Рэнату Пелагейчыку на момант пратэстаў у 2020 годзе было 17 гадоў.
Ужо ў 18 гадоў юнак вырашыў заняцца бізнэсам: у лютым 2021 года зарэгістраваў ІП у родным горадзе, каб займацца раздробным гандлем праз інтэрнэт.
Па дадзеных з сацыяльных сетак , праз некаторы час хлопец перабраўся ў Расію. У 2024 годзе ён актыўна публікаваў Укантакце аб'явы з прапановамі аб працы. Рэнат шукаў беларусаў і расіян на вахты ў Маскву, Санкт-Пецярбург і Смаленск, прапаноўваючы вакансіі грузчыкаў, пакавальнікаў і рознарабочых.
Тэрмін даўніны па ягонай крымінальнай справе павінен быў даўно скончыцца. Але паводле крымінальнага кодэксу, тэрмін даўніны прыпыняецца, калі чалавек у вышуку. Руслана аб'яўлялі ў вышук. І ў рэшце рэшт яго затрымалі - магчыма, што ў Расіі, - але абставіны невядомыя.
