Святлана, намеснік дырэктара гімназіі №42 Мінска, была затрымана ў снежні 2021 года разам са сваёй дачкой Янай у рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ўзята пад варту спачатку ў ІЧУ, а пазней у СІЗА.
У красавіку 2022 года яе прызналі вінаватай ва ўдзеле ў акцыях пратэсту, якія прайшлі ў 2020 годзе ў Мінску, і прыгаварылі да пазбаўлення волі ў калоніі.
Вызвалена восенню 2023 года, цалкам адбыўшы прызначаны судом тэрмін пакарання.
