Пераслед па палітычных матывах

Анатоль быў асуджаны ў ліпені 2021 года паводле артыкулу аб абразе прадстаўніка ўлады. Паводле абвінавачання, 29 кастрычніка 2020 года ён, знаходзячыся дома, пакінуў каментар пад выявай з апісаннем міліцыянта Аляксандра Краўчанкі ў Telegram-канале «Карнікі Беларусі», выкарыстоўваючы нецэнзурную лексіку. Следства кваліфікавала гэта як публічную абразу з мэтай прычыніць супрацоўніку міліцыі маральныя пакуты.

У лістападзе 2022 года ў дачыненні да Анатоля адбылося судовае паседжанне па тым жа артыкуле. Сутнасць абвінавачання, дэталі справы і вынік разгляду невядомыя.

Дзмітрыя прызналі вінаватым у тым, што 27 кастрычніка 2020 года ён пакінуў у Telegram каментар пад відэа з выступам Лукашэнкі, які, паводле версіі абвінавачання, быў накіраваны на тое, каб прадставіць яго прыніжаным у вачах грамадскасці.

У лютым 2025 года ў рамках спецвытворчасці па справе Зміцера адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.

Сяргей быў асуджаны ў ліпені 2021 года за ўдзел у паслявыбарчых акцыях пратэсту, якія праходзілі ў ноч з 9 на 10 жніўня 2020 года ў Жлобіне.

У студзені 2024 года адбылося судовае пасяджэнне па пытанні замены абмежавання волі без накіравання ва ўстанову адкрытага тыпу. Вынік паседжання невядомы.

Ілья быў асуджаны ў ліпені 2021 года за ўдзел у паслявыбарчых акцыях пратэсту, якія праходзілі ў ноч з 9 на 10 жніўня 2020 года ў Жлобіне.

У студзені 2024 года адбылося судовае пасяджэнне па пытанні замены абмежавання волі без накіравання ва ўстанову адкрытага тыпу. Вынік паседжання невядомы.

Павел быў затрыманы 17 чэрвеня 2021 года ў межах крымінальнай справы аб групавых дзеяннях, якія груба парушаюць грамадскі парадак. У верасні таго ж года ён быў асуджаны за ўдзел у паслявыбарчых акцыях пратэсту, якія праходзілі ў жніўні 2020 года ў Менску.

У снежні 2022 года быў асуджаны па непалітычным артыкуле і адпраўлены ў калонію.

Зміцер быў асуджаны за каментар у тэлеграм-канале «Карнікі Беларусі» пад фатаграфіяй старэйшага памочніка пракурора Фрунзенскага раёна Мінска Валерыі Таратынкі. Па версіі абвінавачання, каментар прынізіў яе гонар і годнасць.

Леаніда прызналі вінаватым у тым, што, паводле версіі абвінавачання, 20 верасня 2020 года ў Мінску ён удзельнічаў у несанкцыянаванай акцыі: выходзіў на праезную частку, выкрыкваў лозунгі і пляскаў у ладкі, чым груба парушаў грамадскі парадак. Яму таксама паставілі перашкоды працы транспарту на некалькіх вуліцах, што прывяло да спынення руху, уключаючы грамадскі транспарт.

У снежні 2024 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.

Улетку 2021 года Змітра абвінавацілі ў абразе прадстаўнікоў улады праз тэлеграм-канал «Карнікі Беларусі». Пацярпелымі сталі міліцыянеры Дзмітрый Дзедзюн і Мікіта Міхалачкін; Дзедзюн патрабаваў 2000 рублёў кампенсацыі. Раней Зміцер ужо быў асуджаны па тым жа артыкуле на два гады абмежавання волі. Прыгавор па другой справе павінен быў быць вынесены пасля разгляду апеляцыйнай скаргі па першым прыгаворы, якая адбылася 17 жніўня таго ж года, аднак вынік другой справы пакуль невядомы.

Святлана – маці палітвязня Ігара Ярмолава, асуджанага на пяць гадоў калоніі ўзмоцненага рэжыму за "падрыхтоўку да масавых беспарадкаў". Яе абвінавацілі ў абразе супрацоўніка мінскага АМАПу, спаслаўшыся на нібыта пакінуты ёй каментар у Facebook, і прыгаварылі да абмежавання волі з накіраваннем і выплаты кампенсацыі маральнай шкоды.

