10 снежня 2024 года Следчы камітэт пачаў спецвытворчасць у дачыненні да пяці ўдзельнікаў палка Каліноўскага: Арцёма Бігеля, Вячаслава Граноўскага, Ігната Кірэева, Анастасіі Махамет, Яна Мельнікава. Яны абвінавачваюцца па артыкулах аб стварэнні злачыннай арганізацыі, арганізацыі дзейнасці тэрарыстычнай арганізацыі, закліках да прычынення шкоды нацыянальнай бяспецы, удзелу ва ўзброеным канфлікце на тэрыторыі замежнай дзяржавы і іншых.
Іх прызналі вінаватымі па шэрагу артыкулаў Крымінальнага кодэкса, сярод якіх "акт тэрарызму" і "арганізацыя дзейнасці тэрарыстычнай арганізацыі". Фігурантам справы прызначылі пазбаўленне свабоды тэрмінам ад 12 да 20 гадоў.
Акрамя гэтага, "каліноўцам" прызначылі штрафы памерам ад 500 да 3 500 базавых велічынь (ад 21 000 да 147 000 рублёў).
