Усе рэпрэсаваныя

Марына – беларускамоўная IT-спецыялістка з EPAM, якая таксама займаецца творчасцю. Яна піша артыкулы для беларускай Вікіпедыі, робіць ілюстрацыі, перакладае на беларускую мову і піша вершы. Пасля пачатку поўнамаштабнай расейскай агрэсіі супраць Украіны яна пераехала ў Грузію, але затым па невядомых прычынах вярнулася ў Беларусь. Неўзабаве яна была затрыманая ў рамках крымінальнай справы і асуджаная па артыкулах «фінансаванне экстрэмісцкай дзейнасці» і «фінансаванне ці іншая фінансавая падтрымка вайны».

Грамадзянін Польшчы. Вядома, што 19 ліпеня 2022 года Раман прыехаў у Беларусь і знік: пра яго месцазнаходжанне нічога не было вядома, а пошукава-выратавальны атрад "Паўднёвы Захад" аб'явіў яго пошукі. Пазней стала вядома, што Галуза жывы і яго месцазнаходжанне ўстаноўлена - без якіх-небудзь падрабязнасцей. Але знаёмы Рамана ў сацсетках пісаў, што той знаходзіцца ў СІЗА КДБ.

У Польшчы Галуза скончыў універсітэт, атрымаў грамадзянства, займаўся валанцёрствам - у тым ліку дапамагаў беларускім уцекачам. Затрыманне Рамана магло быць загадзя спланавана беларускімі сілавікамі.

Цяпер яму пагражае да 15 гадоў калоніі.

Ігар працаваў у Польшчы электрыкам. Быў затрыманы пры перасячэнні польска-беларускай мяжы.

У праўладным відэа Сарокін кажа, што выходзіў на праезную частку і перакрываў рух. На відэа відавочная акцыя пратэсту 10 жніўня 2020 года, якая адбывалася ў Брэсце. А менавіта момант сутычкі на скрыжаванні бульвараў і праспекта Машэрава.

Галіне Краснянскай 67 гадоў. Родам з Бабруйска, верагодна, з сям'і вайскоўца-у сацсетках пазначана, што яна нарадзілася ў «ваенным гарадку Кісялевічы». Калісьці там быў буйны вайсковы гарнізон і школа была створаная якраз для дзяцей вайскоўцаў. Пасля школы паехала ў Менск вучыцца на хіміка у беларускім тэхналагічным інстытуце (цяпер — БДТУ), але пасля Галіна працавала ў воінскіх часцях, калі верыць яе сацсеткам, напрыклад, з 1981 па 1986 год у частцы № 48819, якая базавалася ў прасавецкай частцы Германіі-ГДР.
Верагодна, пасля яна пераехала ў Швецыю. Яна павінна мець і шведскае грамадзянства.
Невядома, калі жанчына вярнулася ў Беларусь, але не раней за вясну 2023-га года. Дата затрымання невядомая таксама. Артыкул, па якім абвінавачваюць Галіну часцей за ўсё азначае ахвяраванне беларускім добраахвотнікам ці на дапамогу Украіне.

Станіслава затрымалі па вяртанні ў Беларусь з Польшчы, куды ён пераехаў больш за год таму. У канцы 2023 года ён прыехаў дадому, каб правесці святы з сям'ёй, але быў арыштаваны ў межах крымінальнай справы, узбуджанай пасля пратэстаў 10 жніўня 2020 года ў Брэсце супраць фальсіфікацыі прэзідэнцкіх выбараў. Станіслава асудзілі за ўдзел у "масавых беспарадках".

У апублікаваным праўладным пакаяльным відэа ён распавядае, што "ўдзельнічаў у пратэстах і выходзіў на праезную частку". На запісе бачна, што твар Станіслава падрапаны, хаця пры затрыманні такіх пашкоджанняў не было прыкметна.

Георгія Чараваку затрымалі ў жніўні пры вяртанні з ЗША. Асудзілі за данат у 21,29 даляра, які ён адправіў са свайго акаўнта PayPal у падтрымку Палка Каліноўскага. Да акаўнта была прывязана беларуская карта, з якой спісаліся сродкі. Улады палічылі гэта наўмыснымі дзеяннямі "з мэтай фінансавання дзейнасці па вярбоўцы, навучанні, іншай падрыхтоўцы" асоб да ўзброенага канфлікту ва Украіне.

На судзе ён распавёў, што добраахвотна паведаміў супрацоўнікам, што затрымалі яго, што ён падпісаны на шматлікія «экстрэмісцкія» тэлеграм-каналы, прызнаўся, што зрабіў перавод на рахунак Палка Каліноўскага.

Ён жа ўласнаручна даў супрацоўнікам паролі для ўваходу ў плацежную сістэму. Ён расказаў, што зрабіў донат, бо спадзяваўся, што гэтыя сродкі накіруюць на закупку касак, бронекамізэлек, медыкаментаў, аднак разумеў, што імі скарыстаюцца па сваім разуменні і, у тым ліку, купяць на іх зброю і боепрыпасы.

Вядома , што жанчыну затрымалі, калі яна вярнулася з Італіі.

15 сакавіка 2024 г. адбыўся разгляд апеляцыйнай скаргі.

Родам з Віцебска , вучыўся ў Гомелі, але ў апошні час жыў у Гродне. Па прафесіі – інжынер, у апошні час працаваў сістэмным адміністратарам у кампаніі Whitebird. Мяркуючы па сацсетках, жыў у Варшаве.

