Патэнцыйны пераслед

Аляксандр быў затрыманы 16 снежня 2021 года ў межах крымінальнай справы аб групавых дзеяннях, якія груба парушаюць грамадскі парадак, а ў сакавіку 2022 года асуджаны за ўдзел у акцыях пратэсту, якія праходзілі ў 2020 годзе ў Мінску.

Мікіту прызналі вінаватым у грубым парушэнні грамадскага парадку ў Менску ў жніўні 2020 года: у ноч з 9 на 10 жніўня і 30 жніўня Ён нібыта блакаваў транспарту шлях - у тым ліку, «счэпкай локцямі» - і тым самым спыніў яго.

Невядома ці адбываў Мікіта пакаранне ў выглядзе абмежавання волі з накіраваннем, але калі адбываў, то мусіў выйсці на волю вясной 2025 года.

17 кастрычніка 2021 года Ала Ціхамірава патэлефанавала па хатнім тэлефоне на нумар 102 і нецэнзурна аблаяла Лукашэнку.

Па падліках праваабаронцаў мусіла вызваліцца ў пачатку 2024 года.

Уладзіслаў быў затрыманы ў лістападзе 2021 года ў рамках крымінальнай справы аб групавых дзеяннях, якія груба парушаюць грамадскі парадак, а ў красавіку 2022 года прызнаны вінаватым і прыгавораны да абмежавання волі з накіраваннем ва ўстанову адкрытага тыпу.

У снежні 2024 года адбылося судовае паседжанне аб замене абмежавання волі на пазбаўленне волі ў калоніі. Вынік паседжання, як і сам факт прысутнасці на ім Уладзіслава, невядомы.

Паўторна затрыманы ў Мазыры 22 лістапада 2021 г. У ліпені 2021 Уладзіміра затрымлівалі за ўдзел у пратэстах на 10 сутак, потым быў адпушчаны да правядзення судовых экспертыз.

Аляксей быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

 Краноўшчык стрыжневага ўчастка МТЗ. Затрыманы 16 верасня. Потым пераведзены ў СІЗА-1: яму прад'явілі абвінавачанне, але дакладна невядома, па якім артыкуле. Яго калега паведаміў, што па артыкуле, які прадугледжвае да пяці гадоў зняволення. Затрыманне рабілі супрацоўнікі КДБ.

Ігар быў асуджаны за тое, што пакінуў у сацыяльнай сетцы «Аднакласнікі» каментар пад фатаграфіяй начальніка Ганцавіцкага РАУС Віталя Куляшова: «Нядоўга, стварэнне, засталося. Час пачаць баяцца свайго народа». Яго прыгаварылі да абмежавання волі з накіраваннем ва ўстанову адкрытага тыпу.

Упершыню Юрый быў затрыманы 11 жніўня 2020 года ў Гомелі і падвергся жорсткаму збіццю ў Навабеліцкім РАУС. Яго абвінавацілі ва ўдзеле ў несанкцыянаваным масавым мерапрыемстве і прыгаварылі да 12 сутак адміністрацыйнага арышту.

У ліпені 2021 года Юрыя зноў затрымалі — ужо ў межах крымінальнай справы, узбуджанай па артыкулах «абраза прадстаўніка ўлады», «абраза суддзі» і «абраза Лукашэнкі». Паводле версіі абвінавачання, ён быў падпісаны на тэлеграм-каналы, дзе публікаваліся асабістыя дадзеныя супрацоўнікаў сілавых структур, і са снежня 2020 года па красавік 2021 года размяшчаў «каментары абразлівага характару, выказаныя ў непрыстойнай форме».

У лістападзе 2021 года Юрыя прызналі вінаватым у абразе 23 чалавек — чыноўнікаў, суддзяў, супрацоўнікаў міліцыі, пракурораў і Лукашэнкі — і прызначылі прымусовае лячэнне ў псіхіятрычным стацыянары.

На судовых паседжаннях Юрый не прысутнічаў. Па словах сваякоў, ён знаходзіўся ў дэпрэсіўным стане, у яго назіраліся панічныя атакі і псіхасаматычныя засмучэнні. Таксама вядома, што за час зняволення ён схуднеў больш як на 35 кілаграмаў. Яго законным прадстаўніком выступаў бацька.

Андрэя прызналі вінаватым у тым, што 19 студзеня 2021 года ён апублікаваў каментар з абразамі ў непрыстойнай форме на адрас участковага інспектара Нясвіжскага РУУС, старшага лейтэнанта міліцыі Руслана Карневіча. Па версіі абвінавачання, каментар быў накіраваны на "прыніжэнне гонару і годнасці прадстаўніка ўлады" і "прычыніў маральныя пакуты".

27 сакавіка 2021 года Іван разам з братам Сяргеем вярталіся дадому па праспекце Незалежнасці ў Мінску і па дарозе сфатаграфавалі ваенную тэхніку, якая праязджала, пасля чаго былі затрыманы. У Першамайскім РУУС на іх склалі па два пратаколы — па артыкулах 24.23 і 24.3 КаАП ("удзел у несанкцыянаваным мітынгу" і "непадпарадкаванне законнаму патрабаванню службовай асобы").

На судзе браты прасілі не прызначаць арышт, паколькі іх маці нядаўна перанесла інсульт і мае патрэбу ў доглядзе. Нягледзячы на гэта, кожнаму прысудзілі па 30 сутак адміністратыўнага арышту.

Пасля адбыцця адміністрацыйнага тэрміна Іван быў пераведзены ў СІЗА. Падставы і сутнасць абвінавачання застаюцца невядомымі.

Жыхар Светлагорску быў асуджаны за камэнтар у групе «Карнікі Беларусі», які суд Жлобінскага раёну расцаніў як абразу супрацоўніка міліцыі. Яго прыгаварылі да абмежавання волі ў ПУАТ, абавязалі выплаціць кампенсацыю маральнай шкоды, таксама былі канфіскаваны тэлефон і арыштаваны аўтамабіль.

Алена, актывістка, была затрыманая 1 сакавіка 2021 года ў межах крымінальнай справы, узбуджанай па артыкуле аб абразе суддзі. Таксама вядома, што ў лістападзе таго ж года яе зноў затрымалі, а ў доме правялі ператрус. У гэты ж час затрымалі і яе сястру Ірыну Гурчонак, якую пасля некалькі разоў запар асудзілі па адміністрацыйных артыкулах, якія шырока прымяняюцца ў палітычна матываваных справах, прызначыўшы буйныя штрафы. Вядома, што на жанчын аказваўся асаблівы ціск, у тым ліку з ужываннем пагроз.

Жыхар Пінска быў асуджаны ў снежні 2020 года па артыкуле "здзек з дзяржаўных сімвалаў" за зрыў сцяга. Суд Пінскага раёна і горада Пінска прыгаварыў яго да абмежавання волі.

Жыхар Баранавічаў быў асуджаны па артыкуле "гвалт або пагроза прымянення гвалту ў дачыненні да супрацоўніка органаў унутраных спраў" за тое, што, паводле абвінавачання, 10 жніўня 2020 года кінуў бутэльку з палаючай сумессю ў бок вайскоўца.