Індывідуальнага прадпрымальніка Алену затрымалі і абвінавацілі ў «распальванні нацыянальнай варожасці» і «цынічным стаўленні да ахвяр тэракту». У канцы сакавіка яна напісала ў адным з Telegram-каналаў: «У РФ бачаць толькі ахвяры ў "Крокус Сіці", і не бачаць ахвяр ад расейскіх бамбёжак Украіны».
Пра яе справу згадаў пракурор Гомеля Уладзіслаў Журакоўскі, заявіўшы, што супраць яе ўзбуджаная крымінальная справа «па экстрэмісцкім артыкуле» за «абразу расейскага народа» на «апазіцыйных украінскіх інтэрнэт-рэсурсах». Яе таксама асудзілі па артыкуле "садзейнічанне экстрэмісцкай дзейнасці".
Таксама стала вядома, што ў СІЗА ў Алены пагоршылася здароўе. Ёй прызначылі "пасцельны рэжым", які дазваляе некалькі гадзін у дзень ляжаць на ложку. Яна часта звярталася да лекараў, а часам ёй таксама прызначалі ін'екцыі.
У верасні 2025 года была вызвалена, поўнасцю адбыўшы тэрмін пакарання.
