Ганна вучылася ў Баранавіцкім дзяржаўным універсітэце па спецыяльнасці "выкладанне сучасных замежных моў".
У ліпені 2023 года яе на суткі затрымалі за распаўсюджванне "экстрэмісцкіх матэрыялаў". Праз год паўторна затрымалі ў межах крымінальнай справы, пры гэтым працяглы час не дазвалялі перадаваць нават зменныя рэчы.
У Ганны сур'ёзныя праблемы са здароўем, якія патрабуюць рэгулярнага прыёму медыкаментаў.
У снежні 2024 года яе прызналі вінаватай па шэрагу крымінальных артыкулаў, уключаючы "распальванне варожасці" і "абраза Лукашэнкі", і прыгаварылі да пазбаўлення волі.
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезена ва Украіну.
