Пераслед па палітычных матывах

Дзяніс быў затрыманы 5 жніўня 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і змешчаны на трое сутак у ІЧУ. Пасля ён быў вызвалены пад асабістае даручальніцтва.

У кастрычніку 2021 года Дзяніс быў асуджаны за тое, што 8 верасня 2020 года апублікаваў у тэлеграм-чаце «Менск 97%» наступнае паведамленне: «Тэрмінова, кіроўцы на Машэрава! Блакуйце рух, не дайце сілавікам сабрацца, дапамажыце пратэстоўцам!».

Спачатку знаходзіўся на Акрэсціна. Потым быў арыштаваны па КК. Блізкія адзначаюць, што Дзяніс добры, сумленны, справядлівы і спагадлівы хлопец. На праўладных каналах Дзяніса называюць “галоўным візуальным рэдактарам” ролікаў руху “Супраціў”. На відэа Сальмановіч кажа , што затрыманы супрацоўнікамі міліцыі з-за таго, што «складаўся ў дэструктыўных тэлеграм-каналах», «супрацоўнічаў з "Буслы ляцяць"» і ўдзельнічаў у акцыях пратэсту ў 2020 годзе.

Апеляцыйны суд скараціў тэрмін адбыцця пакарання з 10 да 9.5 гадоў пазбаўлення волі.

У Дзяніса цяжкае захворванне - хранічны гломерулонефрыт пасля гемарагічнага васкуліту. Улетку 2024 года мужчыну з калоніі забрала хуткая дапамога. Сальмановіча прааперыравалі — выразалі жоўцевую бурбалку. Пасля аперацыі мужчына яшчэ тыдзень знаходзіўся ў санчасці калоніі, пакуль яму не знялі швы.

Маці палітвязня кажа, што апошні раз Дзяніс выходзіў з ёю на сувязь у сярэдзіне лістапада 2024 года. Пасля званка мужчыну адразу ж забралі ў ШІЗА, дзе ён знаходзіцца да гэтага часу (студзень 2024 года).

У красавіку 2025 года яму ўзмацнілі жорсткасць від пакарання і перавялі на турэмны рэжым.

16 верасня 2026 года быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла - і вывезены ў Літву.

Жыхар п. Ільіч Рагачоўскага раёна. Затрыманы па арт.130 і 369 Крымінальнага кодэкса. 1 верасня 2022 г. быў вынесены прысуд: палітвязень быў прызнаны вінаватым і асуджаны да 2 гадоў і 6 месяцаў пазбаўлення волі ў калоніі агульнага рэжыму.

У Гомельскім абласным судзе 26 красавіка 2023 г. пачаўся разбор па новай крымінальнай справе, узбуджанай супраць палітвязня. Палітвязня перавялі ў СІЗА-3 .

Па выніках другога суда Андрэя прыгаварылі да 5 гадоў пазбаўлення волі ў калоніі агульнага рэжыму.Разгляд праходзіў у закрытым рэжыме 22 мая 2023 г.

11 верасня 2025 года стала вядома, што 52 вязні беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Андрэй Сцепанькоў.

Андрэй, рэдактар сайта "Віртуальны Брэст", быў прызнаны вінаватым у кастрычніку 2021 года па артыкуле "абраза прадстаўніка ўлады" за каментар, пакінуты ў тэлеграм-чаце "Абмяркоўваем небяспечны Брэст" пад фатаграфіяй дэпутата Палаты прадстаўнікоў Ігара Марзалюка.

Таццяна была прызнана вінаватай у кастрычніку 2021 года па артыкуле «абраза суддзі» за тое, што, паводле версіі следства, 18 снежня 2020 года нанесла на дзверцы паштовай скрыні суддзі Брэсцкага абласнога суда Сянько Русланы Альбертаўны «абразлівы надпіс, разлічваючы на яе неаднаразовае прачытанне і ўспрыняцце».Сваю віну Таццяна не прызнала.

Рэната была затрымана 1 лістапада 2020 года на акцыі пратэсту, якая праходзіла ў Мінску, пасля чаго супраць яе была ўзбуджана крымінальная справа па артыкуле "арганізацыя або актыўны ўдзел у групавых дзеяннях, якія груба парушаюць грамадскі парадак". Паўторна яе затрымалі пры спробе перасячы мяжу і змясцілі ў СІЗА да суда.

У студзені 2021 года Рэнату прызналі вінаватай і прыгаварылі да абмежавання волі.

Марыя, валанцёрка гомельскага аддзялення ПЦ «Вясна», была затрыманая позна ўвечары 18 студзеня 2021 года і змешчаная ў ІЧУ ў межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». У яе доме таксама быў праведзены ператрус. Раней Марыя актыўна выступала за адмену так званага дэкрэта аб «дармаедах» і судзілася з раённымі чыноўнікамі Гомельскай вобласці, якія забаранялі праводзіць пратэстныя акцыі супраць дэкрэта.

