Алеся — дырэктарка друкарні ў Вільні, у яе ёсць сын малодшага школьнага ўзросту.
4 красавіка 2022 года, прыехаўшы з Літвы ў Беларусь на гадавіну смерці маці, Алеся была затрымана ў памежнай зоне Гродзенскай вобласці. Паводле яе слоў, падчас допыту ў лесе яе білі, ужывалі электрашокер, пагражалі нажом і душылі да страты прытомнасці. Спачатку яе абвінавачвалі ў тэрарызме па справе «рэйкавых партызан», а фрагмент яе допыту паказалі ў прапагандысцкім фільме на БТ. Пазней абвінавачанне перакваліфікавалі на незаконнае перасячэнне мяжы арганізаванай групай.
У лістападзе 2022 года Алесю прызналі вінаватай па крымінальнай справе, узбуджанай па артыкуле «Незаконнае перасячэнне Дзяржаўнай граніцы Рэспублікі Беларусь», прыгаварыўшы да пазбаўлення волі. Па амністыі тэрмін скарацілі на год.
Вызвалена ў траўні 2024 года, цалкам адбыўшы прызначаны судом тэрмін пакарання.
Пазней Алеся пакінула Беларусь.
