Па матэрыялах абвінавачання, 55-гадовы ветэран вайны ў Афганістане Генадзь Борыс 26 студзеня 2021 года на сваёй старонцы ў сацыяльнай сетцы "Аднакласнікі" ў адкрытым доступе размясціў выяву ў чырвона-зялёным колеры са свастыкай з нацыянальным арнаментам, таксама ён у той жа дзень на сваёй старонцы размясціў выяву Аляксандра Лукашэнкі ў ваенным мундзіры на фоне свастыкі.
Наступны эпізод справы тычыцца 26 ліпеня 2022 года. Генадзь Барыс размясціў у "Аднакласніках" тэкставае паведамленне, у якім указаў, што «расшукваецца тэрарыст № 1», і што за яго затрыманне будзе сабрана сума ў адзін мільён еўра. Далей ён піша, што ўжо зарэзервавана 586 000 еўра таму, хто арыштуе Лукашэнку.
Сваю віну ў зробленым мужчына прызнаў.
