Паводле матэрыялаў справы , Тамара Каравай у снежні 2022 года праз месэнджэр у сацыяльнай сетцы «Аднакласнікі» размясціла ў сетцы Інтэрнэт паклёпніцкія звесткі ў дачыненні да Аляксандра Лукашэнкі.
На судовым паседжанні Каравай сваю віну прызнала цалкам, аднак адмовілася ад дачы паказанняў.
Вядома, што ў Тамары Каравай на ўтрыманні ёсць непаўналетняе дзіця. Выйшла 20 ліпеня 2024 года па памілаванні.
Тамара памерла вясной 2025 г. Пра смерць жанчыны "Нашай Ніве" паведамілі яе знаёмыя. Афіцыйная прычына - не вытрымала сэрца. Дакладная дата смерці невядомая, аднак Тамара была апошні раз анлайн "УКантакце" 23 красавіка 2025 года.
