Іван Вацлававіч Норка

Падрабязнасці справы сталі вядомыя з апублікаванага прысуду . Там пазначана, што Івана Вацлававіча трымалі тры дні пад вартай з 10 ліпеня 2023 г., а потым перавялі пад хатні арышт. З-пад хатняга арышту яго вызвалілі толькі пасля абвяшчэння прысуду 22 жніўня.

Прэтэнзіі да пенсіянера заключаліся ў тым , што ён у сацсетцы «Аднакласнікі» адзначыў як упадабаную адну публікацыю. У той публікацыі абвінавачанне выявіла нібыта несправядлівыя дадзеныя аб тым, што А.Лукашэнка мае дачыненне да злачынстваў трох відаў («акт тэрарызму», «забойства», «перавышэнне ўлады ці службовых паўнамоцтваў»).