У лістападзе 2021 года Святлана паставіла рэакцыю ў выглядзе сумнага смайліка пад чужым постам пра Лукашэнку ў «Аднакласніках». Ні аўтарам паста, ні аўтарам каментароў пад ім яна не была. Раней яе двойчы прыцягвалі да адміністрацыйнай адказнасці за распаўсюд «экстрэмісцкіх» матэрыялаў.
20 студзеня 2022 года Святлану затрымалі па крымінальнай справе.
У сакавіку 2022 года Святлану прызналі вінаватай па крымінальнай справе, узбуджанай па артыкуле аб абразе Лукашэнкі, прыгаварыўшы да пазбаўлення волі ў калоніі. Яе мабільны тэлефон суд канфіскаваў як сродак здзяйснення злачынства.
Паводле падлікаў праваабаронцаў, яна была вызвалена ў снежні 2022 года, цалкам адбыўшы прызначаны судом тэрмін пакарання.
