Мікалай Аляксандравіч Антановіч

Мікалая прызналі вінаватым за абразу суддзі Маладзечанскага раёна Барэйку 4 лютага 2021 года падчас разбору па справах арт. 305 і арт. 174 КК, дзе ён судзіўся з суседкай па лецішчы, сказаўшы суддзі: «Сядзіць нейкі малады хлыш». Ён растлумачыў, што суд праходзіў напружана з-за спрэчкі аб камеры на ўчастку, суддзя «паводзіў сябе па-хамску», і ў яго падняўся ціск, пры гэтым віну ўсвядоміў і адразу папрасіў прабачэння, сцвярджаючы, што не ведаў, хто такі «хлышч». Нягледзячы на гэта, яго прыгаварылі да абмежавання волі.