У 2013 годзе ён скончыў Гродзенскі ўніверсітэт імя Янкі Купалы і пайшоў працаваць настаўнікам гісторыі ў школу ў Жамыслаўе. Неўзабаве Сяргей стаў першым сакратаром Іўеўскага раённага камітэта БРСМ і нават патрапіў у рэзерв кіруючых кадраў мясцовага выканкама. У інтэрв'ю дзяржаўнай прэсе ён хваліў беларускую стабільнасць і ладзіў патрыятычныя акцыі.
Аднак пасля 2017-га ён сышоў з адукацыі. У лютым 2025 года Пахомаў зарэгістраваўся як індывідуальны прадпрымальнік, асноўным відам дзейнасці абазначыў дахавыя работы.
Зімой 2026 года стала вядома, што 37-гадовы мужчына знаходзіцца ў СІЗА. Яму прад'яўлена абвінавачанне па артыкуле 130 КК РБ ("распальванне расавай, нацыянальнай, рэлігійнай або іншай сацыяльнай варожасці"). Хаця прысуд яшчэ не вынесены, КДБ ужо ўключыў яго ў спіс «тэрарыстаў».
Што менавіта стала прычынай крымінальнага пераследу, пакуль невядома. Верагодна, гэта каментары ў тэлеграме з неабароненага акаўнта.
19.03.2026 быў памілаваны пасля чарговага візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла (у ліку групы зняволеных з 235 чалавек, пакінутых у РБ).
