Віталь быў затрыманы ў студзені 2022 года ў межах крымінальнай справы аб групавых дзеяннях, якія груба парушаюць грамадскі парадак. Пазней яму таксама прад'явілі абвінавачанне па артыкуле «распальванне сацыяльнай варожасці».
У ліпені 2022 года Віталя асудзілі за ўдзел у паслявыбарчых акцыях пратэсту, якія праходзілі ў 2020 годзе ў Мінску, а таксама за размяшчэнне 6 і 9 студзеня 2022 года «ў адным з дэструктыўных Telegram-чатаў даступных неабмежаванай колькасці асоб публікацый, накіраваных на распальванне сацыяльнай варожасці і розні ў дачыненні да вайскоўцаў, якія ажыццяўлялі міратворчую дзейнасць у Рэспубліцы Казахстан».
Вызвалены ў жніўні 2024 года ў рамках памілавання.
