак далей". Выданне меркавала, што затрыманне трансплантолага звязана з гэтым чатам.
