Мікалай быў затрыманы ў лістападзе 2022 года ў межах крымінальнай справы, узбуджанай па некалькіх артыкулах, уключаючы «абразу Лукашэнкі».
Па версіі абвінавачання, з лютага 2021 па кастрычнік 2022 года ён з мабільнага тэлефона размяшчаў у розных мэсэнджарах паведамленні з «паклёпніцкімі выдумкамі ў дачыненні да Лукашэнкі», публічна абражаў яго, а таксама кіраўнікоў Цэнтрвыбаркама, Савета Рэспублікі, іншых дзяржаўных служачых.
Акрамя таго, па версіі абвінавачання, 11 кастрычніка 2022 года, «у мэтах садзейнічання дзейнасці дэструктыўнага Telegram-канала», раней прызнанага экстрэмісцкім, ён адправіў паведамленне аб перамяшчэнні ваенных самалётаў у раёне Брэста.
Мікалай быў асуджаны ў сакавіку 2023 года і прыгавораны да пазбаўлення волі ў калоніі.
Вызвалены 20 сакавіка 2026 года ў рамках памілавання пасля чарговага візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла.
