На праўладных тэлеграм-каналах у кастрычніку 2022 года з'явілася «пакаяльнае відэа» з жыхаром Магілёва Яўгенам Альховікам, які пакідаў «лайкі» пад пастамі супраць вайны ва Украіне. У падкантрольным спецслужбам канале «Зводкі Цэнтра» адзначаецца , што затрыманы нібыта абражаў расейскіх вайскоўцаў і такім чынам «зарабіў сабе артыкул за распальванне нацыянальнай варожасці».
Вядома, што Яўген да суда знаходзіўся ў зняволенні ў Магілёве.
