Аляксей, падпалкоўнік юстыцыі ў адстаўцы, з 2012 па 2021 год займаў розныя пасады ў Следчым камітэце. У ліпені 2021 года ён быў затрыманы ў рамках крымінальнай справы, узбуджанай па артыкуле «групавыя дзеянні, якія груба парушаюць грамадскі парадак».
У кастрычніку 2021 года Аляксея асудзілі за ўдзел у паслявыбарчых акцыях пратэсту, якія праходзілі ў жніўні 2020 года ў Менску. У 2022 годзе Лукашэнка пазбавіў яго звання.
Ён быў вызвалены ў красавіку 2023 года, цалкам адбыўшы прызначаны судом тэрмін пакарання.
У канцы ліпеня 2023 Аляксея зноў затрымалі. Прапагандысцкія рэсурсы сцвярджалі, што ён нібыта «паспрабаваў уцягнуць у вырашэнне пытання за хабар сваіх былых калегаў, дзейнічаючы ў інтарэсах грамадзяніна Украіны, які адбывае пакаранне».
У кастрычніку 2023 года яго прызналі вінаватым па артыкуле «дача хабару» і прыгаварылі да пазбаўлення волі і выплаты буйнога штрафу.
