Глеб, вядомы арганізатар аэраздымак квадракоптарамі, быў затрыманы ў верасні 2021 года ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра. Вядома, што Глеб пакінуў паведамленне "Дымон ту-ду-ту" (на матыў музыкі з фільма "Бумер").
У лютым 2023 года яго прызналі вінаватым па артыкулах "распальванне варожасці", "перашкаджэнне законнай прафесійнай дзейнасці журналіста", "абраза прадстаўніка ўлады", "абраза Лукашэнкі" і "заклікі да мер абмежавальнага характару (санкцыі), іншых дзеянняў, накіраваных на шкоду нацыянальнай бяспецы Рэспублікі Беларусь", і прыгаварылі да пазбаўлення волі.
11 верасня 2025 года стала вядома, што 52 зняволеных беларускага рэжыму былі прымусова перамешчаныя на тэрыторыю Літвы, сярод іх — грамадзяне еўрапейскіх краін. У ліку вызваленых аказаўся і Глеб.