Яна была вызвалена праз трое сутак пад падпіску аб нявыездзе. Судовы працэс над Марыяй пачаўся 3 верасня 2021 года, а 13 кастрычніка пракуроры запыталі пакаранне ў выглядзе пазбаўлення волі тэрмінам на два з паловай гады. Пасля гэтага Марыя была вымушана пакінуць Беларусь, а яе справа была выдзелена ў асобную вытворчасць.

Юлія, галоўны бухгалтар IT-кампаніі PandaDoc, была затрымана 2 верасня 2020 г. у офісе кампаніі па абвінавачванні ў махлярстве супрацоўнікамі Дэпартамента фінансавых расследаванняў.

Пасля падзей жніўня 2020 года заснавальнік PandaDoc Мікіта Мікада запусціў ініцыятыву Protect Belarus для падтрымкі звольненых супрацоўнікаў сілавых структур, якія адмовіліся выконваць незаконныя загады. Ініцыятыва атрымала больш за 500 заявак і прыцягнула грамадскую ўвагу.

Юлія была вызвалена ў кастрычніку 2020 года пад падпіску аб нявыездзе.

Юлія была затрыманая і асуджаная за ўсталяванне пудзіла, паводле версіі следства, падобнага да Лукашэнкі ў раённым цэнтры на Варшаўскай шашы.

У лістападзе 2024 года ў дачыненні да Юліі адбылося судовае паседжанне аб замене абмежавання волі на пазбаўленне волі ў калоніі.

Вольга, актывістка праекту «Краіна для жыцця» і сябра ініцыятыўнай групы Святланы Ціханоўскай, пасля прэзідэнцкіх выбараў удзельнічала ў акцыях пратэсту і неаднаразова падвяргалася затрыманням.

15 лістапада 2020 года яе затрымалі ў двары «Плошчы Перамен», дзе мірныя пратэстоўцы сабраліся на акцыю памяці забітага сілавікамі Рамана Бандарэнкі пад лозунгам «Я выходжу». Пасля гэтага супраць Вольгі распачалі крымінальную справу.

У лютым 2021 года яе асудзілі за «ўдзел у групавых дзеяннях, якія груба парушаюць грамадскі парадак». Праз некаторы час яна пакінула Беларусь.

У кастрычніку 2024 года ў дачыненні да яе адбылося завочнае судовае пасяджэнне па замене абмежавання волі на пазбаўленне волі ў калоніі.

Станіслаў, грамадзянін Украіны, быў затрыманы ў маі 2021 года ў рамках крымінальнай справы, узбуджанай пасля стыхійных пратэстаў, якія прайшлі 10 жніўня 2020 года ў Брэсце супраць фальсіфікацый на выбарах. Яго асудзілі за ўдзел у "масавых беспарадках".

Вызвалены ў чэрвені 2025 года, цалкам адбыўшы тэрмін пакарання, прызначаны судом, і прымусова дэпартаваны ў Латвію з забаронай на ўезд у Беларусь тэрмінам на пяць гадоў.

Дыяна была прызнана вінаватай у кастрычніку 2021 года па артыкуле "абраза Лукашэнкі" за каментар, пакінуты ў тэлеграм-супольнасці "Клічаў-чат". Суд прыгаварыў яе да пазбаўлення волі ў калоніі з адтэрміноўкай на 2 гады.

Аляксандр быў прызнаны вінаватым у кастрычніку 2021 года па артыкуле "абраза прадстаўніка ўлады" за каментар, пакінуты ў сацыяльнай сетцы "УКантакце" пад публікацыяй з тэкстам аб тым, як міліцыянеры Шрамаў Сяргей Уладзіміравіч і Шлупакоў Аляксандр Леанідавіч "ахвяруючы сваімі жыццямі" здымалі бела-чырвона-белыя шары.

Аляксандр быў прызнаны вінаватым у кастрычніку 2021 года па артыкуле «абраза прадстаўніка ўлады» за каментар, пакінуты ў сацыяльнай сетцы «Аднакласнікі» пад фатаграфіяй оперупаўнаважанага АБЭЗ Драгічынскага раёна, супрацоўніка міліцыі Юрыя Чарнышкова, з заявай, што 10 жніўня 2020 года міліцыянт збіваў дзяўчыну рукамі і нагамі на плошчы, а пасля перадаў яе супрацоўніку АМАП.

Вадзім быў прызнаны вінаватым па артыкуле "абраза прадстаўніка ўлады" за каментары, пакінутыя ў сацыяльнай сетцы "УКантакце" ў лютым 2021 года пад фатаграфіямі міліцыянтаў Шлупакова Аляксандра Леанідавіча і Шрамава Сяргея Уладзіміравіча.