13 гадоў працавала ў Цэнтры дзіцячай анкалогіі, гематалогіі і імуналогіі ў Бараўлянах, яшчэ 3 гады ў РНПЦ дзіцячай хірургіі. Адначасова вяла прыём у "Лодзе", Цэнтры лазернай дэрматалогіі "HappyDerm".
У 2022 годзе Алена Шарафановіч, якая была дырэктаркай прыватнай «Клінікі А1», патрапіла ў цэнтр скандалу. Адзін з сузаснавальнікаў медцэнтра пісаў скаргі на сваю ж клініку, бо " ваяваў" з іншым сузаснавальнікам, Русланам Шарафановічам — гэта муж Алены. У выніку ў "А1" забралі ліцэнзію, і праца была паралізаваная. А на саму Алену адна з супрацоўніц напісала данос за "распаўсюджванне экстрэмісцкіх матэрыялаў". Яе судзілі, яна атрымала штраф. Клініка неўзабаве зачынілася.
У канцы студзеня 2025 г. адбудзецца суд над Аленай за ўдзел у акцыях пратэсту 2020 года. Месяцам раней за гэта ж быў асуджаны яе муж Руслан. Прысуд невядомы.
