Евангельскі вернік і знаўца рэлігійнай архітэктуры Мікіта Каваленка.
Быў затрыманы падчас вялікага «хапуна» ў Фаніпалі. Супрацоўнікі ГУБАЗіК уварваліся ў кватэру Каваленкі і правялі ператрус, падчас якога ў быў выняты асабісты кампутар і тэлефон. На мужчыну была заведзеная крымінальная справа, але невядома, што яму ставіцца ў віну.
Мікіта Каваленка — вернік адной з менскіх баптысцкіх цэркваў і адзін з найлепшых знаўцаў рэлігійнай архітэктуры Беларусі XVI стагоддзя. У апошні час ён працаваў распрацоўшчыкам у сферы ІТ. Мужчыну раней ужо затрымлівалі падчас пратэстаў у 2020 годзе.
