Пелагея да 2020 года працавала ў тым жа дзіцячым садку №518, дзе і яе бацькі. Яна ўдзельнічала ў пратэстах, а ў верасні 2021 года пераехала ва Украіну. З пачаткам поўнамаштабнай вайны дзяўчына вырашыла не выязджаць у больш бяспечную краіну, а валанцёрыць. Апроч асноўнай працы (SMM і графічны дызайнер), Пелагея займаецца эвакуацыяй грамадзянскіх асоб і каардынуе працу валанцёраў у выпадках прылётаў ракет.
Яе бацькі былі затрыманы ў верасні 2025 года.
З бацькамі Пелагея заўсёды была на сувязі, не хавала ад іх, чым займаецца, дасылала відэа. Дачка Таццяны і Дзмітрыя лічыць , што "адзінае іх "злачынства" ў тым, што я знаходжуся ва Украіне, і мы не гублялі сувязь, стэлефаноўваліся. А яшчэ бацькі за мяне перажывалі. На падставе гэтага, атрымліваецца, службы развілі сваю бурную фантазію."