Таксама мужчына - радыёаматар. Уваходзіць у Беларускую федэрацыю радыёаматараў і радыёспартсменаў.

У студзені 2024 года пачаўся разгляд справы, апошняе паседжанне прайшло 29.03.2024

Першы раз Ігара Неміровіча затрымалі ў пачатку траўня 2022 года і адразу змясцілі пад хатні арышт, але ён уцёк і з'ехаў. Восенню гэтага года ён звярнуўся ў камісію па разглядзе зваротаў беларусаў, якія знаходзяцца за мяжой, і вярнуўся дадому, але гэты факт не прызналі "безумоўнай падставай для вываду аб яго раскаянні". 27 верасня 2023 года яго зноў затрымалі і змясцілі пад варту.

Паводле версіі абвінавачання , 10 жніўня 2020 года Ігар Неміровіч размясціў у Instagram фота з тэкстам у "непрыстойнай форме, якое зневажае гонар і годнасць Аляксандра Лукашэнкі, якое змяшчала негатыўную ацэнку і з'яўлялася абразлівым у адносінах да яго".

На працэсе Ігар віну прызнаў поўнасцю і расказаў, што з мая па жнівень 2020 года ён не жыў у Беларусі. Пра падзеі, якія адбываліся на радзіме, брэстаўчанін даведваўся са сродкаў масавай інфармацыі. "Падаўшыся негатыўным эмоцыям ад асвятляных падзей", ён размясціў у сацыяльнай сетцы Instagram фотавыява "абразлівага характару" ў дачыненні да Аляксандра Лукашэнкі.

16.08.2024 вызвалены поўнасцю адбыўшы тэрмін пакарання, прызначаны судом.

У кастрычніку 2024 года зноў затрыманы па падазрэнні ў "садзейнічанні экстрэмісцкай дзейнасці".

Затрымалі ў першых чыслах траўня 2023 года, калі ён прыехаў зрабіць перадачу свайму брату Максіму Лапаціну, затрыманаму па справе Мачулішчаў. Да гэтага мужчына жыў у Літве. Яго затрымалі па той самай справе дыверсіі ў Мачулішчах і абвінавацілі па арт. 289 Крымінальнага кодэкса. Пазней артыкул перакваліфікавалі на 361-2 КК (фінансаванне экстрэмісцкай дзейнасці).

На судзе Андрэй віну не прызнаў.

05.07.2024 адбыўся разгляд апеляцыйнай скаргі, прысуд уступіў у сілу.

Кірыл з 2007 года служыў у міліцыі. Оперупаўнаважаны, звольніўся з органаў у жніўні 2020 года і перайшоў у IT. Вядома, што яго затрымалі 19 лютага 2023 г. прама на мяжы: ён паўгода жыў у Польшчы, а ў Брэст прыязджаў наведаць жонку і маленькае дзіця.

Пра крымінальную справу супраць Кірылы вядома няшмат: суд праходзіў у закрытым рэжыме. Вядома толькі, што справа была звязана з "Чорнай кнігай Беларусі".

10.10.2023 павінна прайсці апеляцыйнае пасяджэнне суда.

Жыў і працаваў у Польшчы паўтара гады і вярнуўся ў Беларусь, дзе і быў затрыманы напрыканцы лістапада 2022 года. Па версіі сілавікоў, менавіта ў Польшчы ён зарэгістраваўся ў плане "Перамога". Таксама ён нібыта пісаў паведамленні з пагрозамі сілавікам.

Яўгену 40 гадоў, ён скончыў Акадэмію МУС больш за 15 гадоў таму і паспеў папрацаваць участковым, але звольніўся па ўласным жаданні. Пазней Аляксей перайшоў у ІТ. Пасля нейкі час пажыў у Еўропе, у Італіі. Яго затрымалі пры спробе ўезду ў Беларусь - мужчына хацеў прыехаць на дзень нараджэння маці і аформіць даверанасць. Супраць Яўгена Ціханава, як паведамляецца, заведзена крымінальная справа за каментары ў тэлеграме аб сілавіках і Лукашэнку па трох артыкулах.

28.06.2024 адбыўся разгляд апеляцыйнай скаргі, прысуд уступіў у сілу.

Аляксандра была затрымана ў лютым 2023 года па вяртанні ў Беларусь і на наступны дзень асуджана па адміністрацыйным артыкуле за "распаўсюджванне экстрэмісцкіх матэрыялаў" на 10 сутак. Аднак пасля адбыцця арышту яна так і не выйшла на волю, бо супраць яе распачалі крымінальную справу за два інтэрв'ю інфармацыйнаму рэсурсу, прызнанаму "экстрэмісцкім фармаваннем".

Яе абвінавацілі ў садзейнічанні "экстрэмісцкім фармаванням", адміністраванні Telegram-каналаў, распальванні варожасці, абразе ўладаў, распаўсюджванні персанальных дадзеных, а таксама ў паклёпе на Лукашэнку, і асудзілі па васьмі крымінальных артыкулах.

У сакавіку 2024 года суд разгледзеў апеляцыйную скаргу і скараціў тэрмін яе зняволення на адзін год, без права на далейшае абскарджанне.

У траўні 2024 года стала вядома, што яе паўторна асудзілі за "абразу прадстаўніка ўлады і суддзі".

Увесну 2025 года з'явіліся звесткі аб тым, што супраць Аляксандры распачалі чарговую крымінальную справу, і яе перавялі ў СІЗА.