Вольга Ігараўна Брыцікава
- Галоўная
- Усе рэпрэсаваныя
- Вольга Ігараўна Брыцікава
Вольга Ігараўна Брыцікава
- Аб'яднанні
- Завадчане
Лідэр незалежнага прафсаюзу "Нафтана". Вольга працавала на прадпрыемстве 16 гадоў і з-за сваёй пазіцыі была звольнена. У траўні 2022 года яна выйшла на волю пасля 75 сутак арышту за выказванні супраць вайны. Была затрымана 1 лістапада зноў па адміністрацыйным артыкуле.
Праз два дні суд прызнаў яе вінаватай у распаўсюдзе «экстрэмісцкіх матэрыялаў» і прызначыў 15 сутак арышту. 11 лістапада яе зноў асудзілі на 15 сутак за "несанкцыянаваны пікет". Падставай для разбору стаў малюнак з надпісам "Не вайне", які Вольга апублікавала ў сацсетках.
21.11.2022 стала вядома, што Вольгу перавялі ў СІЗА ў Віцебску.
За няпоўны 2022 год Брыцікава правяла за кратамі 105 сутак-з іх вясной 75 сутак запар.
Была паўторна затрымана па арт.361 ч.2 КК РБ у жніўні 2023 года. Аднак увесну 2024 года адбыўся суд над Вольгай па арт.130 КК РБ.
11.06.2024 адбыўся разгляд апеляцыйнай скаргі, прысуд уступіў у сілу.
20 жніўня 2024 года над Вольгай адбыўся чарговы закрыты суд. Разглядаць яе справу быў прызначаны Яўген Буруноў у Віцебскім абласным судзе. Палітвязня абвінавачваюць па трох артыкулах. Вядома, што Вользе дадалі яшчэ тры гады калоніі.
20 снежня 2024 г. адбыўся разгляд апеляцыйнай скаргі ў Вярхоўным судзе. Старшыня судовай калегіі Уладзімір Давыдаў. Згодна з рашэннем калегіі, тэрмін другога прысуду Вользе скарацілі на 1 год. Такім чынам, агульны тэрмін палітвязні складае 5 гадоў пазбаўлення волі ў калоніі агульнага рэжыму. Па стане на пачатак студзеня 2025 года Вольга знаходзілася ў СІЗА, але ў канцы месяца пераведзена ў папраўчую калонію №4.
Як напісаць ліст?
✏️ Паштоўка са словамі падтрымкі (верш вашага ўлюбёнага аўтара, тэкст песні ці прыгожы выраз). Паверце, нават такая дробязь будзе важна для чалавека ў няволі.
✏️ Падзеі са свайго жыцця. Калі чалавек знаходзіцца ў ізаляцыі доўга, то любая вашая гісторыя з жыцця будзе для яго вакенцам ў атачальную рэчаіснасць. Бытавыя пытанні і паўсядзённыя падзеі — усё гэта нашмат лепш за штодзённасць кратаў і камер.
✏️ Важна дзяліцца навінамі. Узгадвайце самыя гучныя і цікавыя падзеі, у залежнасці ад інтарэсаў вашага суразмоўцы.
✍️️ Памятайце, кожны ліст праходзіць цэнзуру. Гэта значыць, што вашыя лісты чытаюць староннія людзі, зацікаўленныя ў тым, каб абмежаваць чалавека ў інфармацыі ці выкарыстаць яе супраць зняволеннага ці нават вас.
Таму старайцеся пазбягаць:
👉️️ рэзкіх выказванняў на вострыя палітычныя тэмы
👉 выказванняў у адрас прадстаўнікоў улады
👉 нецэнзурную лаянку
👉 абмеркаванне акалічнасцяў крымінальнай справы
Датычныя да рэпрэсій
Хто яшчэ знаходзіцца ў ИК-4
