Пасля заканчэння аддзялення замежных моў Гомельскага дзяржаўнага ўніверсітэта Глеб стаў працаваць бармэнам. Пра затрыманне 24-гадовага Ветошкіна супрацоўнікамі ГУБАЗіК праваабаронцы даведаліся з праўладных тэлеграм-каналаў 28 лістапада мінулага года.
Паведамлялася, што ён нібыта распаўсюджваў экстрэмісцкія матэрыялы, а ў жніўні 2020-га ўдзельнічаў у пратэстах, абражаў прадстаўнікоў улады і распальваў сацыяльную варожасць. Пасля затрымання ў дачыненні да Глеба быў складзены пратакол па ч. 2 арт. 19.11 КаАП (распаўсюджванне экстрэмісцкіх матэрыялаў).
8 чэрвеня 2023 г. пракуратура падала апеляцыйны пратэст на ўзмацненне жорсткасці пакарання з 5 гадоў “хатняй хіміі” на тры гады пазбаўлення волі. Прадстаўнік пракуратуры ў судзе запытаў паўтара гады пазбаўлення волі з адбываннем у калоніі агульнага рэжыму. Судовая калегія Вярхоўнага суда падтрымала запыт пракурора.
