Наталлю затрымалі падчас «рэйду па салідарнасці» ў канцы студзеня 2024 года па абвінавачанні ў падтрымцы палітвязняў і іх сем'яў. Увосень таго ж года яе асудзілі па артыкулах «садзейнічанне экстрэмісцкай дзейнасці» і «актыўны ўдзел у групавых дзеяннях, якія груба парушаюць грамадскі парадак» і прысудзілі да пазбаўлення волі ў калоніі.
Вядома, што да затрымання Наталля працавала ў кампаніі Solbeg. Пасля пачатку вайны кампанія перавезла значную частку супрацоўнікаў за мяжу, аднак Наталля засталася ў Беларусі.
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезена ва Украіну.
