Яўген быў затрыманы ў верасні 2021 года ў межах крымінальнай справы, распачатай пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра. Вясной 2022 года яго асудзілі паводле артыкулаў «Распальванне сацыяльнай варожасці» і «Абраза прадстаўніка ўлады».
Яўген больш за 20 гадоў прапрацаваў на БелАЗе. У яго двое дарослых дзяцей і ўнукі.
24 мая 2022 года КДБ уключыў яго ў спіс асоб, «датычных да тэрарыстычнай дзейнасці», а таксама ў пералік грамадзян, датычных да «экстрэмісцкай дзейнасці».
Прысуд у дачыненні да Яўгена ўступіў у законную сілу, дакладны тэрмін пакарання і месца яго зняволення ўдакладняюцца.
