Зінаіда — актывістка Незалежнага прафсаюза работнікаў радыёэлектроннай прамысловасці (РЭП). З 2000 года яна ўзначальвала першасную прафсаюзную арганізацыю на заводзе «Цветатрон».
25 кастрычніка 2020 года Зінаіду затрымалі на акцыі пратэсту ў Брэсце. Адразу пасля адміністрацыйнага суда яе затрымалі зноў, ужо па падазрэнні па крымінальнай справе аб гвалце ў дачыненні да супрацоўніка міліцыі. Чым скончылася гэтая справа, невядома.
25 сакавіка 2022 года сілавікі правялі ператрусы ў Зінаіды дома і ў офісе прафсаюза і затрымалі яе. Абвінавачанне грунтавалася на матэрыялах праслухоўкі, якую ў яе як у актывісткі прафсаюза ўсталявалі раней.
У траўні 2022 года Зінаіду прызналі вінаватай па крымінальнай справе аб абразе Лукашэнкі, прыгаварыўшы да пазбаўлення волі.
Вызвалена ў студзені 2024 года, цалкам адбыўшы прызначаны судом тэрмін пакарання.