Мікіта быў асуджаны за ўдзел у паслявыбарчай акцыі пратэсту, якая праходзіла ў Жлобіне ў ноч з 9 на 10 жніўня 2020 года.

Ганна — журналістка тэлеканала "Белсат" і вядучая праграмы-антыфейк "Лукавыя навіны". Яна была затрымана 16 ліпеня 2021 года падчас масавых ператрусаў у незалежных журналістаў у Менску і іншых гарадах Беларусі. Затрыманне адбылося ў рамках крымінальнай справы па артыкуле "удзел у масавых беспарадках". У яе кватэры правялі ператрус, канфіскавалі тэхніку, пасля чаго Ганну змясцілі ў ізалятар часовага ўтрымання. 23 ліпеня таго ж года яе вызвалілі, пакінуўшы ў статусе падазронай.

Пазней Ганна пакінула Беларусь.

Інэса – журналістка “Радыё Свабода”. Раней працавала на радыё "Беларуская маладзёжная", затым - на "101.2 fm". На “Радыё Свабода” займалася тэмамі медыцыны, адукацыі, сацыяльнай сферы і актыўна асвятляла важныя падзеі грамадскага і палітычнага жыцця. У верасні 2020 года пазбавілася акрэдытацыі МЗС у сувязі з рашэннем ведамства правесці пераакрэдытацыю журналістаў замежных СМІ.

16 ліпеня 2021 года яе затрымалі падчас маштабных ператрусаў у незалежных журналістаў. Праз дзесяць дзён, дзевяць з якіх яна трымала галадоўку, Інэсу вызвалілі, пакінуўшы ў статусе падазраванай.

Пазней яна пакінула Беларусь.

Таццяна - сузаснавальніца школы маладых менеджэраў публічнага адміністравання Sympa, экспертка даследчага праекта Bipart, магістар паліталогіі.

Яна была затрымана ў Мінску ноччу з 28 на 29 чэрвеня 2021 года ў аэрапорце пры праходжанні пашпартнага кантролю на выезд з краіны. Вядома, што Таццяна збіралася ляцець начным рэйсам у Тбілісі. Пазней стала вядома, што яна была затрыманая ў сувязі з узбуджанай крымінальнай справай. Таццяну даставілі ў ІЧУ на Акрэсціна, а праз некалькі дзён перавялі ў СІЗА.

6 лютага 2023 года ў судзе пачалі разглядаць яе справу па абвінавачанні ў «дапамозе дзеянням, накіраваным на захоп улады», «заклікам да дзеянняў, якія наносяць шкоду нацыянальнай бяспецы» і «распальванні сацыяльнай варожасці». 17 сакавіка таго ж года суд у закрытым рэжыме прыгаварыў Таццяну да 10 гадоў пазбаўлення волі ў калоніі агульнага рэжыму.

16 верасня 2026 года была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла - і вывезена ў Літву.

Максім быў асуджаны за ўдзел у "масавых беспарадках" у межах крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацый на прэзідэнцкіх выбарах. Да суда ён знаходзіўся пад падпіскай аб нявыездзе, аднак на працэсе 19 ліпеня 2021 года мера стрымання была зменена, і яго ўзялі пад варту.

У верасні 2022 года ў рамках памілавання яму замянілі від пакарання на "хатнюю хімію".

У сакавіку 2024 года ў дачыненні да Максіма адбылося судовае паседжанне "аб замене абмежавання волі без накіравання ў папраўчую ўстанову адкрытага тыпу".

Сяргей быў асуджаны за тое, што ў 2020 годзе пасля фальсіфікацыі выбараў і збіцця ўдзельнікаў мірных акцый, ён пакінуў некалькі графіці на розных аб'ектах Слоніма і Слонімскага раёна, у тым ліку прыпынкі ў вёсцы Шылавічы. Адзін з надпісаў на закінутай сцяне тычыўся начальніка мясцовага РАУС і перадаваў сэнс: "народ не даруе".