Сяргей быў затрыманы і асуджаны па абвінавачанні ў абразе службовых асоб. Па версіі следства, 2 красавіка 2021 года ён накіраваў электронныя лісты ў пракуратуру Віцебскай вобласці і ў раённы выканкам, якія змяшчаюць абразлівыя выказванні ў адрас намесніка пракурора і першага намесніка старшыні райвыканкама. Экспертыза палічыла фармулёўкі лістоў зняважлівымі і накіраванымі на стварэнне негатыўнай выявы прадстаўнікоў улады.
Акрамя таго, яму паставілі парушэнне правілаў захоўвання зброі і незаконнае захоўванне выбуховага рэчыва — дымнага пораху, прыдатнага для выбуху.
Па падліках праваабаронцаў, ён быў вызвалены летам 2024 года, цалкам адбыўшы тэрмін пакарання, прызначаны судом.
